I Pita 1:3 - Edo Bible (E Baibol Ẹdo) Version 1996

³ Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

I Pita 1:3 ပူးပေါင်းရင်းမြစ်များ

I Ọba 8:15

Ọ keghi kha wẹẹ, “Wa rho e Nọyaẹnmwa Osanobua Izrẹl! Ọ mu eyan ne ọ yan ma e Devid ne erha mwẹ sẹ, ẹkpo ne ọ na tama rẹn wẹẹ,

I Krọnikol 29:20

Ẹre Devid ghi na tama emwa ni hia wẹẹ, “Wa rho e Nọyaẹnmwa Osanobua uwa!” Emwa ni hia ni si koko ye evba keghi wa rho e Nọyaẹnmwa ne Osanobua avbe erha iran odede. Iran keghi ye uhunmwu rhanmwẹ otọ iran na ya ọghọ ne Nọyaẹnmwa kevbe ne ọba.

II Krọnikol 31:8

Ugbẹn vbe Hẹzekaia ne ọba kevbe ekhaẹmwẹ ọnrẹn ghi miẹn emwi ne iran viọ rre iran keghi rho Nọyaẹnmwa, iran keghi vbe tian ivbi Izrẹl.

Psalm 41:13

Wa rho e Nọyaẹnmwa, ne Osanobua Izrẹl. Rho ẹre nian kevbe ẹdẹdẹmwẹdẹ. Isẹ! Isẹ!

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Ẹksọdọs 34:6

E Nọyaẹnmwa kegha gberra vbe odaro ẹre, ọ keghi datie wẹẹ, “Mẹ ne Nọyaẹnmwa, ọrọre Osanobua ne ọ vuọn ne agiẹngiẹn ne a i sẹtin rherhe ya ohu mu, ne ọ mwẹ aho ẹmwẹ ne ẹ i beghe kevbe amuẹntinyan.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.

Iyẹn ne ọ Maan Ọghe Jọn 1:13

Iran ma khian ivbi Osanobua rhunmwuda ighe erriọ a wa yi ẹe, ra rhunmwuda ighe erha iran biẹlẹ iran ye agbọn na nẹ, Osanobua tobo ẹre ọrọre Erha iran.

Ebe ne Pọl gbẹẹn gie emwa Rom 12:12

Wa gie idaehọ ne uwa mwẹ gha ye ọyẹnmwẹ sẹ uwa vbe ẹghẹ hia, wa gha ziengbe vbe ẹghẹ ọlọghọmwa, wa ghi vbe gha na erhunmwu vbe ẹghẹ hia.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

Ebe ne Pọl gbẹẹn gie emwa Rom 4:25

A keghi yae fi ohan ne ọ wu ye orukhọ mwa, a keghi vbe huẹn ọnrẹn kpaegbe ne ọ miẹn ehe na ye ima khian emwata vbe odaro Osanobua.

Ebe ne Pọl gbẹẹn gie emwa Rom 5:10

Eghian Osanobua ọre ima te gha khin, sokpan rẹn keghi la ekpa uwu ovbi ẹre ya ima khian ọse ẹre. Vbe ne a ghi na miẹn na ighẹ ọse Osanobua ma ghi khin, u ma rẹn ẹ i mwẹ ọ ma ye arrọọ ọghe Kristi miẹn ima fan.

Ebe ne Pọl gbẹẹn gie emwa Rom 8:11

A deghẹ Orhiọn Osanobua ne ọ huẹn Jesu ke orinmwi ladian, rre uwu uwẹ, ẹghẹ nii, ọmwa ne ọ huẹn Jesu kpao vbe orinmwi rre, gha rhie arrọọ ne egbe ruẹ ne ọ sẹtin wu, la ekpa Orhiọn ne ọ rre uwu uwẹ rre.

Ebe ne Pọl gbẹẹn gie emwa Rom 8:24

Rhunmwuda, idaehọ ọre a ya miẹn ima fan. Sokpan, deghẹ ma bẹghe emwi ne a mwẹ idaehọ ẹre nẹ, ọnii i ghi re idaehọ. Wa he vbe miẹn ọmwa ne ọ rhie aro ye odẹ gha khẹ emwi ne ọ rre ọre obọ nẹ ra?

