I Ọba 7:2 - Edo Bible (E Baibol Ẹdo) Version 1996

^2-3 Ọgua Ẹgbo Lebanọn kegha re ibata igbe yan ikiọkhọe vbe utanmwẹ (150) isẹn irrọvbe iyenẹ (75) vbe uvbẹmwẹ kevbe isẹn yan iyeva (45) vbe uyomwẹ. Ọ kegha mwẹ ọgbagba eha ọghe orre erhan isida, orre ekesugie ọ re ọ rre ọgbagba ọkpọkpa vbene egbaha ọghe isida na vbe hẹnhẹn egbe yan iran. Isida ọ re a ya hie ẹre, ọ keghi vbe niẹn obọ gberra aza ne a viọ emwi yi ne avbe ya orre mu rrọ.

I Ọba 7:2 ပူးပေါင်းရင်းမြစ်များ

I Ọba 10:17

Ọ kevbe ru asa iyisẹn yan uri (300) ne giẹrẹ ọvbehe, ọ na vbe ya igoru ne ọ gha sẹ uwan enẹ rhu ọkpọkpa vbọ. Ọ na wẹ ne a viọ ena hia ye Ugha Ẹgbo e Lebanọn.

I Ọba 10:21

Igoru ọre a ya ru ukpu hia ne Solomọn ya wọn amẹ, kevbe avbe emwi na lo ni rre Ugha Ẹgbo e Lebanọn hia. A ma lo e siliva, rhunmwuda, vbe ẹghẹ ọghe Solomọn, a ma ka ẹe ye emwi rhọkpa.

I Ọba 9:1

E Solomọn ne ọba ghi bọ Ọgua Osa fo nẹ ke ẹe kevbe ẹguae kevbe emwi ọvbehe ne ọ ho ne ọ bọlọ hia,

I Ọba 9:19

Avbe ẹvbo ne a viọ emwi ne a hẹ gie ẹe yi, avbe ehe ne a viọ ẹsin ẹnrẹn yi kevbe ikẹkẹ okuo, kevbe emwi ọvbehe hia ne ọ ho ne irẹn bọ ye Jerusalẹm, e Lebanọn kevbe ehe ọvbehe vbe otọ arriọba ẹre.

II Krọnikol 9:16

deba asa negiẹrẹ iyisẹn yan uri (300) ne a ya omwa uwan igoru erẹnrẹn ne a dunmwu rhu. Ọ keghi wẹ ne a viọ ehia ye Ugha Ẹgbo e Lebanọn.

Ihuan Ne Ọ Sọọ Ihuan Hia 7:4

Ẹyaẹn ruẹn yevbe orre akọn eni, aro ruẹ yevbe ọghọdọ ne ọ rre Hesbọn ne ọ rre ọkpẹn onurho ẹvbo nii. Ihue ruẹ ye mose mose vbe owa ọkhẹ ọghe Lebanọn ne ọ khẹ odẹ vbe Damaskọs.

Aizaia 22:8

Avbe emwi ne Juda te ya khẹ egbe hia de rẹnkhẹẹn uan. Ugbẹn vbe emwi vberriọ ghi sunu, wa keghi viọ emwi igbinna ke uwu ẹgun emwi igbinna ladian.