I Pita 1:13 - Edo Bible (E Baibol Ẹdo) Version 1996

¹³ Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

I Pita 1:13 ပူးပေါင်းရင်းမြစ်များ

I Ọba 18:46

Orhiọn e Nọyaẹnmwa keghi hin ya Elaija, ọ na gba ukpọn rẹn khinkhian ẹkun gbain, ọ na rhulẹ ke aro ne Ehab rhinrin ya sẹ Jezrẹl.

II Ọba 4:29

Elaisia keghi mu aro da Gehazi ọ wẹẹ, “Ẹgiẹgiẹ! Rhie ọkpọ mwẹ ne u gha khian. Ghẹ mudia tuẹ ọmwa ne u vba vbe odẹ, a deghẹ emwa vbe tuọ, ghẹ mudia miẹn ẹre otuẹ. Wa la uwu owa nii gha khian ne u ya da ọkpọ mwẹ yi yan ọmọ okpia nii.”

Job 38:3

Kpaegbe mudia nian, zẹ vbe okpia, ne u gha rhie ewanniẹn ye ọta ne I nọ ruẹn re.

Job 40:7

“Kpaegbe mudia nian zẹ vbe okpia, ne u rhie ewanniẹn ye ọta ne I nọ rẹn.

Ẹksọdọs 12:11

Te uwa ra mu egbe okhian ya rriọe. Wa ghi gba ukpọn uwa ukugba ginna ẹkun, wa ghi viọ ibata ye owẹ, wa ghi viọ ọkpọ utuaotọ uwa mwẹ obọ, wa ghi rriọe okhirhikhirhi, Evbare Alagberra ọghe uyi mẹ ne Nọyaẹnmwa nọ.

Aizaia 11:5

Ẹmwata kevbe uhunmwu ẹmwẹ ọ re ọ ra ya gha khaemwisẹ yan emwa rẹn.

Jerimaia 1:17

Mu egbe, Jerimaia, ya talọ avbe ẹmwẹ hia ne I we ne u tama iran, ma iran. Ghẹ gie ohan iran mu ẹẹn nian, ne a ghẹ miẹn wẹ te I ghi gie ohan iran mu ẹẹn sayọ vbe u gha sẹ ehe ne iran ye ne.

Matiu 20:4

Ọ kevbe tama iran wẹẹ, ‘Wa gha rrie ugbo mwẹ ya winna, I gha ha osa ne uwa vbe ne ọ ke yi.’

Iyẹn ne ọ Maan Ọghe Luk 12:35

“Wa rra ukpọn mu ẹkun, wa gie ukpa uwa gha baa, ne uwa mu egbe ye otọ khẹ emwi ne ọrhirhi a gha khin.

Iyẹn ne ọ Maan Ọghe Luk 17:30

Erriọ ọ gha ye ẹdẹ ne Ovbi Ọmwa gha ye egbe ladian.

Iyẹn ne ọ Maan Ọghe Luk 17:8

Hiehie re. Emwi ne u ra tama rẹn ọrọre wẹ, ‘Ya le evbare ota mẹ, gba ukugba ne u do mudia gha viọ emwi ne I ho mẹ I te re I te da fo. Iyeke ọnii uke ya re ne u vbe da.’

Ebe ne Pọl gbẹẹn gie emwa Rom 13:13

Wa gie ima gha ru emwi ọmwa ne ọ rẹn enegbe, zẹ vbe ivbi uwanmwẹ ẹdẹ, ẹ i re vbe uwu oyanghan, ra ayọn ne a da gbe egbe, ẹ i re uwu alama oghẹ ra u sakanmwẹ, ẹ i re vbe uwu igbinna ra oya ọmwa da ọmwa.

Ebe ne Pọl gbẹẹn gie emwa Rom 8:19

Te emwi ne a yi hia heko ziengbe gha khẹ wẹ ne Osanobua viọ ivbi ẹre ladian ne a miẹn.

I Kọrinti 1:7

Wẹ wa ma he vbabọ emwi afiangbe ọkpa ẹdẹ, vbe uwu ẹghẹ ne uwa ya diakhẹ Nọyaẹnmwa Jesu Kristi ne ọ rhie egbe maa.

I Kọrinti 13:13

Wanwanna, iran eha ọre ọ rrọọ, iyayi, idaehọ, kevbe aho ẹmwẹ ọmwa, ne ọ sẹ re vbe uwu iran eha na ọrọre aho ẹmwẹ ọmwa.

