I Ọba 3:3 - Edo Bible (E Baibol Ẹdo) Version 1996

³ E Solomọn keghi ho ẹmwẹ e Nọyaẹnmwa ọ keghi vbe gha ru vbene Devid ne erha ẹe tama rẹn, sokpan ọ yevbe gbele aranmwẹ, ọ kevbe ye iran zọ ese vbe Ogiukpo ughughan.

I Ọba 3:3 ပူးပေါင်းရင်းမြစ်များ

I Ọba 11:34

Sokpan I i ra wa miẹn e Solomọn otọ arriọba ni hia, I gha yevbe gie ẹe gha rre ukpo vbe ẹdẹ ne ọ gha ya vbe agbọn hia, rhunmwuda e Devid, ọmwa ne imẹ hannọ zẹ kevbe ọmwa ne ọ rhie uhi kevbe ilele mwẹ mwẹ.

I Ọba 11:38

A deghẹ u họn ẹmwẹ mẹ, u na ya uhi mwẹ gha ru emwi, I na so igiẹ ye ẹmwẹ uyinmwẹ ruẹn vbekpa ne u na ru vbene I kha re, zẹ vbene Devid ne ọguọmwadia mwẹ ru, I gha yaba ruẹ vbe ẹghẹ hia. I gha ya a ma ọba Izrẹl, I ghi vbe miẹn wẹ ivbi uẹ ọ re ọ khian vbe gha khaemwisẹ vbe iyeke uwẹ, zẹ vbene I ru ne Devid.

I Ọba 11:4

ọ ghi khian ọmaẹn nẹ, iran keghi si ẹe la ẹbọ ẹrrẹ ne a gho, ọ ma ghi ye ekhọe lele Nọyaẹnmwa Osanobua ẹre zẹ vbene Devid ne erha ẹe gha ye.

I Ọba 11:6

Ọ keghi ru orukhọ ghe Nọyaẹnmwa, ọ ma ghi rhie ekhọe lele ẹe zẹẹ vbene Devid ne erha ẹe gha ye.

I Ọba 14:23

Iran keghi họlọ ehe ne iran na gho avbe ẹbọ ohoghe, iran keghi mannọ orre okuta kevbe ọkpọ erhan ni mwẹ irhu emwi ne iran gha ghoo, vbe uhunmwu oke kevbe ototọ erhan ni mwẹ irhu.

I Ọba 14:8

I miẹn ivbi e Devid arriọba mu ne uẹn. Sokpan u ma zẹdẹ khọ e Devid ne ọguọmwadia ne ọ wa ru vbene I ho vbe ẹghẹ hia, ọ kevbe gha ya uhi mwẹ ru emwi, emwi ne I we ne ọ ru ọkpa, ọre ọ ru.

I Ọba 15:11

Asa keghi ru emwi ne ọ yẹ e Nọyaẹnmwa, zẹ vbe e Devid ne erha ẹe odede.

I Ọba 15:14

A gha rhe miẹn wẹ ama guọghẹ aroẹbọ avbe ni ga ẹbọ, Asa keghi wa gha ru emwi ne ọ yẹ e Nọyaẹnmwa vbe ẹdẹ agbọn rẹn hia.

I Ọba 15:3

Egbe orukhọ ne erha ẹe ru ọre irẹn vbe gha ru, ọ ma vbe mobọ rhie egbe lele Nọyaẹnmwa ne Osanobua ẹre zẹ vbene Devid ne erha ẹe nọkhua ru.

I Ọba 15:5

E Nọyaẹnmwa ru emwi na rhunmwuda e Devid ru emwi ne ọ yẹ ọre, ọ ma vbe rra iyi ẹre rhọkpa gberra ẹmwẹ Uraia ne ovbi ẹvbo Hiti.

I Ọba 22:43

Ọ kevbe ru emwi ne ọ maa vbe odaro Osanobua zẹ vbene erha ẹe ighẹ Asa vbe ru sokpan, ọ ma guọghọ ehe ne iran ni ga ẹbọ na ga hin rre, emwa keghi ye gha zọ ese, iran keghi ye vbe gha giẹn eturari vbe evba.

I Ọba 22:44

E Jehosiafat keghi gu ọba Izrẹl dọlọ kugbe.

I Ọba 3:14

A deghẹ u ghi vbe ya ẹmwẹ mwẹ ru emwi, u na rhie uhi kevbe ilele mwẹ mwẹ, zẹ vbene Devid ne erha a ru, I ghi rhie utọmwẹ ba ruẹ re.”

I Ọba 3:6

E Solomọn keghi wanniẹn wẹẹ, “Erriọ ọ re u vbe gha ho ẹmwẹ e Devid ne erha mwẹ, ọguọmwadia ruẹ, rẹn keghi wa vbe gha maa, ọ guobọ ruẹ, ọ na vbe gha re ne ọ gie a mu ẹtin yan vbe emwi ne ọ gha ru vbe odaro ruẹ. U keghi ye vbe gha ho ẹmwẹ ọnrẹn khian, vbe ekpa ne u na rhie ọmọ okpia ne ẹẹn ne ọ rriọba lele ẹe.

