I Pita 2:19 - Edo Bible (E Baibol Ẹdo) Version 1996

¹⁹ Osanobua gha rhunmwuda ọnii fiangbe uwa, a deghẹ wa rri oya ekueku, rhunmwuda ighẹ wa ru emwi ne irẹn ho roro.

I Pita 2:19 ပူးပေါင်းရင်းမြစ်များ

Job 21:27

I rẹn ekhọe otilua ne uwa mwẹ. Wa ghi wẹẹ, ‘Owa okpọmwa nii ghi vbo nian, ọmwa nii ne ọ yin uyinmwẹ dan?’

Psalm 119:86

Uhi ruẹ hia gia mu ẹtin yan, emwa ye ohoghe gun mwẹ gbinna, ru iyobọ mẹ.

Psalm 35:19

Ghẹ gie iran ne eghian mwẹ, avbe ọhọn ohoghe nii, ghọghọ mwẹ wẹ obọ vba mwẹ. Ghẹ gie iran ni khuiwu mwẹ vbe ai mwẹ otọ, ye igiogio gbe mwẹ ye akhiẹ mwẹ.

Psalm 38:19

Egbe rran avbe eghian mwẹ iran vbe wegbe, iran ni khuiwu mwẹ vbe nẹi na mwẹ otọ wa bun.

Psalm 69:4

Iran ni khuiwu mwẹ vbe ne a i na mwẹ otọ bun sẹ eto ne uhunmwu mwẹ. Avbe eghian mwẹ mu ohoghe ba mwẹ, iran wegbe, iran kevbe ho ne iran gbe mwẹ uan. Iran mu mwẹ gha ha osa emwi ne I ma rhie.

Iyẹn ne ọ Maan Ọghe Luk 6:32

“A deghẹ iran ni ho ẹmwẹ ruẹn ọkpa ọre uwẹ vbe ho ẹmwẹ ọnrẹn, vbọzẹ ne u gha na ye aro ye afiangbe. Avbe emwa orukhọ vbe ho ẹmwẹ ni ho ẹmwẹ iran.

Iyẹn ne ọ Maan Ọghe Jọn 15:21

Sokpan iran gha ru uwa avbe emwi na hia rhunmwuda ighe uwa re ogho mwẹ, rhunmwuda iran ma rẹn ọmwa ne ọ gie mwẹ.

Iwinna 11:23

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

Ebe ne Pọl gbẹẹn gie emwa Rom 13:5

Rhunmwuda ọna ọre a na miẹn wẹ iwinna uwa nọ ne uwa gha họn ẹmwẹ ne iran ni rre asẹ, ẹ i re rhunmwuda afianma izohu Osanobua ọkpa, sokpan zẹ vbe ne ekhọe ọmwa i na gu ọmwa gui.

I Kọrinti 15:10

Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 8:1

Etẹn mwẹ, ma ho ne uwa rẹn iwinna ne ẹsọhẹ Osanobua he winna vbe esọsi ne ọ rre Masidonia.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

Hibru 10:2

Akpawẹ a gele khuẹ emwa ni ga Osanobua huan hin orukhọ iran rre, ekhọe iran i ghẹ ghi vbe gha bu abe orukhọ gbe iran ọvbehe, ẹghẹ ni, ese ne a zọ hia ghẹ ghi dobọ yi.

I Pita 2:20

Rhunmwuda, de ere ne ọ rrọọ yi, a deghẹ wa ziengbe ye vbe a gha rri uwa oya ba emwi ne uwa ba ku rru? Sokpan a deghẹ uwa ziengbe oya ne uwa re vbe uwa ma ba emwi rhọkpa ku ru, Osanobua gha fiangbe uwa yọọ.

I Pita 4:15

Ọma kei ne ọmwaikọmwa vbe uwu uwa rri oya ba ẹmwẹ ẹrrẹe.