I Kọrinti 13:13

Wanwanna, iran eha ọre ọ rrọọ, iyayi, idaehọ, kevbe aho ẹmwẹ ọmwa, ne ọ sẹ re vbe uwu iran eha na ọrọre aho ẹmwẹ ọmwa.

I Kọrinti 15:20

Sokpan ẹmwata ne ọ rrọọ ọrọre wẹ, a huẹn Kristi kpao vbe idin nẹ, ne aro miẹn ehe na da ẹe wẹ, avbe emwa ni wulo, a gha huẹn iran kpaegbe.

II Kọrinti 1:3

Wa gie ima kpọnmwẹ Osanobua kevbe Erha Nọyaẹnmwa Jesu Kristi, Erha ne ọ mwẹ itohan kevbe Osanobua ne iyobọ hia ke obọ ẹre rre.

Galatia 6:16

Iran ne ọ ya ọna ru emwi vbe ẹdẹ agbọn iran, ọfumwegbe kevbe itohan, ọre ọ gha gu iran rrọọ, iran kevbe emwa Osanobua hia.

Ẹfisọs 1:17

I keghi vbe rinmwian Osanobua ọghe Nọyaẹnmwa Jesu Kristi, Erha Nọ mwẹ uyi, ne ọ rhie nene Orhiọn ne uwa, ne ọ gha ya uwa gha wan, ọ ghi vbe rhie Osanobua ma uwa, ne uwa miẹn ehe na rẹn ọnrẹn.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Ẹfisọs 1:7

Rhunmwuda, vbe ekpa uwu Jesu Kristi, a keghi fannọ ima ye otọ, ọnii nọ wẹ a keghi vbe ya avbe orukhọ mwa bọ mwa. U miẹn vbe ẹsọhẹ, Osanobua kpọlọ hẹ,

Ẹfisọs 2:4

Sokpan ọkpọkua ọre itohan Osanobua khin, aho ẹmwẹ ọmwa rẹn ghe mwa keghi vbe re nọkhua.

Ẹfisọs 3:20

Ne irẹn ni ne ọ sẹtin ru gberra vbene ima nọ rẹn, ra vbe ne a mu roro vbe ekhọe, vbe ekpa ẹtin ẹnrẹn ne ọ winna vbe uwu ima.

Kọlose 1:23

Ne ẹ i mwẹ a ma ru nọ khekherriọ, ne uwa gha mwẹ iyayi khian vbe uhunmwu ẹyotọ ne ọ de ziẹn kevbe ne gbain, ne uwa ghẹ gie a bẹghe uwa hin idaehọ ne uwa miẹn rhie ẹghẹ ne uwa na họn iyẹn ne ọ maa. Iyẹn ne ọ maa na ọre imẹ ne Pọl khian ọguọmwadia ẹre, iyẹn ne ọ maa na ne a kpe orhu ẹre ma emwa hia ni rre agbọn na nẹ.

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

I Tẹsalonaika 1:3

Rhunmwuda, ma yerre vbe odaro Osanobua kevbe Erha mwa, vbene uwa ye iyayi uwa ru emwi hẹẹ, vbene aho ẹmwẹ ọmwa uwa ye uwa winna ẹsẹse hẹẹ, kevbe ne idaehọ uwa vbe uwu Nọyaẹnmwa Jesu Kristi ye gbain hẹ.

I Tẹsalonaika 4:13

Etẹn mwẹ, ma ho ne uwa rẹn ẹmwata ne ọ rre ẹmwẹ emwa ni wulo nẹ, ne uwa ghẹ gha mwẹ irhiaẹko zẹ vbe emwa ne ẹ i mwẹ idaehọ.

II Tẹsalonaika 2:16

Te Nọyaẹnmwa Jesu Kristi tobọ ẹre, kevbe Osanobua ne Erha mwa ne ọ ho ẹmwẹ mwa, ọ keghi vbe ke uwu ẹsọhẹ ọre rhie igiẹdu etẹbitẹ ne ima, deba idaehọ ne ọ maa.

I Timoti 1:14

Nọyaẹnmwa keghi wa tue ẹsọhẹ ọre ọrhẹnrhẹn yan mwẹ, ọ keghi rhie mẹ ighẹ iyayi kevbe aho ẹmwẹ ọmwa ne ọre ogho mwa vbe uwu a ya egbe ba Kristi Jesu.