I Ọba 8:25

Banbanna nian, e Nọyaẹnmwa Osanobua Izrẹl, I rinmwian wẹ ne u vbe mu eyan nọkpa sẹ, ne u yan ma erha mwẹ ighẹ Devid ẹkpo ne u na kha ma rẹn wẹẹ, ‘I gha rhie ne uẹn rhinrin ẹdẹ ọmọ ne ọ gha rhie ihe ruẹ zẹ vbe ọba Izrẹl adeghẹ avbe ivbi uẹ họn ẹmwẹ mẹ zẹ vbene u wẹ gha ru.’

I Ọba 8:61

Te uwa ne emwa rẹn gha guobọ e Nọyaẹnmwa ne Osanobua mwa, ne uwa gha ya uhi kevbe iyi ẹre hia ru emwi, zẹ vbene uwa ru ẹdẹnẹrẹ na.”

I Ọba 9:4

Banbanna nian, a deghẹ u gha ga mwẹ zẹ vbene Devid ne erhaa ru vbe ekhọe ne ọ huanrẹn kevbe ne ẹ i mwẹ ikhan, u wa gha ru emwi ne I tama ruẹn hia, u na vbe ya uhi mwẹ ru emwi,

II Ọba 12:3

Vbene ọ rhirhi gha ye hẹ, ehe ne iran ni gho ẹbọ na ru ẹbọ, a ma guọghọ ẹe kua. Emwa nii kegha zọ ese, iran na vbe gha giẹn eturari vbọ.

II Ọba 12:4

E Joas keghi tie avbe ohẹn, ọ na wẹ ne iran gha si igho ne iran ni zọ ese vbe Ọgua Osa hae koko, kevbe avbe igho ne a hare yọ zẹ vbe ne a mwa ye ese ne a zọ vbe ẹghẹ hia kevbe igho ne emwa ya ekhọe obọ iran viọ rre.

II Ọba 14:3

Ọ ru emwi ne ọ yẹ e Nọyaẹnmwa sokpan ọ ma wa ye vbe e Devid ne ọba ne erha ẹe odede; sokpan ọ keghi ru avbe emwi ne Joas ne erha ẹe vbe gha ru.

II Ọba 14:4

Ọ ma dunmwu ehe ne iran ni ga ẹbọ na gho ẹbọ, emwa keghi ye gha zọ ese, iran na gha giẹn eturari vbe evba.

II Ọba 15:35

sokpan, a ma guọghọ aro ẹbọ avbe enigẹbọ, emwa keghi ye gha zọ ese, iran na vbe gha giẹn eturari vbe evba, e Jotan ọ re ọ bọ onurho ne ọ rre odẹ okuọ ọghe Ọgua Osa.

II Ọba 15:4

Sokpan a ma guọghọ ehe ne iran ni ga ẹbọ na ru ẹbọ kua, emwa ni keghi ye gha zọ ese, iran na vbe gha giẹn eturari vbe evba.

II Ọba 18:22

Avbe ekaokuo Asiria keghi ye rhie te ẹe wẹẹ, “Ra te u ghi ra tama ima ighẹ e Nọyaẹnmwa ne Osanobua uwa ọ re u mu ẹtin yan? Te Hẹzekaia dunmwu ehe ne a na gho e Nọyaẹnmwa hia a, kevbe aka ẹre hia, ọ na tama ivbi e Juda kevbe Jerusalẹm wẹ e Jerusalẹm ọkpa ọ re iran hia gha na gha ga.

II Ọba 18:4

Ọ keghi guọghọ avbe ehe ne iran ni ga ẹbọ na gho ẹbọ iran, ọ keghi guọghọ orre okuta ni rrọọ ọ na vbe dunmwu amazẹ Asiẹrra ne ẹbọ ne okhuo sẹ otọ. Ọ kevbe guọghọe rua ighẹ ẹyẹn ne Mosis ya oze ru, ne iran gha tie ẹre Nehustan. Do sẹ ẹghẹ ne a kha na, te ivbi Izrẹl ye gha giẹn eturari vbe ya ya ọghọ ne ẹẹn.

II Krọnikol 15:17

A gha rhe miẹn wẹ Asa ma wa guọghọ aro ẹbọ iran nigẹbọ hia fo vbe otọe nii, te irẹn wa ya ekhọe ẹmwata mudia ke Nọyaẹnmwa vbe ẹdẹ agbọn rẹn hia.

Psalm 145:20

Ọ degue ọmwaikọmwa ne ọ ho ẹmwẹ irẹn, sokpan, ọ gha fuẹn emwa dan an.

Psalm 31:23

Wa ho ẹmwẹ e Nọyaẹnmwa, wa ne emwa rẹn, ni gie a mu ẹtin yan hia, e Nọyaẹnmwa ọ re ọ degue ọmwa ne ọ gie a mu ẹtin yan, sokpan, ọ ghi rri iran ni tọn egbe mu oya zẹ vbene ọ ma iran.

