I Pita 2:15 - Edo Bible (E Baibol Ẹdo) Version 1996

¹⁵ Rhunmwuda, vbene Osanobua ho ẹre yi ọna khin: Ọ ho ne uwa ya uyinmwẹ esi uwa gbe ọta ye iran unu, ighẹ iran ni kọẹn ni guan ẹmwẹ ogboi.

I Pita 2:15 ပူးပေါင်းရင်းမြစ်များ

Job 2:10

E Job keghi wanniẹn wẹẹ, “Ẹmwẹ oya ọ re ọ ke unu ẹn ladian. Osanobua gha rhie emwi ne ọ maa giẹ ọmwa, ma ghi ye oghọghọ miẹn ẹnrẹn. Vbọzẹ ne a gha na gha gui ẹzọ uwunu a deghẹ ọ giẹ ọlọghọmwa rre?” Vbene ọlọghọmwa na wegbe sẹ, e Job ma fi unu giẹ Osanobua. Avbe Ihua E Job Rre

Job 5:16

Ọ rhie idaehọ ne ovbiogue. Ọ gue ọmwa dan unu.

Psalm 107:42

Emwa ẹmwata miẹn ọna, iran kegha ghọghọ sokpan, a keghi gue emwa dan hia unu.

Psalm 5:5

Wẹ i ho ne u bẹghe emwa itengbemu, wẹ khọ ẹko emwa dan hia.

Itan 9:6

Ladian vbe uwu ẹbu emwa ni ma rẹn ne a ye, ne u gha rre agbọn. Wẹ lele odẹ irẹnmwi.”

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Matiu 25:2

Isen vbe uwu iran keghi kọn, isẹn ni dekẹe keghi waan.

Matiu 7:26

Sokpan ọmwaikọmwa ne ọ họn ẹmwẹ na ighe ọ ma yae yin, I gha yae gie ọzuọ ọkpa ne ọ bọ owa ẹre yan uzekhae.

Ebe ne Pọl gbẹẹn gie emwa Rom 1:21

Iran rẹn Osanobua, sokpan iran ma rhie uyi ne ọ khẹ kẹe nẹẹn, debare, iran ma kpọnmwẹ ọẹn. Ne iran gha na te ru vberriọ, ekhọe iran keghi do khian emwi oya fẹẹrẹ.

Galatia 3:1

Wa ne emwa Galatia ne akpa. Gha ọ ruan uwa yi? Vbe odaro uwa zẹ, wa miẹn vbene a wa gie ẹre hẹ ighẹ uwu ne Jesu Kristi wu vbe uhunmwu ugbugbe!

Diuteronomi 32:6

Erriọ ọ re uwa ra ru e Nọyaẹnmwa ra, wa ne akpa ne ẹ i mwẹ ẹwaẹn? Rẹn ọrọre erha uwa, ọmwa ne ọ yi uwa, rẹn ọ re ọ ya uwa khian okpẹvbo.

I Tẹsalonaika 4:3

Emwi ne Osanobua mwamwa ẹn ne uwa ọna khin, ọ ho ne uwa gha re ne ọ huanrẹn kevbe ne ẹ i mwẹ obọ vbe emwi alama oghẹ hiehiere.

I Tẹsalonaika 5:18

Gha kpọnmwẹ ye emwi ne ọ rhirhi sunu. Erriọ ọre Osanobua ho ne uwa gha ru vbe ẹdẹ agbọn uwa vbe uwu Kristi Jesu.

I Timoti 1:13

Egbe ne a rhe ya miẹn wẹ, vbe ẹghẹ ne ọ gberra, te I gha ye ukpẹ sakan ẹn, I zẹ ọe kpokpo, I na vbe gha filo unu gi ẹe. Sokpan Osanobua tohan mwẹ, rhunmwuda wẹ, ne i ma na yayi ni, I ma rẹn emwi ne I gha ru.

Taitọs 2:8

Gha lo ẹmwẹ ne ọ gbae ne ẹ i gia gbe odan ye ọmwa ẹre, ne ekhue miẹn ehe na mu avbe eghian ighẹ iran ma ghi miẹn emwi rhọkpa ya zan ima.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.

I Pita 3:17

Rhunmwuda, a rri oya ba ẹmwẹ uyinmwẹ esi, a deghẹ Osanobua ho ẹre ye vberriọ, ọre ọ maa sẹ, rhunmwuda ighẹ a ru emwi dan.

I Pita 4:2

Rhunmwuda ọnii khekherriọ, ke ẹghẹ na kpao, wa ghi gha lo edẹ agbọn uwa vbe emwa na, vbe ne a gha na miẹn wẹ, iho Osanobua ọre ọ ta ne a gha ru ma rẹn ighẹ ẹ i re orriarria emwa ne agbọn.

II Pita 2:12

Egbe ne ọ ma ọmwa emwi, ọre iran na lele ru emwi zẹ vbene iran wa ye ighẹ avbe aranmwẹ oha ne a biẹlẹ ne a miẹn gha mu gbele re. Iran ghi gha ya ukpẹ sakan emwi ne iran ma rẹn otọ ẹre. Te a ra fuẹn iran hia, zẹ vbe aranmwẹ oha.

Ebe ne Jud gbẹẹn 1:10

Sokpan, iran na ghi gha ya unu salọ emwi ne iran ma rẹn otọ ẹre, avbe emwi nii ne egbe ma iran ẹre, zẹ vbe aranmwẹ oha, ọrọre emwi ne ọ vbe fuẹn iran uan.