Taitọs 2:13

Zẹ vbene ima mudia khẹ Ẹdẹ ne afiangbe nii, ne ima mwẹ idaehọ ẹre, ẹdẹ ne uyi ọghe Osanobua mwa nọkhua, kevbe Ọmiọnmwafan mwa Jesu Kristi, gha rhie egbe maa.

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.

I Pita 1:23

Rhunmwuda la ekpa ẹmwẹ Osanobua ne ọ rrọọ, kevbe ne ọ re ọghe ẹtẹbitẹ dọlọ uwa biẹlẹ nẹ, zẹ vbe ivbi evbibiẹ ọmwa ọkpa, ne ọ re ne ẹ i wu ighẹ ẹ i re ne ọ wu.

I Pita 2:2

Wa gha ye vbe emobọ nodẹ, ohanmwẹ ẹwẹn ẹmwẹ ẹmwata ọghe orhiọn ghi gha gbe uwa ẹghẹ hia, wẹ, wa ghẹ ghi gha wẹn ọẹn, wa ghi do wan, a ghi miẹn uwa fan.

I Pita 3:15

Sokpan, wa gha ya ọghọ ne Kristi vbe uwu ekhọe uwa, ne uwa vbe ya ẹe ru Nọyan uwa. Mu egbe vbe ẹghẹ hia ne u ya rhie ewanniẹn ne ọmwa ne ọ rhirhi nọ ruẹn, wẹ ne u rhan otọ idaehọ ne u mwẹ.

I Pita 3:21

Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.

I Pita 3:5

Rhunmwuda avbe ikhuo ni ya ekhọe ga nẹdẹ, ni vbe mu idaehọ iran yan Osanobua, vberriọ ọre iran ya gha te egbe iran, te iran gbe uhunmwu ke otọ ne avbe ọdafẹn iran.

I Jọn 2:29

Wa rẹnrẹn wẹ, ọmwata ọre Kristi khin, rhunmwuda ọnii, ọ kere ne uwa rẹn khekherriọ wẹ, ọmwaikọmwa ne ọ ru emwi emwata, ovbi Osanobua nọ.

I Jọn 3:3

Ọmwaikọmwa ne ọ mwẹ idaehọ na vbe uwu Kristi, ọ gha da egbe ẹre yi vbe ne ẹ i mwẹ iruẹn, zẹ vbene Kristi vbe re ne ẹ i mwẹ iruẹn.

I Jọn 3:9

Ọmwaikọmwa ne ọre ovbi Osanobua, ẹ i sẹtin gha ru orukhọ khian, rhunmwuda, akpa ọghe Osanobua tobọ ẹre rre uwu ẹre, kevbe wẹ rhunmwuda ighẹ Osanobua ọrọre Erhae, rẹn i sẹtin gha ru orukhọ khian.

I Jọn 4:7

Ọse mwẹ ni ghaan, wa gie ima gha ho ẹmwẹ egbe rhunmwuda obọ Osanobua ọre aho ẹmwẹ ọmwa ke rre. Ọmwaikọmwa ne ọ mwẹ aho ẹmwẹ ọmwa, ovbi Osanobua nọ, ọ vbe rẹn Osanobua.

I Jọn 5:1

Ọmwaikọmwa ne ọ yayi ighẹ Jesu ọrọre nene Mẹzaia, ovbi Osanobua nọ, ọmwa ne ọ hoẹmwẹ erha ne ọ biẹ ọmọ, te ọ vbe hoẹmwẹ ovbi ẹre ba ẹre.

I Jọn 5:18

Ma rẹnrẹn wẹ ovbi Osanobua ne ọ gha wa gha ru orukhọ khian, ẹ i rrọọ, rhunmwuda, Ovbi Osanobua ọre ọ rhie ẹre mwẹ vbe ne a i na mwẹ ẹbe. Ọmwa Dan ni, i sẹtin kuan rẹn.

I Jọn 5:4

Rhunmwuda, ọmwaikọmwa ne ọ ghi re ovbi Osanobua nẹ, te ọ sẹtin mu agbọn gbe otọ, vbenian ọre ima ya khọn agbọn miotọ, iyayi ọre a ya ruẹe.