I Pita 1:4 - Edo Bible (E Baibol Ẹdo) Version 1996

⁴ Rhunmwuda ọnii, te ima ghi rhie aro ye odẹ wẹ, ọ gha sẹ ima obọ vbe afiangbe ọrhẹnrhẹn ne Osanobua rhie khẹ emwa rẹn. Ọ rhie ẹre hin rre khẹ uwa vbe ẹrinmwi, ehe ne ẹ i na sẹtin kẹkẹ na ne ọ rhia, ra ne ọ fafaa.

I Pita 1:4 ပူးပေါင်းရင်းမြစ်များ

Psalm 31:19

Umiẹn vbe ehia mose hẹ ighe avbe emwi esi ne u hẹ ye otọ, khẹ iran ni ya ọghọ ne uẹn. Agbọn hia rẹnrẹn vbene u ma hẹ. A miẹn vbe u viọ iran ni mu ẹtin yan ruẹn lẹre hẹ khuankhuan an khuan.

Psalm 47:4

Rẹn ọ re ọ zẹ otọe ne ima ye ne ima, emwi ewe ne a ya hio ọghe emwa rẹn ne ọ hoẹmwọrẹn.

Aizaia 66:22

“Zẹ vbene ẹrinmwi ọgbọn nii kevbe agbọn ọgbọn nii gha ye ekpa ẹtin mwẹ gha rrọọ, erriọ ọ re avbe ivbi uniẹn uwa kevbe eni uwa gha vbe gha rrọọ.

Ezikiẹl 47:12

Erhan ughughan gha zọ vbe obọ eva vbe ọkpẹn ẹzẹ nii ne iran gha rhie evbare ne a re rre. Ebe iran i ra kaka ẹdẹ, a i vbe miẹn wẹ iran dobọ umọmwẹ yi. Uki uki ọre iran gha ya gha mọ ọmọ ọgbọn, rhunmwuda, ẹzẹ ne ọ ke uwu Ọgua Osa lẹ rre, ọ re ọ rhie amẹ ne iran. Ọmọ ne iran mọẹn, a ghi gha rri ọe, ebe ni rrọ ghi gha re ukhunmwu ne a ya sinmwi emwa.”

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Iyẹn ne ọ Maan Ọghe Mak 10:17

Ugbẹn vbe Jesu ghi ra vbe suẹn okhian, okpia ọkpa rhulẹ bu ẹre rre, ọ diguẹ nẹ, ọ keghi nọ rẹn wẹẹ, “De emwi ne I gha ru, Ọmamwaemwi ne ọ maa, ne ẹfe ne ẹ i fo gha na sẹ mwẹ obọ?”

Iwinna 20:32

“Wanwanna, I viọ uwa ne Osanobua gha su deba ẹmwẹ ẹsọhẹ ọghọe. Rẹn gha sẹtin ye uwa digiẹ, ọ ghi vbe rhie afiangbe ne ọ viọ khẹ emwa rẹn hia ne uwa.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Ebe ne Pọl gbẹẹn gie emwa Rom 8:17

Vbene ima ghi na rre ivbi ẹre, afiangbe ẹre ne ọ rhie khẹ emwa rẹn, gha khian ọghomwa, ma ghi vbe gu Kristi gha mwẹ oghae vbe avbe emwi ne ọ hẹ khẹ ọre, rhunmwuda deghẹ ma ghae vbe oya Kristi, ma gha vbe ghae vbe uyi ẹre.

I Kọrinti 9:25

Ọmwa ne ọ rhirhi gha mu egbe ye otọ khẹ iku isasegbe, te ọ ru emwi hia ne a wẹ ne ọ ru vbe a gha ma ẹre emwi. Rẹn ru vberriọ, ne a miẹn ehe na gbe ẹkan ye ọre obọ, ọ rhe re ẹkan ne ẹ i tọ, sokpan, ne ima winna baa, ọ ghe etẹbitẹ nọ.

