I Pita 1:25 - Edo Bible (E Baibol Ẹdo) Version 1996

²⁵ sokpan ẹmwẹ Nọyaẹnmwa ya mu ẹdẹdẹmwẹdẹ.” Nene ẹmwẹ na ọrọre Iyẹn Ne ọ maa ne a rhie gie uwa.

I Pita 1:25 ပူးပေါင်းရင်းမြစ်များ

Psalm 102:12

Sokpan, Nọyaẹnmwa, wẹ ọrọre ọba ẹdẹdẹmwẹdẹ; orre hia gha ye ruẹ rre.

Psalm 102:26

A gha ho iran bẹkun, sokpan, wẹ gha rrọọ, ehia gha rẹnhuan zẹ vbe ukpọn, a gha ho iran bẹkun.

Psalm 119:89

Ẹmwẹ ruẹn gha rrọọ ẹdẹdẹmwẹdẹ Nọyaẹnmwa; etẹbitẹ nọ vbe ẹrinmwi.

Aizaia 40:6

Urhu ọkpa keghi tu ladian wẹẹ, “Ya tama iran!” Mẹ keghi nọ wẹẹ, “De emwi ne I ra tama iran yi?” “Tama iran wẹ te emwa nagbọn hia ye vbe irunmwu; iran i vbe tọ sẹ obobo oha.

Aizaia 40:8

Ẹn, irunmwu luẹluẹe, obobo fafaa sokpan, ẹmwẹ e Nọyaẹnmwa rrọọ, ẹdẹdẹmwẹdẹ.”

Matiu 5:18

Ne I tama uwa, omwa vbene ẹrinmwi vbe agbọn na he ye rrọọ, a i ra vbọ irọn ọkpa fua vbe egbe uhi rhinrin a te do miẹn wẹ emwi hia sẹ ufomwẹ.

Iyẹn ne ọ Maan Ọghe Luk 16:17

Sokpan ne ẹrinmwi kevbe agbọn da muaan, ọre ọ fu egbe sẹ ne a khiẹn ruan ighe ne ọ ghi kanmwa sẹ vbe uwu avbe ẹmwẹ ne a ya gbe itian atẹ ye Uhi.

Iyẹn ne ọ Maan Ọghe Jọn 1:1

Vbe a te do yi agbọn na, Ẹmwẹ ne a guan rrọọ nẹ, rẹn keghi deba Osanobua gha rrọọ, emwi ne Osanobua khin ọre irẹn vbe gha khin.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

I Kọrinti 2:2

Rhunmwuda, te I mobọ wa yan ta ẹe ighẹ I gha rre ehe ne uwa ye, emwi ọvbehe i rrọ ne I gha yerre gberra ẹmwẹ Jesu, kpataki, ọghe uwu ne ọ wu vbe uhunmwu ugbugbe.

Ẹfisọs 2:17

Rhunmwuda ọnii, Kristi rre, ọ keghi do kpe orhu Iyẹn Ne ọ maa ọghe ọfumwegbe ma emwa hia, ma uwa ne ẹ i re Ju, wa ni te khian rrei vbe ehe ne Osanobua ye, kevbe ima ne avbe Ju ni sikẹ ọre.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Taitọs 1:3

ọ ghi vbe sẹ ẹghẹ ne ọ kei yi, ọ keghi gie uhunmwu ya ta ẹe ladian ne ima họn. Ọnọna ọre a mu yọ mwẹ obọ, vbene Osanobua Ọmiọnmwafan mwa gie, ọ re I ta ẹe khian.

Hibru 6:5

Emwi ne a ru ne iran miẹn, rhie maa iran wẹ, ẹmwẹ Osanobua maa, iran kevbe danmwẹ ghe vbe ẹtin ọghe ẹghẹ ne ọ dee.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.

I Pita 1:23

Rhunmwuda la ekpa ẹmwẹ Osanobua ne ọ rrọọ, kevbe ne ọ re ọghe ẹtẹbitẹ dọlọ uwa biẹlẹ nẹ, zẹ vbe ivbi evbibiẹ ọmwa ọkpa, ne ọ re ne ẹ i wu ighẹ ẹ i re ne ọ wu.

I Pita 2:2

Wa gha ye vbe emobọ nodẹ, ohanmwẹ ẹwẹn ẹmwẹ ẹmwata ọghe orhiọn ghi gha gbe uwa ẹghẹ hia, wẹ, wa ghẹ ghi gha wẹn ọẹn, wa ghi do wan, a ghi miẹn uwa fan.

II Pita 1:19

Rhunmwuda ọnii ọre ima na mwẹ amuẹntinyan ẹsẹse vbe ọghe orhu ne avbe akhasẹ do kpee. Emwi ne ọ gha ke ne uwa nọ, ne uwa mu aro ye ẹmwẹ ọnrẹn, rhunmwuda te ọ ye vbe ukpa ne ọ baa vbe ehe ne ọ so ebiebi rhinrin Ẹdẹ te do gbe, ne uwanmwẹ orhọnmwẹ owiẹ wan vbe uwu ekhọe uwa.

I Jọn 1:1

Ẹmwẹ arrọọ ne ọ wa rrọọ ke omuhẹn gha dee, ọre ima gbẹn ebe ẹre gie uwa na. Ma họẹn nẹ, ma ye aro ima miẹn ọẹn, vbe ẹmwata, te ima miẹn ọẹn, ma na vbe ye obọ kan rẹn.

I Jọn 1:3

Emwi ne aro mwa sẹe, kevbe ne ehọ mwa họẹn, ọre ima vbe tama uwa ne uwa miẹn ehe na ya egbe ba mwa vbe uwu ne ima na gu Evbavba mu obọ kevbe Ovbi ẹre ighẹ Jesu Kristi.

Arhie Maan 14:6

Ẹghẹ Nii ọre I na bẹghe odibosa ọkpa, ọ wa tin khian vbe odukhunmwu gba an, irẹn kevbe Iyẹn Ne ọ maa ọghe ẹdẹdẹmwẹdẹ, ne ọ ra na ma emwa ne agbọn, kevbe dọmwadẹ uhunmwu ẹvbo kevbe ẹwae, kevbe ẹvbo ne azẹ kevbe emwa.