I Pita 2:22 - Edo Bible (E Baibol Ẹdo) Version 1996

²² Ọ ma ru a i ghẹ ru, a ma vbe miẹn ọmwa ne ọ họẹn ẹmwẹ ohoghe ọkpa vbe unu ẹnrẹn.

I Pita 2:22 ပူးပေါင်းရင်းမြစ်များ

Psalm 34:13

Adeghẹ erriọ nọ, ghẹ gha ta ẹmwẹ dan, ghẹ gha ta ohoghe.

Aizaia 53:9

A keghi mu ẹẹn ye idin ba emwa dan, a ree ẹre ba iran ni fe, egbe ne a ya miẹn wẹ ọ ma ru emwi khọ ẹdẹ ra ne ọ ta ohoghe.”

Matiu 27:19

Pailet ghi tota ye ugha ne ọ na bu ohiẹn, amwẹ ọnrẹn gie uhunmwu giẹ wẹẹ, “Ghẹ mwẹ obọ vbe egbe ọmwa ne ọ ma rukhọ nii, rhunmwuda, I rrioya emwi ni bun vbe imina vbe ekpa ẹre ne asọn.”

Matiu 27:4

“I ru orukhọ ne I na rhie ọmwa ne ọ ma rukhọ maa ne a gbe ẹe rua.” Iran wanniẹn tama rẹn wẹẹ, “Ọ ni ma kan ima. Iwinna ne egbe uẹ nọ.”

Iyẹn ne ọ Maan Ọghe Luk 23:41

Ọ ghe ima wa kei rhunmwuda emwi ne ọ kei ne emwi ne ima ru ọre iran rhie ne ima, sokpan rẹn ma ru emwi rhọkpa khọọ.”

Iyẹn ne ọ Maan Ọghe Luk 23:47

Ọkaokuo ghi miẹn emwi ne ọ sunu, ọ rho Osanobua vbe uyi wẹẹ, “Vbe ẹmwata ọmwa esiesi te nọ.”

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

Iyẹn ne ọ Maan Ọghe Jọn 8:46

Gha ọ lẹ orukhọ ginna mwẹ obọ vbe uwu uwa? Adeghẹ ẹmwata ọre I ta, vbọzẹ ne uwa ma na ya mwẹ yi?

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

I Jọn 2:1

Ivbi mwẹ, te I gbẹn ebe na gie uwa ne uwa ghẹ miẹn ehe na rukhọ, sokpan, a deghẹ ọmwaikọmwa ghi vbe ru orukhọ, ma mwẹ ọmwa ne ọ rinmwian ne ima vbe ehe ne Evbavba ye, ọnii ọre Jesu Kristi ne ọmwata.

I Jọn 3:5

Wa rẹnrẹn wẹ, te Kristi rre ne ọ miẹn ehe na do viọ orukhọ emwa gha rrie, kevbe wẹ, orukhọ i rre uwu irẹn.

Arhie Maan 14:5

Iran ma he te ohoghe ẹdẹ, te ọ gba ne iran fo.