Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I Pita 2:12 - Edo Bible (E Baibol Ẹdo) Version 1996

12 Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

အခန်းကိုကြည့်ပါ။ ကော်ပီ




I Pita 2:12
46 ပူးပေါင်းရင်းမြစ်များ  

Avbe emwa dan yuo umozo iran an, iran vbe si uhanbọ iran tua, ne iran ya gbe ovbiogue kevbe ne ẹi mwẹ ne iran lọkọ iran ni ru emwi ẹse.


Ekpọnmwẹ ọrọre ese ne ọ rhie ọghọ mẹ, mẹ gha vbe miẹn iran hia ni họn ẹmwẹ mẹ fan.”


Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?


Rhunmwuda ọnii, avbe iran ni su ẹvbo nekpa kevbe avbe gọvina kegha gualọ ehe ne iran gha na miẹn abakuru vbe odẹ ne Daniẹl ya gbearoghe otọe arriọba nii sokpan iran ma miẹn, rhunmwuda, ọmwa ne ọ gie a mu ẹtin yan ọ re Daniẹl khin, ọ ma vbe ru emwi ne ọ ma gba ọghe ogberhu.


Ọmwa ne a ma ẹre emwi sẹtin hia ne ọ vba ne ọ ma ẹre emwi. Ra ne ọviẹn vba enarẹn. Adeghẹ iran tie ọdafẹn nọyan owa Bẹlzibọb, inu ghi nọ ne iran ni rre owa ni!


“Ọ maa ne uwa vbe emwa a gha zan uwa, vbe iran a gha zẹ uwa owẹ, ighe iran vbe ba uwa ẹmwẹ, rhunmwuda ighe wa re emwa ni lele mwẹ.


Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.


Ugbẹn vbe avbe emwa ni ghi miẹn emwi na, ohan mu iran, iran keghi rho Osanobua vbe uyi ye ne ọ na rhie egbe ẹtin vberriọ ne emwa.


“Wa gie a rho Nọyaẹnmwa Osanobua ọghe Izrẹl. Rhunmwuda ọ do ye emwa rẹn obọ, ọ keghi fan iran vbe irri.


Iran gha gbe uẹ ogbefo, ke uwẹ kevbe emwa ni rre uwu odin ruẹn, okuta ọkpa ne a gha sẹ rae ye ihe ẹre ẹ i rrọọ. Rhunmwuda, u ma tie ẹre emwi ẹmwata vbe Osanobua do miẹn ruẹn fan.”


“Ọ maa ne uwa vbe emwa a gha khuiwu uwa, vbe iran a vbe kan uwa fua, iran na vbe gha zan uwa kha ighẹ emwa dan wa khin rhunmwuda Ovbi Ọmwa.


Judas ghi kpao nẹ, Jesu keghi wẹẹ, “Banbanna nian, a rhie uyi Ovbi Ọmwa maa, a keghi vbe la egbe ẹre rhie uyi Osanobua maa.


Saimọn ta ẹe wan vbe ne Osanobua ka ya rhie maa hẹ ighẹ rẹn vbe zẹ ye iran ne ẹ i re Ju re vbe ekpa ne ọ na viọ emwa eso vbe uwu iran ya ru ọghe irẹn.


Vberriọ iran i sẹtin zẹ ọre ugbaro a ma ruẹn ighẹ ifi ẹzọ ne iran ba mwẹ re na.


Ugbẹn vbe Pọl ghi rre, avbe Ju ni ke Jerusalẹm rre keghi lẹga ẹre, iran na gha gu ẹe gui okpẹzọ ni bun, sokpan, iran ma sẹtin zẹ erhọkpa ugbaro a.


Sokpan ma gha ho ne ima vbe họn vbe ne ọ ye hẹ vbe ekhọe uwẹ, rhunmwuda ma rẹnrẹn wẹ, a i miẹn ehe ne a na ta ẹmwẹ ọnrẹn ẹse ighẹ otu ne u khare ighẹ uwẹ ye na.”


Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.


Wa gie ima gha ru emwi ọmwa ne ọ rẹn enegbe, zẹ vbe ivbi uwanmwẹ ẹdẹ, ẹ i re vbe uwu oyanghan, ra ayọn ne a da gbe egbe, ẹ i re uwu alama oghẹ ra u sakanmwẹ, ẹ i re vbe uwu igbinna ra oya ọmwa da ọmwa.


Ọmwaikọmwa ne ọ ye vberriọ ga Jesu miẹn aro ne ọ maa ọghe Osanobua kevbe ne agbọn tu ọma lele.


Ke ne iran ne ẹ i re Ju miẹn ehe na gha rho Osanobua rhunmwuda itohan rẹn. zẹ vbene ebe khare: “Rhunmwuda ọnii, mẹ gha kpọnmwẹ ọn vbe uwu ẹbu avbe iran ne ẹ i re Ju I gha so ihuan urhomwẹ ghe eni ruẹn.”


Iro ẹkhokho ne ọ zẹ vbe ekhọe ghi khian ne a rhie ladian azagba, ọ ghi vbẹ rre ye uhunmwu rhanmwẹ otọ ne Osanobua, ọ ghi miẹnkue wẹ, “Vbe ẹmwata, Osanobua gu uwa rre emwa na.”


Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.


Ma na erhunmwu ghe Osanobua ne uwa ghẹ fidọn, ẹ i re ne a miẹn ehe na rhie maa ighẹ ma ru rho obọ nẹ, sokpan wẹ ne uwa gha ru emwi ne oghae, ma gha rhe ye vbe emwa ni gbekuẹn.


Emwi ne ima mwẹ vbe ekhọe ọrọre ne a gha ru emwi la odẹ ne ọ gbae, ẹ i re vbe odaro Nọyaẹnmwa ọkpa, sokpan kevbe odaro emwa ne agbọn.


Vbe ẹmwata, vbene iran ye ọre ima hia te ka gha ye, ma na wa gha ru vbene ikinnegbe mwa wa hoo, ma na gha ru emwikemwi ne egbe kevbe ekhọe mwa ghi ho. Zẹ vbene emwa nekpa hia gha ye, ma kegha re emwa ne a yi ẹre ama wẹ, ọ gha rri oya vbe obọ izohu Osanobua.


Rhunmwuda ọnii wa muẹn fua ighẹ emwi ne uwa guẹe nẹdẹ, ne ọ ye uwa gha ru emwi ne uwa te ka ru nẹdẹ nii, ne emwi erẹrẹ ne ọ ho te ya rrie.


Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.


Vbe ufomwẹ ehia, etẹn mwẹ, wa gha ya avbe emwi ni maa kevbe ne ọ gie a ta ẹmwẹ ọnrẹn ẹse vuọn ekhọe uwa, avbe emwi ẹmwata, adazẹ ne ọ gbae ne ẹ i mwẹ iruẹn kevbe ne ọ mwẹ uyi.


Wa gha ru vberriọ, iran ni ma yayi ghi gha ghe uwa gẹdẹgbẹẹ, wa i ghi ra vbe ghe ọmwa rhọkpa obọ.


Ne avbe ọba kevbe emwa hia ni rre ọdakha, ne ima miẹn ehe na gha lo ẹdẹ mwa vbe ne khuẹrhẹ kevbe ọfumwegbe, vbe uwu a rẹn Osanobua kevbe uyinmwẹ ne ọ gbae.


Ghẹ gie ọmwarhọkpa ye aro tila ruẹ a rhunmwuda ighẹ ọvbokhan u khin, sokpan gha re igiemwi ne eni yayi hia, vbe ẹmwẹ ne u guan, uyinmwẹ ruẹn, aho ẹmwẹ ọmwa ruẹn, iyayi kevbe a i mwẹ iruẹn.


A ghi vbe gha so eni ẹnrẹn ẹse ye uyinmwẹ ne ọ maa, okhuo nọ koko ivbi ẹre ẹse, ne ọ miẹn avbe orhunmwuyẹn yi vbe owa ẹre, ne ọ vbe kpe emwa Osanobua owẹ, ne ọ vbe ye iran ni rre uwu ọlọghọmwa obọ, ne ọ vbe rhie egbe ye ne ọ gha winna iwinna ni maa hia.


Wa ye gha na erhunmwu ne ima. Ma rẹnrẹn wẹ ekhọe ima ma bu abe gbe ima, rhunmwuda, ma ho ne ima ru vbene ọ kere ẹghẹ hia.


Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”


Orhiọnkpa rrọọ vbe uwu uwa ne ọ waan ne ọ vbe rẹn otọ ẹmwẹ ra? Wẹ ne uyinmwẹ ọnrẹn ne ọ maa rhie ẹre maa vbe ekpa iwinna esi ne ọ ya imuegbe rri otọ kevbe ẹwaẹn winna.


Rhunmwuda, vbene Osanobua ho ẹre yi ọna khin: Ọ ho ne uwa ya uyinmwẹ esi uwa gbe ọta ye iran unu, ighẹ iran ni kọẹn ni guan ẹmwẹ ogboi.


Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.


Ne ọ kpe orhu, we ne ọ gha kpe orhu ẹmwẹ Osanobua, ne ọ ga emwa ọvbehe, we ne ọ gha ya ẹtin ne Osanobua rhie nẹẹn hia ga, ne a miẹn ehe na miẹn wẹ, vbe uwu emwi hia, te a ghi la ekpa Jesu Kristi rhie urhomwẹ ne Osanobua, ọmwa ne ọ yan ẹtin kevbe uyi ẹdẹ kevbe ẹdẹdẹmwẹdẹ. Isẹ.


Vbene a ghi na miẹn nian wẹ erriọ ọre a ra ya fuẹn avbe emwi na hia ua, de egbe emwa ne ọ kere ne uwa gha khin? Wa gie edẹ agbọn uwa gha re ni huanrẹn, kevbe ne a ya fi ohan ne Osanobua,


Rẹn keghi lovbiẹ ye odẹ owẹ ọre ẹdẹ te gbe, sokpan, ọ keghi kpaegbe vbe ẹdẹ ma he wan sẹ ne emwa gha na bẹghe ẹre. Rhunmwuda, e Boaz kha re wẹẹ, “Ọma kei ne ọmwa rhọkpa rẹn ighẹ ọ rrie emwa na.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