Galatia 3:18

A deghẹ, ekpa nene Uhi ọre Osanobua gu rhie emwi ne ọmwa, ẹghẹ nii, ẹ i ghi re rhunmwuda emwi ne ọ ve. Vbene ọ rhirhi gha ye hẹ, Osanobua rhie ẹre ne Ebraham rhunmwuda ighẹ te ọ ve ẹe ẹre re.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Ẹfisọs 1:14

Nene Orhiọn Ne Ọ Huanrẹn ọre a ya zẹ osẹe yọ wẹ, emwi ne Osanobua ve emwa rẹn re, gha sẹ ima obọ, ọ keghi vbe gie aro mwa da ẹe wẹ Osanobua gha rhie ọdakha egbe ọmwa ne ọ gbae ne avbe emwa rẹn. Wa gie ima rho uyi ẹre!

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Kọlose 1:12

Wa vbe ye oghọghọ gha rhie ekpọnmwẹ ne Evbavba, ne ọ ye uwa khian ne ọ kere ne ọ gha mwẹ oghae vbe uwu avbe emwi ne Osanobua viọ hinrre khẹ emwa vbe arriọba uwanmwẹ.

Kọlose 1:5

Ẹghẹ ne ikporhu ẹmwata nii, ighẹ Iyẹn Ne ọ maa na ka sẹ ehe ne uwa ye, wa keghi họn vbene ọ rhie idaehọ ne ọmwa hẹ. Rhunmwuda ọnii, iyayi kevbe aho ẹmwẹ ọmwa keghi re ne ọ hẹnhẹn egbe yan emwi ne uwa danmwehọ ẹre, emwi ne a dọlọ yi ye otọ khẹ uwa vbe ẹrinmwi.

Kọlose 3:24

U ghi yerre ighẹ Nọyaẹnmwa gha san ruẹn ẹse, ọ gha sẹ uẹ obọ vbe emwi ne ọ viọ hinrre khẹ emwa rẹn. Rhunmwuda, Kristi ọrọre arowa ne arowa ne u ga.

II Timoti 4:8

Wanwanna nian, igho ọmwẹguae ne a ra se yọ mwẹ obọ dia khẹ mwẹ nẹ, nene ẹde ọmwa ẹmwata, ne Nọyaẹnmwa ne ẹ i bu eku gha mu mẹ Ẹdẹ ne ẹdẹrriọ, ẹ i vbe re mẹ ọkpa, sokpan kevbe iran hia ni ye aho ẹmwẹ ọmwa diakhẹ ẹghẹ ne ọ gha ya ye egbe ladian.

Hibru 10:34

Wa deba avbe oleghan rri oya, ugbẹn vbe iran fu emwi ne uwa mwẹ hia viọ, wa keghi ya oghọghọ ziẹn egbe ehia rhunmwuda, wa rẹnrẹn ighẹ wa ye mwẹ emwi obọ uwa ne ọ maa sẹ eni, ne ọ gha rrọọ ẹdẹdẹmwẹdẹ.

Hibru 9:15

Rhunmwuda ọnii, ọre a na miẹn wẹ, Kristi ọre ọ mwamwa ile ọghọgbọn, ne afiangbe etẹbitẹ ne Osanobua ve, miẹn ehe na sẹ iran obọ ighẹ avbe emwa ne Osanobua tie re. Te ọna ghi gia ru nian, rhunmwuda, ọmwa ọkpa wu, ne ọ fannọ emwa hin orukhọ ne iran ru ẹghẹ ne iran na gha rre ototọ ile ne okaro rre.

Jems 1:11

Ovẹn ghi yan rre ke ẹe kevbe owowo ẹre ne ọ giẹn emwi ruan, ọ ghi giẹn ovbi erhan nii uan, obobo ẹre ghi kha kha kua, ose ẹre ghi la ọ rhiae rrie. Erriọ vbe nọ ọmwa ne ọ fe gha vbe la ọrhiae rrie, vbe uwu ehe ne ọna ru emwamwa iwinna rẹn.

I Pita 3:9

Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.

I Pita 5:4

Ẹghẹ ne Ogiete iran ne avbe Ọsuohuan gha na ya egbe ladian, ẹde uyi ne ẹ i fafaa, gha sẹ uẹ obọ.

Arhie Maan 21:27

Sokpan emwi awua ọkpa i ra la ẹvbo nii, ra ọmwaikọmwa ne ọ ru emwi emwi ekhue, ra ne ọ ta ohoghe. Emwa ne a gbẹnnẹ eni ẹnrẹn ye ebe enirrọọ ọghe Oteghe Ohuan nii ọkpa, ọre ọ gha la ẹvbo nii.