I Pita 1:8 - Edo Bible (E Baibol Ẹdo) Version 1996

⁸ Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.

I Pita 1:8 ပူးပေါင်းရင်းမြစ်များ

Ihuan Ne Ọ Sọọ Ihuan Hia 1:7

Enida mwẹ, tama mwẹ ehe ne u viọ avbe ohuan ruẹn rrie ya rria? De ehe ne iran ra na lẹ ovẹn ro? Ne I ghẹ ya gha gualọ ọ khian vbe ẹbu ohuan avbe ọsuohuan nekpa.

Ihuan Ne Ọ Sọọ Ihuan Hia 5:16

Unu ẹnrẹn rhiẹnrhiẹn ne a mu hiẹnhiẹn emwi ẹnrẹn hia ye gbe sasa mwẹ erriọ enida mwẹ khọe ikhuo e Jerusalẹm.

Ihuan Ne Ọ Sọọ Ihuan Hia 5:9

Olose ne ọ sẹre vbe uwu avbe ikhuo hia enida ruẹ vbe lughaẹn ne emwa ọvbehe hia ra? De ọsughe ne ọ rre ọ re egbe yi ne ima gha na gha yan ma ruẹn?

Matiu 10:37

“Ọmwaikọmwa ne ọ ho ẹmwẹ erha ẹe ra iye ẹe sẹ mwẹ, ọ ma ke vbe ọghomwẹ, ọmwa ne ọ vbe ho ẹmwẹ ovbi ẹre nokpia ra nokhuo sẹ mwẹ, ọ ma ke vbe ọghomwẹ.

Iyẹn ne ọ Maan Ọghe Jọn 14:15

“Deghẹ wa ho ẹmwẹ mwẹ, wa gha họn ẹmwẹ mwẹ.

Iyẹn ne ọ Maan Ọghe Jọn 14:21

Ọmwa ne ọ rhirhi rhan obọ miẹn uhi mwẹ, ọ na vbe ya ẹe gha ru emwi, rẹn ọrọre ọmwa ne ọ ho ẹmwẹ mwẹ. Ọmwa ne ọ ho ẹmwẹ mwẹ, Erha mwẹ gha vbe ho ẹmwẹ ọnrẹn. Mẹ tobọ mwẹ gha ye egbe mwẹ naẹn miẹn.”

Iyẹn ne ọ Maan Ọghe Jọn 14:24

Ọmwa ne ẹ i ho ẹmwẹ mwẹ, ẹ i vbe họn ẹmwẹ mẹ. Ẹmwẹ ne I tama uwa, ẹ i re ọghe obọ mwẹ, sokpan ọghe Erha ne ọ gie mwẹ ọre ọ ke rre.

Iyẹn ne ọ Maan Ọghe Jọn 16:22

Egbe ọre ọghe uwa khin, wanwan na, wa he khiẹ nian, sokpan, I gha vbe dọlegbe miẹn uwa, ekhọe uwa ghi vuọn ne ọyẹnmwẹ, egbe ọyẹnmwẹ ne ọmwa rhọkpa i ra sẹtin gbe ye uwa egbe.

Iyẹn ne ọ Maan Ọghe Jọn 20:29

Jesu tama rẹn wẹẹ, “Ne u na miẹn mwẹ ọre ọ ghi zẹ ighẹ u yayi ra? a i miẹn ẹrrẹe iran ni yayi vbe iran ma he miẹn mwẹ!”

Iyẹn ne ọ Maan Ọghe Jọn 8:42

Jesu tama iran wẹẹ, “Akpawẹ Osanobua ọre ọ gele re erha uwa, wa ghẹ gha ho ẹmwẹ mwẹ, rhunmwuda ehe ne Osanobua ye ọre I ke gha dee, wanwan na nian, I rre emwa na. Ẹ i re ẹtin obọ mwẹ ọre I ya rre, sokpan rẹn ọre ọ gie mwẹ.

