I Pita 1:23 - Edo Bible (E Baibol Ẹdo) Version 1996

²³ Rhunmwuda la ekpa ẹmwẹ Osanobua ne ọ rrọọ, kevbe ne ọ re ọghe ẹtẹbitẹ dọlọ uwa biẹlẹ nẹ, zẹ vbe ivbi evbibiẹ ọmwa ọkpa, ne ọ re ne ẹ i wu ighẹ ẹ i re ne ọ wu.

I Pita 1:23 ပူးပေါင်းရင်းမြစ်များ

Jerimaia 23:28

Akhasẹ ne ọ minaẹn, giee kha ighe imina kẹkan nọ, sokpan akhasẹ ne ọ họn urhu mwẹ, we ne ọ ya ta uhunmwu ne I gie kpẹghẹ. De emwi ne a ye ihunhun ru vbe ehe ne ọka ye yi?

Levitikọs 11:37

“A deghẹ eso dekun emwi okọ ne a ra ya kọ, emwi okọ nii i mwẹ awua,

Malakai 2:3

I gha rria ivbi uwa ikhi, i ghi ya uwa aro wiẹn isan avbe aranmwẹ ne uwa do ya zọ ese, a ghi vbe dada uwa ladian gha rrie otiku.

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Iyẹn ne ọ Maan Ọghe Luk 8:11

“Emwi ne a ye itan ni kha ọ na khin. Emwiokọ ọrọre ẹmwẹ Osanobua,

Iyẹn ne ọ Maan Ọghe Jọn 1:13

Iran ma khian ivbi Osanobua rhunmwuda ighe erriọ a wa yi ẹe, ra rhunmwuda ighe erha iran biẹlẹ iran ye agbọn na nẹ, Osanobua tobo ẹre ọrọre Erha iran.

Iyẹn ne ọ Maan Ọghe Jọn 1:3

Obọ ẹre Osanobua la yi emwi hia. Vbe uwu emwi ne a yi hia, ọkpa ne a la iyeke ẹre yi, ẹ i rrọọ.

Iyẹn ne ọ Maan Ọghe Jọn 3:3

Jesu wanniẹn wẹẹ, “Ẹmwata ne ẹmwata ọre I tama ruẹn, ọmwa ne ọ gha sẹtin miẹn Arriọba Osanobua ẹ i rrọọ deghẹ i re te a dọlọ ẹe biẹ.”

Iyẹn ne ọ Maan Ọghe Jọn 3:5

Jesu wanniẹn tama rẹn wẹẹ, “Ẹmwata ne ẹmwata ọre I tama ruẹn wẹ ọmwa ọkpa ne ọ gha sẹtin la Arriọba Osanobua ẹ i rrọọ vbe i re te a ye amẹ kevbe Orhiọn biẹ ọe.

Iyẹn ne ọ Maan Ọghe Jọn 6:63

Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.

Ebe ne Pọl gbẹẹn gie emwa Rom 1:23

Ne iran gha na te gha ga Osanobua Ne ẹ i wu, iran keghi ya gha ga amazẹ ne a ma ẹn ya ta ọmwa ne ọ sẹtin wu, ra ahianmwẹ, ra aranmwẹ oha, ra emwi ni ye ẹko hiọrọ.

Hibru 4:12

Rhunmwuda, ekpakpasusu ọre ẹmwẹ Osanobua khin. Ọ mu sẹ agbadakagba ne ọ mwẹ unu eva, te ọ fiaẹn la ehia fo, ya sẹ ehe ne orhiọn kevbe ekhọe na sikan mu egbe, kevbe ehe ne akhuẹn kevbe efun ne ọ rre uwu ugboloko na vba egbe. Rẹn ọre ọ ta vbene iziro kevbe aho ekhọe emwa ne agbọn ye hẹ.

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

I Pita 1:25

sokpan ẹmwẹ Nọyaẹnmwa ya mu ẹdẹdẹmwẹdẹ.” Nene ẹmwẹ na ọrọre Iyẹn Ne ọ maa ne a rhie gie uwa.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

I Jọn 3:9

Ọmwaikọmwa ne ọre ovbi Osanobua, ẹ i sẹtin gha ru orukhọ khian, rhunmwuda, akpa ọghe Osanobua tobọ ẹre rre uwu ẹre, kevbe wẹ rhunmwuda ighẹ Osanobua ọrọre Erhae, rẹn i sẹtin gha ru orukhọ khian.

I Jọn 5:18

Ma rẹnrẹn wẹ ovbi Osanobua ne ọ gha wa gha ru orukhọ khian, ẹ i rrọọ, rhunmwuda, Ovbi Osanobua ọre ọ rhie ẹre mwẹ vbe ne a i na mwẹ ẹbe. Ọmwa Dan ni, i sẹtin kuan rẹn.