I Pita 2:2 - Edo Bible (E Baibol Ẹdo) Version 1996

² Wa gha ye vbe emobọ nodẹ, ohanmwẹ ẹwẹn ẹmwẹ ẹmwata ọghe orhiọn ghi gha gbe uwa ẹghẹ hia, wẹ, wa ghẹ ghi gha wẹn ọẹn, wa ghi do wan, a ghi miẹn uwa fan.

I Pita 2:2 ပူးပေါင်းရင်းမြစ်များ

II Samuẹl 23:5

Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.

Job 17:9

Iran ni khare wẹ adazẹ iran khin, wa dọlegbe rhie ye ekhọe wẹ iran rri asẹ.

Itan 4:18

Odẹ ne ọmwa esi la khian, te ọ yevbe ovẹn nẹ o da yan rre, uwanmwẹ ọnrẹn ghi gha mu otọe yọ rhinrin ọ te do sẹ ẹghẹ ogiavan.

Hozia 14:5

I gha ye vbe amẹ ne ọ rhọ ye otọe nọkae ne ivbi Izrẹl, iran gha vẹ gba ehe hia zẹ vbe obobo. Inian iran gha deziẹn vbe otọ zẹ vbe avbe erhan e Lebanọn.

Hozia 14:7

Iran gha dọlegbe gha re ne imẹ gbearoghe. Iran gha kọ emwiokọ, avbe ọka iran ghi vbe gha mọ zẹ vbe ogba azara. Iran ghi vbe gha gbe otiti zẹ vbe ayọn e Lebanọn.

Hozia 6:3

Wa gie ima ziga ne a rẹn e Nọyaẹnmwa. Vbe ne a i na gbe awẹawẹ, ọ gha bu ima rre zẹ vbe ne ẹ i mwẹ ẹdẹ ma gbe, zẹ vbene ẹ i mwẹ amẹ orhọ ma rhọ ye otọ.”

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Matiu 18:3

Ọ wẹẹ, “Ne I khama uwa, vbe ẹ i re te uwa fiwerriẹ ne uwa do gha ye vbe ibiẹka, wa i sẹtin la Arriọba ẹrinmwi.

Matiu 19:14

Jesu keghi kha wẹẹ, “Gie avbe ibiẹka bu mwẹ gha dee, ghẹ de gbe iran odẹ rhunmwuda avbe iran orre ọ yan Arriọba Osanobua.”

Iyẹn ne ọ Maan Ọghe Mak 10:15

Ne I tama uwa, ọmwa ne ọ ma rhan obọ miẹn Arriọba Osanobua zẹ vbe ọvbokhan, ẹ i sẹtin la uwu ẹre.”

Iyẹn ne ọ Maan Ọghe Luk 18:17

Wa ghi yerre, ọmwa ne ọ ma rhan obọ miẹn Arriọba Osanobua zẹ vbe ọvbokhan kherhe, ẹ i sẹtin la uwu ẹre.”

Ebe ne Pọl gbẹẹn gie emwa Rom 6:4

Vbe ekpa ne a na sa amẹ ne ima, te a re ima ba irẹn, ma keghi vbe ghae vbe uwu ne irẹn wu, wẹ vbene a huẹn Jesu kpao vbe orinmwi vbe ekpa ẹtin Uyi ọghe Evbavba, erriọ zẹẹ ọre ima gha vbe gha rrọọ vbe uyinmwẹ ọgbọn.

I Kọrinti 14:20

Wa ghẹ gha yevbe ibiẹka vbe emwi ne uwa ro etẹn mwẹ, wa gha re ibiẹka vbe emwi dan ne a ru sokpan eniwanrẹn vbe iro ne a roro.

Ẹfisọs 2:21

Rẹn ọrọre ọmwa ne ọ de owa ni hia kugbe, ọ na gi ẹe wan do khian Ọgua Osa ne ọ huanrẹn vbe uwu Nọyaẹnmwa.

Ẹfisọs 4:15

Sokpan ọ kere ne ima gha la odẹ hia wan bu vbene ọ khin ighẹ Kristi, ne ọ re ọdia ọghe ehia vbe ekpa ne ima gha na gha ya orhiọn aho ẹmwẹ ọmwa ta ẹmwata.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.

I Pita 1:23

Rhunmwuda la ekpa ẹmwẹ Osanobua ne ọ rrọọ, kevbe ne ọ re ọghe ẹtẹbitẹ dọlọ uwa biẹlẹ nẹ, zẹ vbe ivbi evbibiẹ ọmwa ọkpa, ne ọ re ne ẹ i wu ighẹ ẹ i re ne ọ wu.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.