Iwinna 16:34

Rẹn keghi viọ Pọl kevbe Sailas la owa ẹre, ọ na ya rhie evbare ne iran re. Rẹn kevbe ẹgbẹe ọre keghi ghọghọ ẹsẹse rhunmwuda ne iran na do ya Osanobua yi.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

I Kọrinti 16:22

Ọmwaikọmwa ne ọ ma ho ẹmwẹ Nọyaẹnmwa, gha dee! Maranatha — Nọyaẹnmwa, rre!

II Kọrinti 1:22

Ọ na tobọ ẹre rhie ama ọghe mẹ ọre ọ yan rẹn ọghọe, ye ima egbe, ọ keghi vbe rhie Orhiọn Ne Ọ Huanrẹn ye ima ekhọe ne aro mwa ya dae wẹ, ẹmwata nọ ighẹ emwi ne ọ ra hẹ ne ima.

II Kọrinti 12:4

Evba ọre ọ na họn ẹmwẹ ne a i sẹtin ta, emwi ne ọmwa ne agbọn ma kei ne ọ gha gbe unu yi.

II Kọrinti 4:18

Rhunmwuda, ẹ i re emwi ne a dẹghe ma rhie aro daa, sokpan avbe emwi ne a i dẹghe nọ. Emwi ne a sẹtin dẹghe, ovbi ẹghẹ kherhe ọre ọ ya vbe otọ, sokpan emwi ne a i dẹghe ọre ọ rrọ ẹdẹdẹmwẹdẹ.

II Kọrinti 5:7

Rhunmwuda, ekpa iyayi ọre ima ya rre agbọn na, ighẹ ẹ i re wẹ ma miẹn otọ ẹre nẹ.

II Kọrinti 9:15

Wa gie a kpọnmwẹ Osanobua ye ẹse ẹre ne a i sẹtin fian ive yi.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

Ẹfisọs 3:19

Ẹn, te uwa gha do rẹn aho ẹmwẹ ọmwa rẹn, a gha rhe miẹn ighẹ a i sẹtin rẹn ọnrẹn fo ne a miẹn ehe na ya uvuọnmwẹ ne ọ gbae ọghe Osanobua vuọn uwa fẹẹrẹ.

Ẹfisọs 6:24

Te ẹsọhẹ Osanobua gha gu emwa hia ni mwẹ aho ẹmwẹ ọmwa ne ẹ i worua ghe Nọyaẹnmwa Jesu Kristi gha rrọọ.

Filipai 1:25

Aro mwẹ wa da ọnọna, rhunmwuda ọnii, te I khian gha rre agbọn, I gha deba uwa hia gha rrọọ, ne I miẹn ehe na rhie ba alaghodaro kevbe oghogho uwa vbe uwu iyayi.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

Filipai 4:4

Wa gha ghọghọ vbe uwu Nọyaẹnmwa, I vbe dọlọ ta ẹe, wa gha ghọghọ.

Hibru 11:1

Ne a gha mwẹ iyayi ọrọre ne I aro ọmwa da emwi ne a mwẹ idanmwehọ ẹre, ne ekhọe ọmwa mu emwi ne a ma he dẹghe.

Hibru 11:27

Iyayi ọre Mosis ya kpao vbe Igipt rre vbene afainma ohu ọghe ọba ma na fian ẹn, ọ ma werriegbe, ọ keghi ye vbene a miẹn wẹ rẹn bẹghe Osanobua ne a i bẹghe.

I Pita 1:6

Wa gie ọyẹnmwẹ ọ na gha sẹ uwa, a gha rhe miẹn wẹ ẹ i mwẹ wa ma gha mwẹ ẹkorriaramwẹ vbe ẹghẹ kherhe, rhunmwuda edanmwẹ ughughan ne u wa miẹn.

I Pita 2:7

Emwi kpataki ọre okuta na khin uwa ni yayi re, sokpan ne iran ni ma yayi: “Okuta ne iran ni bọ owa he ighẹ ẹ i ma dọlegbe do khian ne ọ ghi ma sẹ ehia.”

I Pita 5:4

Ẹghẹ ne Ogiete iran ne avbe Ọsuohuan gha na ya egbe ladian, ẹde uyi ne ẹ i fafaa, gha sẹ uẹ obọ.