I Pita 2:16 - Edo Bible (E Baibol Ẹdo) Version 1996

¹⁶ Wa gha ru emwi ọmwa ne ọ yan egbe ẹre, sokpan wa ghẹ ba muẹn, mẹ ọ yan egbe mwẹ gue aro gha zẹ iba, sokpan wa gha ru emwi zẹ vbe eviẹn Osanobua.

I Pita 2:16 ပူးပေါင်းရင်းမြစ်များ

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Iyẹn ne ọ Maan Ọghe Jọn 15:22

Iran ghẹ i rri abe emwi rhọkpa akpawẹ mẹ ma rre do gu iran guan, vbene ọ ghi ye na nian, iran i ghi miẹn emwi mu ẹmwẹ orukhọ iran na.

Ebe ne Pọl gbẹẹn gie emwa Rom 6:18

A fannọ uwa hin obọ orukhọ rre nẹ, wa ke do gha re eviẹn emwi ni re emwi ẹmwata.

Ebe ne Pọl gbẹẹn gie emwa Rom 6:22

Sokpan, banbanna nian, a fannọ uwa hin obọ orukhọ rre nẹ, eviẹn Osanobua ọre uwa ghi khin nian, rhunmwuda ọnii ẹdẹ agbọn uwa keghi re ne a ya fiohan nẹẹn, vbe okiekie, wa ghi do gha mwẹ ẹfe ne ẹ fo.

I Kọrinti 7:22

Rhunmwuda, ọviẹn ne Osanobua tie nẹ, nọyan egbe ẹre ghi nọ vbe obọ Nọyaẹnmwa, erriọ vbe nọ zẹẹ, ọmwa ne ọ yan egbe ẹre ne Kristi tie re, ọviẹn ọnrẹn nọ.

Galatia 5:1

Ọdakha egbe mwa ma ye. Kristi rhan ima nẹ. Rhunmwuda ọnii nian, wa mudia zẹ vbe emwa ni rre ọdakha egbe iran, ne uwa ghẹ ghi gie a dọlegbe ya uwa khian eviẹn.

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

Ẹfisọs 6:6

Ẹ i re vbe iran a gha dẹghe uwa ọkpa, wa gha na gha ru vberriọ, ne iran miẹn ehe na tian uwa, sokpan, wa gha ya ekhọe uwa hia ru vbene Osanobua ho, zẹ vbe eviẹn Kristi.

Kọlose 3:24

U ghi yerre ighẹ Nọyaẹnmwa gha san ruẹn ẹse, ọ gha sẹ uẹ obọ vbe emwi ne ọ viọ hinrre khẹ emwa rẹn. Rhunmwuda, Kristi ọrọre arowa ne arowa ne u ga.

I Tẹsalonaika 2:5

Rhunmwuda, wa tobọ uwa rẹnrẹn wẹ, ẹ i re ẹmwẹ ọrhiẹnrhiẹn vbe ukpẹ ọre ima do tama uwa, ra ne a ye ẹmwẹ ne unu zẹ asa gue orriarria ẹko mwa, Osanobua ọrọre osẹ ima.

Jems 1:25

Sokpan, ọmwa ne ọ gbe aro ke otọ ghe uhi ne ọ gbae ne ọ ya ọmwa khian nọyan egbe ẹre, ne ọ rhie ẹre ye ekhọe vbe ẹghẹ hia, ighẹ ẹ i re ne ọ gha danmwehọ nẹ, ọ mianmianẹn, sokpan ne ọ ya ẹe ru emwi, Osanobua gha fiangbe ọmwa vberriọ vbe emwikemwi ne ọ rhirhi gha ru.

Jems 2:12

Wa gha guan, ne uwa vbe gha ru emwi zẹ vbe emwa ne a gha lele uhi ne ọ ya emwa khian eniyanegbe iran bu ohiẹn ọnrẹn.

II Pita 2:19

Iran ghi gha tama iran wẹ iran gha khian enọyan egbe iran, vberriọ iran tobọ iran, eviẹn emwi ne egbe guẹe ne ọ fuẹn emwa uan, ọre iran khin, rhunmwuda, ọviẹn emwi ni ne obọ ẹre ghi gba ọmwa nẹ, ọre ọmwa khin.

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.