I Pita 1:21 - Edo Bible (E Baibol Ẹdo) Version 1996

²¹ ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.

I Pita 1:21 ပူးပေါင်းရင်းမြစ်များ

Psalm 42:5

Vbọzẹ yi ne ekhọe mwẹ na rhia vbenian? Vbọzẹ ne orhiọn mwẹ ma na sẹ otọ? I gha hẹnhẹn idaehọ mwẹ yan Osanobua I gha vbe dọlegbe rho ẹre ọmiọnmwafan mwẹ kevbe Osanobua mwẹ.

Jerimaia 17:7

“Sokpan mẹ gha fiangbe ọmwa ne ọ mu ẹtin ẹnrẹn yan mwẹ.

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Iyẹn ne ọ Maan Ọghe Jọn 12:44

Jesu keghi da van wẹẹ, “Ọmwa ne ọ rhirhi ya mwẹ yi, ẹ i re mẹ ọkpa ọre ọ yayi sokpan ke ọmwa ne ọ gie mwẹ ba ẹrẹ nọ.

Iyẹn ne ọ Maan Ọghe Jọn 14:1

“Wa ghẹ gie ekhọe uwa lighi. Wa ya Osanobua yi. Wa vbe ya mwẹ yi ba ẹre.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iyẹn ne ọ Maan Ọghe Jọn 17:1

Ugbẹn vbe Jesu ghi ta avbe ẹmwẹ na fo nẹ, ọ keghi tọn aro mu ghe odukhunmwu, ọ wẹẹ, “Evbavba, ẹghẹ na kha nii sẹ nẹ nian. Rhie uyi ne Ovbi uẹ ne Ọmọ vbe rhie uyi nuẹn.

Iyẹn ne ọ Maan Ọghe Jọn 17:24

“Evbavba, u viọ iran mẹ nẹ, I ho ne iran gun mwẹ gha rre ehe ne imẹ ye ne iran miẹn ehe na ya aro iran miẹn uyi mwẹ, uyi ne u rhie mẹ, rhunmwuda, vbe a te do yi agbọn na wẹ ka gha ho ẹmwẹ mwẹ nẹ.

Iyẹn ne ọ Maan Ọghe Jọn 17:5

Evbavba ne Evbavba, rhie uyi mẹ vbobọ vbobọ nian, egbe uyi ne I ka guẹ mwẹ vbe a ma he yi agbọn.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Iwinna 2:24

Osanobua keghi huẹn ọnrẹn kpaegbe vbe idin, ọ keghi faẹn ye otọ Vbe obọ uwu obalọ, rhunmwuda ọ ma gia ru wẹ ne uwu wu muẹn ye eghan ẹdẹdẹmwẹdẹ.

Iwinna 3:13

Osanobua Ebraham, Aizik kevbe Jekọb, Osanobua avbe erha mwa odede, ọre ọ rhie uyi ne ọ gbae ne Ọguọmwadia ẹre Jesu, ọmwa ne uwa rhie yan iran ni khaemwisẹ obọ, wa keghi hẹẹ ye otọ vbe odaro Pailet, vbe Pailet te gha ho ne irẹn fan ẹn fua.

Iwinna 3:15

Erriọ ọre uwa ya gbe ẹe rua ighe Ayi ne ọ yi arrọọ. Sokpan Osanobua huẹn ọnrẹn kpaegbe vbe idin, ma ọrọre osẹe ne aro ẹre sẹ emwi na.

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

Ebe ne Pọl gbẹẹn gie emwa Rom 10:9

Deghẹ wẹ ye akhuarhamwunu ruẹn tae wẹẹ, “Nọyaẹnmwa ọre Jesu khin,” U na vbe yayi vbe ekhọe ruẹ wẹ, Osanobua huẹn ọnrẹn hin idin rre, U gha re ne amiẹnfan.

Ebe ne Pọl gbẹẹn gie emwa Rom 4:24

Rhunmwuda mwa ọre a na gbẹn ọẹn, ma ne a gha ka ye emwata, ma ne ọ yaeyi ighẹ ọmwa ne ọ huẹn Jesu Nọyaẹnmwa kpao vbe orinmwi.

II Kọrinti 6:15

Vbe Kristi kevbe Setan khian gba gu egbe gha rọ hẹ yi? De emwi ne nọyayi kevbe nọma yayi na re ọkpa yi.

Ẹfisọs 1:15

Ọna ọre ọ sii ẹe ne a na miẹn wẹ, ke ne I ya họn ẹmwẹ iyayi uwa vbe uwu Nọyaẹnmwa Jesu, kevbe aho ẹmwẹ ọmwa ne uwa mwẹ ghe emwa Osanobua hia,

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

I Timoti 1:1

E Pọl ọmwa ne ọre ukọ Kristi Jesu, la ekpa iyi Osanobua ne Ọmiọnmwafan mwa, kevbe Kristi Jesu ne ọre idaehọ mwa, ọre ọ gbẹn ebe na.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

Hibru 2:9

Sokpan ma miẹn Jesu! Vbe ovbi ẹghẹ kherhe, a keghi ru ẹe ne ọ ghẹ vba avbe odibo Osa, ne a miẹn ehe na miẹn wẹ, vbe ekpa ẹsọhẹ Osanobua, ne ọ wu ne emwa hia.

Hibru 6:1

Rhunmwuda ọnii, wa gia na na sikẹ odaro, ne a ya guan yan avbe emwi ni dinmwi, ne a sẹ avbe ikpogho ẹmwẹ ikpo orhu Iyayi e Kristi rae nẹ. Ma i ghi ra vbe dọlegbe gha gbe ẹyotọ ọghe ne a sẹ iwinna ne ẹ i mwẹ esa rae ye otọ, ne a do ya Osanobua yi.

Hibru 7:25

Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.

I Pita 1:11

Iran keghi hia ne iran gualọ ẹe miẹn, ẹghẹ ne ọ ghẹ gha khin, kevbe vbene ọ gha ya rre hẹ, rhunmwuda, Orhiọn Kristi ne ọ rre uwu iran keghi ta ẹmwẹ ẹghẹ na, vbene iranna ta ẹmwẹ oya ne Jesu gha re ye otọ, ke ẹe kevbe uyi ne ọ gha lele ẹe.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.