Ẹfisọs 6:14

Rhunmwuda ọnii, khẹ ye egbe, ya ẹmwata ru ugbẹkun rhie gba, ya aruemwiata ru uhanhan ẹwẹe.

Kọlose 3:4

Arrọọ ọghe ẹmwata ne uwa mwẹ, ọrọre Kristi, rẹn gha ghi ye egbe ladian, wa ghi vbe deba ẹre ladian, wa ghi vbe ghae vbe uyi ẹre.

II Tẹsalonaika 1:7

Ọ ghi fannọ uwa ni sẹ usẹ ẹghẹ na kua, kevbe ima ba ẹre. Ẹghẹ ne ọ gha na ru emwi na, ọrọre ẹghẹ ne Nọyaẹnmwa Jesu gha na rhie egbe ma ke ẹrinmwi rre, irẹn kevbe avbe odibo Osa ẹre nekhua.

II Timoti 4:5

Sokpan, wẹ ghi da egbe ruẹ yi, vbe ne emwi rhirhi gha ye hẹ, gha ziengbe oya, gha winna iwinna ọmwa ne ọ kpe orhu Iyẹn Ne ọ maa ne u vbe gha winna iwinna ruẹn hia, zẹ vbe ọguọmwadia Osanobua.

II Timoti 4:8

Wanwanna nian, igho ọmwẹguae ne a ra se yọ mwẹ obọ dia khẹ mwẹ nẹ, nene ẹde ọmwa ẹmwata, ne Nọyaẹnmwa ne ẹ i bu eku gha mu mẹ Ẹdẹ ne ẹdẹrriọ, ẹ i vbe re mẹ ọkpa, sokpan kevbe iran hia ni ye aho ẹmwẹ ọmwa diakhẹ ẹghẹ ne ọ gha ya ye egbe ladian.

Hibru 10:35

Wa ghẹ gie egbe wọ uwa khekherriọ, rhunmwuda, ere nọkhua ọre ọ la dee.

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

Hibru 6:19

Ma keghi mwẹ idaehọ na, zẹ vbe okpo ne ọ da owa yi ọghe ekhọe mwa, ẹbe i rrọọ, te ọ vbe deziẹn gbain, ọ kevbe la ukpọn ne a ya fian ọgua Osa gberra gha, rrie ehe ne Ogiukpo nọkhua ye.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

I Pita 1:10

Ẹmwẹ imiẹnfan na, ọre avbe akhasẹ wa gbe aro ke otọ gha nọ ẹmwẹ ọnrẹn, vbe gha gualọ otọ ẹre khian, iran keghi ta ẹmwẹ emwi na ne Osanobua ra ya we uwa ye otọ.

I Pita 3:15

Sokpan, wa gha ya ọghọ ne Kristi vbe uwu ekhọe uwa, ne uwa vbe ya ẹe ru Nọyan uwa. Mu egbe vbe ẹghẹ hia ne u ya rhie ewanniẹn ne ọmwa ne ọ rhirhi nọ ruẹn, wẹ ne u rhan otọ idaehọ ne u mwẹ.

I Pita 4:7

Ufomwẹ emwi hia sẹ otọ fo nẹ. Wa gha ziengbe emwi, wa ghi vbe khẹ yegbe, ne uwa sẹtin gha na erhunmwu.

I Pita 5:12

Sailas, ọmwa ne ima ka ye ọtẹn ne ẹ i hiẹ ọmwa, ọre ọ gun mwẹ gbẹn ehe ne kherhe na gie uwa, I ho ne I rhie igiẹdu ne uwa, ne I vbe ya unu mwẹ ta ẹe ma uwa zẹ vbe ẹmwẹ obọ mwẹ wẹ, ẹsọhẹ ọghe Osanobua, ọre ọ na khin. Wa mudia yọ gbain.

I Pita 5:8

Khẹ yegbe, gha ba odẹ! Rhunmwuda Esu ne oghian ruẹn gha vin yo vin rre, ọ gha davan vbe oduma, ọ gualọ ọmwa ne ọ gha gbe re.

I Jọn 3:3

Ọmwaikọmwa ne ọ mwẹ idaehọ na vbe uwu Kristi, ọ gha da egbe ẹre yi vbe ne ẹ i mwẹ iruẹn, zẹ vbene Kristi vbe re ne ẹ i mwẹ iruẹn.