I Ọba 4:3 - Edo Bible (E Baibol Ẹdo) Version 1996

³ Avbe ọgbenbe iko kegha re Elihorẹf kevbe Ahija ne ivbi e Sisia Ne ọ sin emwi ẹro: Jehosiafat ovbi Ahilub.

I Ọba 4:3 ပူးပေါင်းရင်းမြစ်များ

II Samuẹl 20:23

E Joab keghi re ọkaokuo ivbiyokuo Izrẹl, e Benaia ne ovbi e Jehoaida kegha gbearoghe ivbi ọkpọmwa e Devid.

II Samuẹl 8:16

E Joab ne ovbi e Zeruaia kegha re ọkaolotu ivbiyokuo; e Jehosiafat ne ovbi Ahilud, kegha re ọka isiẹnmwẹro.

I Krọnikol 18:15

E Joab ne ọtẹn Abisiai kegha re ọkaokuo nọkhua yan ivbiyokuo, e Jehosiafat ne ovbi Ahilud kegha re ne ọ sin emwi hia ẹro.

I Krọnikol 18:6

Iyeke ọnii, ọ keghi bu agọ ivbiyokuo ye ẹvbo iran, iran na khian emwa ni rre ototọ ẹre, iran na gha ga gie ẹe. E Nọyaẹnmwa keghi gie obọ e Devid gha ke odukhunmwu vbe ehe hia.

Aizaia 62:6

Jerusalẹm, I viọ avbe abodẹ ye ekẹn ọlẹga ruẹ nẹ ohan i gie iran hunmwan vbe avan ra asọn te iran ra gha ye Nọyaẹnmwa eyan ne ọ yanrẹn rre, iran i vbe gie irẹn mianmian.

I Samuẹl 14:3

(Ohẹn ne ọ mu adaghọ rhuan kegha re Ahija ne ovbi ọtẹn Ikabọd ne a tie ẹre Ahitub ne ovbi e Finihaz, eyẹ Elai ne ohẹn e Nọyaẹnmwa vbe Siailo.) Emwa nii ma rẹn wẹ e Jonatan ladian.