Levitikọs 17:5

Emwi ne a ya emwamwa na kha ọrọre wẹ, emwi ne ivbi Izrẹl te ka gbe vbe adesẹ ore yi, te iran ghi khian gha viọ ehia bu e Nọyaẹnmwa rre. Te iran khian ghi gha viọ iran bu ohẹn rrie onurho Owa Ukpọn Ile, a ghi gbe ẹe zẹ vbe izẹọhẹ isara.

Matiu 22:37

Jesu wanniẹn wẹẹ, “ ‘Ye ekhọe ruẹ hia, orhiọn ruẹn hia, otọe ẹko ruẹ hia, kevbe ẹtin ruẹn hia ho ẹmwẹ Nọyan ruẹn Osanobua ruẹ.’

Iyẹn ne ọ Maan Ọghe Jọn 14:15

“Deghẹ wa ho ẹmwẹ mwẹ, wa gha họn ẹmwẹ mwẹ.

Iyẹn ne ọ Maan Ọghe Jọn 14:21

Ọmwa ne ọ rhirhi rhan obọ miẹn uhi mwẹ, ọ na vbe ya ẹe gha ru emwi, rẹn ọrọre ọmwa ne ọ ho ẹmwẹ mwẹ. Ọmwa ne ọ ho ẹmwẹ mwẹ, Erha mwẹ gha vbe ho ẹmwẹ ọnrẹn. Mẹ tobọ mwẹ gha ye egbe mwẹ naẹn miẹn.”

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

I Kọrinti 8:3

Sokpan ọmwa ne ọ ho ẹmwẹ Osanobua, Osanobua rẹn ọnrẹn.

Diuteronomi 10:12

“Banbanna nian, wa ne ivbi Izrẹl wa danmwẹ ehọ emwi ne Osanobua nọ rẹn vbe obọ uwa. Wa gha ye ekhọe uwa kevbe orhiọn uwa hia ho ẹmwẹ ọnrẹn, ne uwa vbe ya ẹe ga ẹe.

Diuteronomi 10:13

wa ghi vbe gha ye uhi ẹre hia ru emwi. Rhunmwuda ọma ne egbe uwa ọ re I na viọ iran ne uwa ẹrẹna.

Diuteronomi 11:13

“Rhunmwuda onii nian, wa ghi gha ya uhi ne I gbe ne uwa ẹrẹna gha ru emwi, onii nọ wẹ ne uwa gha ya ekhọe uwa hia ho ẹmwẹ Nọyaẹnmwa Osanobua rua kevbe ne uwa vbe ga ẹe vbe orhiọn ruan hia kevbe ẹko rua hia.

Diuteronomi 30:16

Adeghẹ wa ya uhi e Nọyaẹnmwa Osanobua uwa ne imẹ rhie ne uwa ẹrẹna gha ru emwi, adeghẹ wa họn ẹmwẹ ne ẹẹn, wa na viọ uhi ẹre hia ya gha ru emwi, ẹghẹ nii agbọn gha ma uwa, wa ghi vbe khian okpẹvbo nọkhua ne emwa ni bun ye. E Nọyaẹnmwa Osanobua uwa ghi fiangbe uwa vbe otọe ne uwa ra ya yin na.

Diuteronomi 30:20

Wa ho ẹmwẹ e Nọyaẹnmwa Osanobua rua, wa gha họn ẹmwẹ ne ẹẹn ne uwa gha ye ẹko ata gu ẹe yin, ne uwa vbe avbe ivbi uwa sẹtin tọ vbe otọe ne irẹn ve wẹ rẹn gha mu ne avbe erha uwa odede, Ebraham, Aizik kevbe Jekọb.”

Diuteronomi 30:6

E Nọyaẹnmwa Osanobua rua gha rhie ekhọe ne ọ họn ẹmwẹ ne uwa kevbe avbe ivbi uwa, wa ghi ya ekhọe uwa hia kevbe orhiọn uwa hia ho ẹmwẹ ọnrẹn wa ghi vbe gha yin otọe nii khian.

Diuteronomi 6:5

Ye ekhọe ruẹ hia ho ẹmwẹ Nọyaẹnmwa Osanobua ruẹ, kevbe orhiọn ruẹn hia kevbe ẹtin ruẹn hia.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

I Samuẹl 9:12

Iran keghi wanniẹn wẹẹ, “Ẹn, ọ rre owa. Ghe, ọ wa khian vbe odaro uwa nian. Wa tua owẹ ye okhian, te ọ da ke ehe rre na rhunmwuda, emwa gha zọ ese ẹrẹna vbe aka ne ọ rre uhunmwu oke. U gha wa da la ore ẹvbo, u gha miẹn ọẹn vbe ọ te hin ukhunmwu ya rri evbare. Avbe emwa i ra suẹn evbare gha re ọ te sẹ evba, rhunmwuda te irẹn gha ka na erhunmwu emwi izọese nẹ, emwa nii ke suẹn evbare gha re. Wa gha rrie evba nii nian, wa gha miẹn ọẹn vba vbe ọwarọkpa.”