I Pita 1:10 - Edo Bible (E Baibol Ẹdo) Version 1996

¹⁰ Ẹmwẹ imiẹnfan na, ọre avbe akhasẹ wa gbe aro ke otọ gha nọ ẹmwẹ ọnrẹn, vbe gha gualọ otọ ẹre khian, iran keghi ta ẹmwẹ emwi na ne Osanobua ra ya we uwa ye otọ.

I Pita 1:10 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Itan 2:4

Ye ẹtin hia gualọ ẹe, vbene u gha ya gualọ esiliva ra emwi ighobioye ne a rhie lẹre.

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Daniẹl 9:3

I keghi kakabọ na erhunmwu ghe e Nọyaẹnmwa Osanobua, I kegha rinmwian ẹẹn, I kegha ya ohanmwẹ gbe egbe, I kegha rhuan ukpọn akhiẹ, I na vbe gha tota ye uwu emuẹn.

Hagai 2:7

I gha ye avbe uhunmwu ẹvbo hia uhunmwu rhu, a ghi viọ emwi ẹfe iran gha die emwa na, Ọgua Osa ghi vuọn ne emwi ẹfe.

Zẹkaraia 6:12

Tama rẹn wẹ e Nọyaẹnmwa ne Oghodua khare wẹẹ, ‘Agbọn gha maa ọmwa ne a tie ẹre Abọ vbe ehe ne ọ ye ọ gha vbe dọlọ Ọgua Osa e Nọyaẹnmwa họ.

Matiu 13:17

Wa yerre ighẹ akhasẹ kevbe emwa Osanobua nibun ọre ọ te gha ho ne iran miẹn emwi ne uwa miẹn na, sokpan iran ma miẹn ọẹn, kevbe ne iran vbe họn emwi ne uwa họn ẹn, sokpan iran ma họn ẹn.

Matiu 26:24

Ovbi Ọmwa gha gele wu zẹ vbene Ebe tae ye otọ nẹ, sokpan ọsọre ighe ọmwa ne ọ gha rhie Ovbi Ọmwa maa! Ọ gha te maa ne ẹn sẹ akpawẹ a ma biẹ ọe!”

Iyẹn ne ọ Maan Ọghe Luk 10:24

Ne I khama uwa wẹẹ avbe Ọba kevbe akhasẹ ni bun ọre ọ te gha ho ne aro iran sẹ emwi ne uwa miẹn na, sokpan aro iran ma se ọe, kevbe ne iran vbe họn emwi ne uwa họn ẹn, sokpan iran ma họn ẹn.”

Iyẹn ne ọ Maan Ọghe Luk 24:44

Ẹkpo nii ọre ọ na khama iran wẹẹ, “Emwi ne I tama uwa vbe I gu uwa rrọọ ẹghẹ nii ọre ena khin: emwi ne a gbẹnnẹ ye otọ vbekpa mwẹ vbe Uhi e Mosis, kevbe avbe akhasẹ kevbe ebe Psalm, te a gha mu ẹn sẹ.”

Iyẹn ne ọ Maan Ọghe Jọn 5:39

Wa vbe tie Ebe ne ọ huanrẹn ni rhunmwuda wa ro ighẹ uwu iran ọre uwa gha na miẹn arrọọ ne ẹ i fo. Iran tobọ iran vbe sẹ osẹe mẹ.

Iyẹn ne ọ Maan Ọghe Jọn 7:52

Iran wanniẹn tama rẹn wẹẹ, “E Galili wẹ vbe ke rre ra? Ya tie Ebe ne u ghe ẹre, u gha miẹn wẹ akhasẹ ma he ke Galili rre ẹdẹ.”

Iwinna 10:43

Avbe akhasẹ hia ta ẹmwẹ ọnrẹn wẹ ọmwaikọmwa ne ọ rhirhi a yae yi, a gha ya orukhọ ẹre hia bọ ẹe la ekpa ẹtin eni ẹnrẹn.”

Iwinna 17:11

Emwa ni rre ẹvbo na ọre ẹdẹ gbe vbe ẹko sẹ iran ni rre Tẹsalonaika. Iran keghi wa gbe ẹkun sẹ otọ gha danmwehọ ikporhu nii, iran kegha tie Ebe ẹsẹse gualọ otọ ẹre ne iran miẹn ehe na rẹn a deghẹ ẹmwata ọre ẹmwẹ ne Pọl tae khin.

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

Hibru 11:13

Uwu iyayi ọre iran na hia na wulo. Emwi ne Osanobua ve ma he sẹ iran obọ, sokpan urria gbaan iran na bẹghe iran, iran keghi rhan obọ miẹn iran, iran keghi ye unu iran miẹn kue ma emwa hia wẹ, erhunmwuyẹn kevbe ekhẹn ọre iran khin vbe agbọn na.

Hibru 11:40

Rhunmwuda, Osanobua ru emwamwa nọ maa sẹẹ ọnii ye otọ khẹ ima nẹ. Iro ọghọe nọ wẹ, ẹghẹ mwa ọkpa ọre iran gha na do dunna fo.

I Pita 1:11

Iran keghi hia ne iran gualọ ẹe miẹn, ẹghẹ ne ọ ghẹ gha khin, kevbe vbene ọ gha ya rre hẹ, rhunmwuda, Orhiọn Kristi ne ọ rre uwu iran keghi ta ẹmwẹ ẹghẹ na, vbene iranna ta ẹmwẹ oya ne Jesu gha re ye otọ, ke ẹe kevbe uyi ne ọ gha lele ẹe.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.