I Ọba 9:3 - Edo Bible (E Baibol Ẹdo) Version 1996

³ E Nọyaẹnmwa keghi tama rẹn wẹẹ, “I họn erhunmwu ruẹn ne, I ya Ọgua Osa ne u bọ ẹe khian ne ọ huanrẹn zẹ vbe ehe ne a gha na gha ga mwẹ rhinrin ẹdẹ. I gha gbe aro ghe ẹre, I gha vbe degue ẹre rhinrin ẹdẹ.

I Ọba 9:3 ပူးပေါင်းရင်းမြစ်များ

I Jọn 5:14

Ọna ọ si ẹe ne afianma i na fian ima vbe odaro Osanobua, aro ima dae wẹ, rẹn gha ru ẹe, a deghẹ ma nọ rẹn emwi, zẹ vbene ọ gua egbe emwi ne irẹn ho ro.

Psalm 10:17

E Nọyaẹnmwa, wẹ gha họn erhunmwu avbe ọmẹhẹ, u gha rhie igiẹdu ne iran.

II Ọba 20:5

wẹ ne ọ werriegbe bu e Hẹzekaia gha khian ya khama rẹn wẹẹ, “Mẹ ne Nọyaẹnmwa, Osanobua ọghe Devid ne erha a odede họn erhunmwu ruẹn, I vbe miẹn ameve ruẹ. I gha mu uẹn egbe rran, u gha yo Ọgua Osa irakhuẹ.

I Ọba 8:29

Gie aro ruẹ gha ghe Ọgua Osa na asọn kevbe avan, emwana ne u wẹ zẹe wẹ ne a gha ga a vbọ. Họn ọghomwẹ, vbene I na erhunmwu vbe uwu Ọgua Osa na.

Psalm 116:1

Mẹ ho ẹmwẹ Nọyaẹnmwa, rhunmwuda, ọ họn urhu mwẹ; ọ rhie ehọ ye erhunmwu mwẹ.

Diuteronomi 11:12

E Nọyaẹnmwa Osanobua uwa ọ re ọ gbe aro ghe otọe na, ọ ghi vbe gha ba ẹe ne ukpo rhu.

II Krọnikol 6:40

“Banbanna nian, Osanobua mwẹ, tọn aro mu ghe ima ne u gha họn erhunmwu ne a na vbe emwa na.

Iwinna 10:31

ọ wẹẹ, ‘Kọniliọs, Osanobua họn erhunmwu ruẹn nẹ, ọ vbe ye iwinna itohan ruẹn rre.

Matiu 6:9

Vbenian ọre uwa ya gha na erhunmwu, “ ‘Erha mwa ne ọ rre ẹrinmwi: Gia ya ọghọ ne eni ruẹ nọhuanrẹn,

Ẹksọdọs 20:11

Ẹdẹ ehan ọre mẹ ne Nọyaẹnmwa ya yi ẹrinmwi, agbọn, avbe okun kevbe emwi nii rre uwu iran hia, sokpan vbe ikpẹdẹ ne ne ogihinrọn, I keghi kẹtin. Ọnii ọ zẹe ne imẹ ne Nọyaẹnmwa na fiangbe Ẹdẹ Ikẹtin, I na ya ẹe khian ne ọ huanrẹn.

Daniẹl 9:23

Ugbẹn vbe u ghi gha rinmwian Osanobua, ọ keghi zẹ ẹmwẹ wanniọn. Ọ ho ẹmwẹ ruẹn, rhunmwuda ọnii, ọ re I na gha dee do rhie ewanniẹn ọnrẹn ne uẹn rhunmwuda ọnii nian, danmwehọ vbe ne I rhan otọ umian na hẹ.

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Diuteronomi 16:11

Gha ghọghọ vbe odaro Nọyaẹnmwa, wẹ kevbe avbe ivbi uẹ, kevbe eguọmwadia ruẹ, kevbe avbe e Livai, avbe ọrriọvbe, emọ ne ẹi mwẹ erha kevbe avbe ẹgbẹ ni rre owa ruẹ. Wa ghi ru ọna vbe ihe ọkpa ni ne a na ga ẹe.

