I Pita 1:15 - Edo Bible (E Baibol Ẹdo) Version 1996

¹⁵ Sokpan, wa gha re ne ọ huanrẹn vbe emwi ne uwa ru hia zẹ vbene Osanobua ne ọ tie uwa vbe re ne ọ huanrẹn.

I Pita 1:15 ပူးပေါင်းရင်းမြစ်များ

Aizaia 35:8

Odẹ ne gbodoo gha la evba, a ghi gha tie ẹre “Odẹ uhuanmwẹ.” Ọmworukhọ i ra la odẹ nii ẹdẹ akpa i ra bibi emwa ni lae odẹ.

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Matiu 5:48

Wa gha re emwa ne uyinmwẹ ọnrẹn gbae, zẹẹ vbene Erha uwa ne ọ rre ẹrinmwi vbe re ne uyinmwẹ ọnrẹn gbae.”

Ebe ne Pọl gbẹẹn gie emwa Rom 9:24

Rhunmwuda ma na ọrọre emwa ne irẹn tie ẹre ẹ i re vbe uwu avbe Ju ọkpa sokpan kevbe uwu iran ne ẹ i re Ju bare.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

Filipai 3:14

Rhunmwuda ọnii, I ghi wa rhulẹ ọwara gha rrie ehe ne a mwa yọ, ne a miẹn ehe na gba ẹkan yọ mwẹ ohọ, ọnii nọ wẹ, utiemwẹ ne Osanobua la ekpa Kristi Jesu tie ọmwa ye agbọn ne ọ rre odukhunmwu.

Filipai 3:20

Sokpan ivbi ẹrinmwi ma khin, te ima vbe rhie aro ye odẹ gha khẹ ne Ọmiọnmwafan tuorre ke ẹrinmwi rre ighẹ Nọyaẹnmwa Jesu Kristi.

I Tẹsalonaika 2:12

Ma rhie ẹtin ye uwa iwu, ma fu uwa ẹko rre, ma kegha kan rẹn ye uwa ehọ wẹ, ne uwa gha yin vbene ọ gha yẹ Osanobua, ọmwa ne ọ tie uwa ne uwa do gu irẹn ghae, vbe Arriọba kevbe uyi ẹre.

I Timoti 4:12

Ghẹ gie ọmwarhọkpa ye aro tila ruẹ a rhunmwuda ighẹ ọvbokhan u khin, sokpan gha re igiemwi ne eni yayi hia, vbe ẹmwẹ ne u guan, uyinmwẹ ruẹn, aho ẹmwẹ ọmwa ruẹn, iyayi kevbe a i mwẹ iruẹn.

II Timoti 1:9

Ọ miẹn ima fan, ọ kevbe tie mwa ne a do gha re emwa irẹn, ẹ i re rhunmwuda emwi ne ima ru, sokpan vbe ọghe ekhọe obọ ẹre kevbe ẹsọhẹ. Ọ rhie ẹsọhẹ na ne ima nẹ, vbe uwu Kristi Jesu, ẹghẹ te do suẹn.

Taitọs 3:14

Ma emwa ima ẹre ne iran gha lo ẹghẹ iran ya winna iwinna esi, ne iran gha khuan ye emwi ne ọ kere ne a gha mwẹ. Wẹ ne iran ghẹ gha rre agbọn ọ rhiae.

Taitọs 3:8

Ẹmwata ọre ẹmwẹ na khin. I ho ne u kakabọ tua unu mu ẹmwẹ na, ne iran ni ya Osanobua yi miẹn ehe na mu aro ye ẹmwẹ iwinna esi ne a winna. Ena ọrọre emwi ne ọ maa kevbe ne ọ ke ne emwa.

Hibru 12:14

Hia ne u gu emwa hia gha rrọọ vbe ọfumwegbe, kevbe ne u vbe yin uyinmwẹ, ne ọ huanrẹn, rhunmwuda vbe ne ọnii i na rrọọ, orhiọnkpa ne ọ gha sẹtin miẹn Nọyaẹnmwa aro, ẹ i rrọọ.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”

Jems 3:13

Orhiọnkpa rrọọ vbe uwu uwa ne ọ waan ne ọ vbe rẹn otọ ẹmwẹ ra? Wẹ ne uyinmwẹ ọnrẹn ne ọ maa rhie ẹre maa vbe ekpa iwinna esi ne ọ ya imuegbe rri otọ kevbe ẹwaẹn winna.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

I Jọn 3:3

Ọmwaikọmwa ne ọ mwẹ idaehọ na vbe uwu Kristi, ọ gha da egbe ẹre yi vbe ne ẹ i mwẹ iruẹn, zẹ vbene Kristi vbe re ne ẹ i mwẹ iruẹn.

Arhie Maan 3:7

“Gbẹn ebe gie odibosa esọsi ne ọ rre Filadẹlfia wẹ: “Uhunmwu ne ọ gie rre ọ na khin ighẹ ọmwa ne ọ re ọmwata kevbe ne ọ huanrẹn, ọmwa ne ọ rhie isahẹn Devid mwẹ, ọmwa ne ọ gha kie nẹ, a i miẹn ne ọ khui, ọ gha khui, a i miẹn ne ọ kie.

Arhie Maan 4:8

Ọkpọkpa vbe uwu avbe emwi ne a yi ni ma he wu ni, keghi mwẹ ifuẹn ehan, aro keghi vuọn iran egbe hia ke aro kevbe iyeke, iran i vbe da obọ ihuan ne iran so yi avan kevbe asọn wẹẹ: “Ne ọ huanrẹn, ne ọ huanrẹn, ne ọ huanrẹn, ọre Osanobua ne Oghodua khin. Ọmwa ne ọ ka rrọọ de, ne ọ rrọọ banbanna, kevbe ne ọ khian gha rrọọ vbe ẹghẹ ne ọ dee.”

Arhie Maan 6:10

Iran keghi ye urhu ne ọ la datu wẹẹ: “Oghodua Nọyaẹnmwa, ne ọ huanrẹn kevbe ọmwa ẹmwata. Vbe ọ gha kpẹe sẹ hẹ yi u ke ya bu ohiẹn emwa ni rre agbọn, ne u vbe rri iran oya ye ne iran na gbele ima uan?”