I Pita 2:21 - Edo Bible (E Baibol Ẹdo) Version 1996

²¹ Ọna ọre Osanobua rhunmwuda ẹre tie uwa, rhunmwuda wẹ, Kristi tobọ ẹre rri oya, ọ keghi rhie igiemwi ne uwa wẹẹ, ne uwa gha lele ukpowẹ irẹn.

I Pita 2:21 ပူးပေါင်းရင်းမြစ်များ

Psalm 85:13

Ẹmwata gha ke odaro ne Nọyaẹnmwa ọ gha ya dọlọ odẹ yi khẹ ọre.

Matiu 10:38

Ọmwaikọmwa ne ọ ma mu ugbugbe ẹre ne ọ gha lele ukpowẹ mwẹ, ọ ma ke vbe ọghomwẹ.

Matiu 11:29

Wa rhie urọnghọn mwẹ ye urhu uwa, wa do ruẹ emwi vbe ehe ne I ye rhunmwuda, ọmwa ne ọ fu kevbe ne ọ mu egberriotọ ọre imẹ khin, wa gha miotọ na hẹwẹ.

Matiu 16:24

Jesu keghi tama avbe erhuanegbe ẹre wẹẹ, “Ọmwaikọmwa ne ọ ho ne irẹn lele mwẹ, wẹ ne ọ mianmian enegbe ẹre, ne ọ mu ugbugbe ẹre, ne ọ lele mwẹ.

Iyẹn ne ọ Maan Ọghe Luk 24:26

Ọ ma te kei ra ne Mẹzaia rrioya emwi na hia ne ọ vbe la uwu uyi ẹre?”

Iyẹn ne ọ Maan Ọghe Jọn 13:15

Igiemwi ọre I rhie ne uwa, wa ghi gha ru vbene I ruẹe ma uwa na.

Iyẹn ne ọ Maan Ọghe Jọn 16:33

Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Iwinna 17:3

Ọ kegha rhan otọ ẹre, ọ kegha rhie ma wẹẹ ẹ i mwẹ ne Mẹzaia ghẹ rri oya kevbe ne a vbe huẹn ọnrẹn kapo vbe idin. Pọl keghi kha wẹẹ, “Jesu na ne I ta ẹmwẹ ọnrẹn ma uwa na, ọrọre nene Mẹzaia.”

Iwinna 9:16

Mẹ gha tobọ mwẹ rhie ma rẹn oya ne ọ gha re rhunmwuda mwẹ.”

Ebe ne Pọl gbẹẹn gie emwa Rom 8:29

Rhunmwuda avbe iran ne Osanobua hannọ zẹ nẹ, ọre irẹn vbe viọ ye efọnkpa ne iran do ye vbe Ovbi ẹre, ne Ọmọ miẹn ehe na do gha re okaro vbe uwu ẹbu etẹn ni bun.

I Kọrinti 11:1

Rhunmwuda ọnii, wa gha ru emwi khọ mwẹ zẹ vbene imẹ ru emwi khọ Kristi.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

Filipai 2:5

Wa gie egbe ekhọe nọ gha gu e Jesu vbe gha gu uwa.

I Tẹsalonaika 3:3

Wẹ ne ọmwarhọkpa vbe uwu uwa ghẹ rhunmwuda a zẹ ọmwa kpokpo na tota ye owa. Wa tobọ uwa rẹnrẹn wẹ, egbe a zẹ ọmwa kpokpo vberriọ, usun emwi ne Osanobua mwamwa khẹ ima ọre nọ.

I Tẹsalonaika 4:2

Rhunmwuda, wa rẹn vbene ima tama uwa hẹ vbe ekpa asẹ ne ọ ke obọ Nọyaẹnmwa Jesu rre.

II Timoti 3:12

Emwa hia ni ho ne iran gha yin uyinmwẹ ne ọ yẹ Osanobua, vbe a ya egbe ba Kristi, a gha zẹ iran kpokpo.

Hibru 2:10

Ma miẹn ọẹn vbe a ya ọghọ kevbe uyi rhu ẹre ẹde, rhunmwuda oya uwu ne ọ ree. Emwi ọkpa ne ọ gele wa ke ne ọ ru ighẹ Osanobua, ọmwa ne ọ ọre ne ọ yi kevbe ne ọ viọ emwi hia mwẹ, ọrọre ne ọ ye Jesu khian ne ọ gbae vbe uyi ẹre, rhunmwuda, Jesu ọrọre ọmwa ne ọ su iran gha rrie imiẹnfan.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.

I Pita 3:9

Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.

I Pita 4:1

Vbene a ghi na miẹn wẹ, ikinnegbe ọre Kristi ya rri oya, wa vbe ya egbe iro vberriọ rhie ẹtin ye egbe uwa iwu, rhunmwuda ọmwa ne ọ ghi rri oya nẹ vbe egbe, ẹ i ghi de fi orukhọ.

I Pita 4:13

Sokpan, wa gha ghọghọ wẹ, a vbe ghae sẹ uwa obọ vbe uwu oya ne Kristi re, ne uwa miẹn ehe na vuọn ne oghọghọ vbe Ẹdẹ ne iran gha ya egbe ladian.

I Jọn 2:6

Ọmwa ne ọ kha re ighẹ uwu Osanobua ọre irẹn ye, we ne ọ gha yin zẹ vbene Jesu Kristi yinrin.

I Jọn 3:16

Vbene ima ya rẹn emwi ne aho ẹmwẹ ọmwa khin ọre ọ na khin: Kristi ya ẹdẹ agbọn rẹn fi ohan ne ima. Rhunmwuda ọnii, ọ te vbe kei khekherriọ ne ima gha ya ẹdẹ agbọn mwa fi ohan ne etẹn mwa.

Arhie Maan 12:11

Esagiẹn Oteghe Ohuan nii kevbe orhu ẹmwata ne iran kpee, ọre avbe etẹn mwa ya khọn miẹn ẹre otọ, iran te wa vbe mu egbe ne iran rhie ẹdẹ agbọn iran ye otọ, ne iran vbe wulo.