Diuteronomi 12:11

E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Nọmbas 16:38

Iran khian emwi iruemwi vbe a viọ iran gha die aka e Nọyaẹnmwa. Rhunmwuda onii viọ ọkpan ọghe avbe emwa na ne a gbele ye ẹmwẹ orukhọ iran, dunmwu ẹn ya khian avbe ọkpan fẹrhẹfẹrhẹ ne u yae gha gue aka. Ọ na ghi gha re ne a miẹn wan ne ivbi Izrẹl.”

Iyẹn ne ọ Maan Ọghe Jọn 11:42

I rẹnrẹn ighe u danmwehọ mwẹ vbe ẹghẹ hia, sokpan rhunmwuda iran ni rre emwa na nian, ọ re I gu kha vberriọ ne iran miẹn ehe na rẹn ighe wẹ ọre ọ gie mwẹ.”

Psalm 66:19

Sokpan Osanobua gele họn ọghomwẹ nẹ, ọ vbe danmwehọ erhunmwu mwẹ.

Diuteronomi 12:21

A deghẹ ihọkpa ne a na ga nii rrei gbe; wa sẹtin gbe ẹmila uwa vbe uwu enii ne Nọyaẹnmwa hẹ ne uwa, zẹ vbene I ka khama uwa ne uwa gha rri emiowo vbe owa vbe ẹghẹikẹghẹ ne uwa a rhirhi ya gha ho.

Diuteronomi 12:5

E Nọyaẹnmwa gha zẹ ihe ọkpa ne emwa gha na ga irẹn vbe otọe ọkpa vbe uwu avbe ẹwae uwa.

II Ọba 21:7

Ọ keghi mu amazẹ Asiẹrra ne ẹbọ ne okhuo ye uwu Ọgua Osa, ehe ne Nọyaẹnmwa ta ẹmwẹ ọnrẹn ma e Devid kevbe Solomọn ne ovbi ẹre wẹẹ, “Emwa na, vbe uwu Ọgua Osa ne ọ rre Jerusalẹm na, ọrọre ehe ne I hannọ zẹ vbe uwu avbe ẹwae ọghe Izrẹl, zẹ vbe ehe ne a gha na gha ga mwẹ.

II Krọnikol 33:7

Ọ keghi mu amazẹ ye uwu Ọgua Osa, ehe ne Nọyaẹnmwa ta ẹmwẹ ọnrẹn ma e Devid kevbe Solomọn ne ovbi ẹre wẹẹ: “Emwa na vbe Jerusalẹm, vbe Ọgua Osa na, ọ re ehe ne I zẹe vbe otọe ẹwae iweva ni rre Izrẹl, wẹ, a gha na gha ga mwẹ.

Ẹzra 6:12

Te Osanobua ni ne ọ zẹẹ Jerusalẹm wẹ evba ọre a gha na gha ga irẹn, gha guọghọ ẹre arriọba a, ighẹ ọbakọba ne ọ ma zẹ ye ẹmwẹ na, ọ na gha ho ne ọ guọghọ Ọgua Osa ne ọ rre evba a. Mẹ ne Dariọs ọ re ọ ta ẹmwẹ na. Ẹmwẹ ne I tae, ta a gha mu ẹẹn sẹ.”

Psalm 34:17

Ẹmwata gha kpe tie Nọyaẹnmwa, ọ ghi vbe miẹn iran fan, vbe uwu ọlọghọmwa iran hia.

Ẹksọdọs 29:44

I gha ya Owa Ukpọn ne a na miegbe khian ne ọ huanrẹn, kevbe aka ne ọ rrọọ, I ghi ya Errọn kevbe ivbe ẹre khian na ya fi ohan ne ọ gha ga mwẹ zẹ vbe ohẹn.

Psalm 65:3

Abakuru mwa munọ ima gbotọ, sokpan, wẹ keghi ya iran bọ mwa.

Jerimaia 7:10

Wa ru avbe emwi na ne ẹ i yẹ mwẹ, wa ghi vbe do gha mudia ye odaro mwẹ, vbe uwu ọgua Osa mwẹ, wa ghi vbe gha kha wẹẹ, ‘Ma rrọ vbe ai mwẹ ẹbe!’