I Pita 2:18 - Edo Bible (E Baibol Ẹdo) Version 1996

¹⁸ Wa ne eguọmwadia, wa gha gbe uhunmwu ke otọ ne iran ne arowa uwa, wa ghi wa gha ya ọghọ ne iran, ẹ i re iran ni fu ni mu ẹmwẹ ọmwa ro ọkpa, sokpan kevbe iran ni khọ ba ẹre.

I Pita 2:18 ပူးပေါင်းရင်းမြစ်များ

Psalm 101:4

Mẹ i ra zẹ okeke, mẹ i ra vbe gu ọkhọ mu otu.

Itan 10:32

Emwa ẹmwata rẹn ẹmwẹ itohan ne iran gha ta, sokpan, ẹmwẹ ne ọ kan ọmwa egbe ọ re emwa dan ta vbe ẹghẹ hia.

Itan 11:20

E Nọyaẹnmwa i ho ẹmwẹ ọmwa ne ọ mwẹ ekhọe ibisi, sokpan, ọ ho ẹmwẹ ọmwa ne ọ ru emwi ẹse.

Itan 3:32

rhunmwuda, e Nọyaẹnmwa khuiwu iran ni ru emwi dan, sokpan, ọ mu iro ma emwa ẹmwata.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

II Kọrinti 10:1

Mẹ ne Pọl wa tobọ mwẹ rinmwian uwa, mẹ ne a wẹ re I gha gu ọmwa mudia, I ghi gha re ọmẹhẹ, sokpan I gha kpao vbe ehe ne uwa ye rre nẹ, I ghi gha khọ mu uwa, I ye ufumwẹ kevbe itohan Kristi rinmwian uwa.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Taitọs 3:2

Tama iran ne iran ghẹ ta ọmwaikọmwa ọtakhọ, sokpan ne iran gha re ne ọ ho ẹmwẹ ọfumwegbe, kevbe ne ọ gu emwa hia ru ọse, kevbe ne iran gha gu emwa hia yin uyinmwẹ ọmẹhẹ.

Jems 3:17

Sokpan ẹwaẹn ne ọ ke odukhunmwu rre, keghi re vbe okaro, ne ọ huanrẹn, ọ keghi vbe re ne ọ fu ọmwa egbe rre, ne rọkhọ kevbe ọghe ọse, ọ vuọn ne itohan, ọ keghi vbe viọ emwiorhọ iwinna esi ladian, ẹ i mwẹ ẹko ne ọkhọ ọmwa ra ẹkẹ vbe iwẹnwẹn.