I Ọba 2:4 - Edo Bible (E Baibol Ẹdo) Version 1996

⁴ U gha ru vberriọ, e Nọyaẹnmwa gha mu eyan ne ọ yan rẹn sẹ vbe ọ tama mwẹ wẹẹ: ‘Ivbi uẹ ọ re ọ ra rriọba yan Izrẹl vbe ẹghẹ hia, zẹ vbe ne iran vbe ya mu aro yọ ne iran ye ekhọekekhọe gha mu uhi mwẹ sẹ.’

I Ọba 2:4 ပူးပေါင်းရင်းမြစ်များ

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

II Samuẹl 7:25

“Wanwanna nian, e Nọyaẹnmwa Osanobua, eyan ne u yan rẹn vbe ekpa mwẹ kevbe ẹgbẹe mwẹ, gie ẹe gha re ne u mu sẹ ke orre yasẹ orre, ne u vbe ru emwi ne u khare ighẹ u gha ru.

I Ọba 1:48

Ọ keghi kha wẹẹ, ‘Wa gie ima rho e Nọyaẹnmwa ne Osanobua Izrẹl, ne ọ gie ọkpa vbe uwu ivbi mwẹ rhie ihe mwẹ vbe ẹkete ẹdẹnẹrẹ na, ọ keghi vbe gun mwẹ tọ ne aro mwẹ sẹ ọe.’ ”

I Ọba 11:36

I gha sẹ ẹwae ọkpa rae ne ovbi e Solomọn ne a miẹn ehe na miẹn wẹ ẹ i mwẹ ovbi e Devid ne ọguọmwadia mwẹ ma gha khaemwisẹ vbe Jerusalẹm ne ẹvbo ne I mẹ zẹe kevbe ehe ne a na ga mwẹ.

I Ọba 3:14

A deghẹ u ghi vbe ya ẹmwẹ mwẹ ru emwi, u na rhie uhi kevbe ilele mwẹ mwẹ, zẹ vbene Devid ne erha a ru, I ghi rhie utọmwẹ ba ruẹ re.”

I Ọba 3:3

E Solomọn keghi ho ẹmwẹ e Nọyaẹnmwa ọ keghi vbe gha ru vbene Devid ne erha ẹe tama rẹn, sokpan ọ yevbe gbele aranmwẹ, ọ kevbe ye iran zọ ese vbe Ogiukpo ughughan.

I Ọba 6:12

“U gha ya uhi mwẹ hia ru emwi I gha ru emwi ne I ve Devid ne erha re hia ne uẹn.

I Ọba 8:23

Ọ na na erhunmwu wẹẹ, “E Nọyaẹnmwa, Osanobua Izrẹl, ọba ọkpa ne ọ yevbe ruẹ i rrọ vbe odukhunmwu vbe ẹrinmwi ra agbọn vbe ototọ! Te u ru vbene ile ne u ta ẹe khare, u ghi vbe gha mwẹ itohan ne ẹ i fiwerriẹ ghe emwa ruẹn ni ye ekhọe hia mu ẹmwẹ ruẹn sẹ.

I Ọba 8:25

Banbanna nian, e Nọyaẹnmwa Osanobua Izrẹl, I rinmwian wẹ ne u vbe mu eyan nọkpa sẹ, ne u yan ma erha mwẹ ighẹ Devid ẹkpo ne u na kha ma rẹn wẹẹ, ‘I gha rhie ne uẹn rhinrin ẹdẹ ọmọ ne ọ gha rhie ihe ruẹ zẹ vbe ọba Izrẹl adeghẹ avbe ivbi uẹ họn ẹmwẹ mẹ zẹ vbene u wẹ gha ru.’

I Ọba 9:5

I gha mu eyan nii sẹ, ne I ru ma e Devid ne erhaa vbe I tama rẹn wẹ uniẹn ivbi ẹre ọre ọ gha rriọba vbe Izrẹl ẹdẹ.

II Ọba 20:3

“E Nọyaẹnmwa, yerre, ekhọekekhọe mwẹ ọ re I ya ye ẹkoata gha gaa kevbe wẹ, ẹghẹ hia ọ re I ya gha hia ne I ru emwi ne u rhirhi a wẹ ne I ru.” Ọ keghi suẹn gha viẹ eve orriara.

II Ọba 23:25

A ma he ka miẹn ọba ne ọ ye vbe ọre, ọmwa ne ọ wa ye ekhọe ẹre hia, ẹko ẹre hia keghi ẹtin ẹnrẹn hia gha lele uhi e Nọyaẹnmwa, ne ọ viọ ne Mosis. A ma ghi vbe miẹn ọvbehe ke ẹghẹ nii gha dee.

II Ọba 23:3

Rẹn keghi mudia ye ọkpẹn orrẹ ọba, ọ na gu e Nọyaẹnmwa ta ile wẹ rẹn gha họn ẹmwẹ ne ẹẹn, kevbe ne ọ ya orhiọn kevbe ekhọe ẹre hia gha rhie uhi kevbe iyi ẹre mwẹ, kevbe ne ọ vbe gha ru zẹ vbe ne a mwamwa emwi ye otọ vbe uwu ile ne a gbẹnnẹ ye ebe ni. Emwa nii hia keghi yan wẹ iran gha rhie ile ni ya gha yin.

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

II Krọnikol 17:3

E Nọyan keghi fiangbe Jehosiafat rhunmwuda ọ kegha yin egbe uyinmwẹ ne erha ẹe kegha yin vbe ẹghẹ okaro, ọ ma vbe gho e Bal.

II Krọnikol 6:16

Banbanna nian, e Nọyaẹnmwa ne Osanobua Izrẹl, vbe mu eyan nọkpa ne u yan ma erha mwẹ sẹ vbe ne u na tama rẹn wẹ te a gha miẹn wẹ ọkpa vbe uwu ivbi uniẹn ọnrẹn ọ re ọ gha khaemwisẹ yan Izrẹl vbe ẹghẹ hia a dẹghe iran vbe lele uhi ruẹ zẹ vbene irẹn ru.

II Krọnikol 7:18

I gha mu eyan ne I yan ma erha a sẹ vbene I na tama rẹn wẹ usun uniẹn ivbi ẹre ọ re a gha na gha miẹn ne ọ khaemwisẹ yan Izrẹl ẹdẹdẹmwẹdẹ.

Psalm 119:9

Vbe igbama gha ya sẹtin ya uyimwẹ ọnrẹn khian nọgbae hẹ? Vbekpa ne ọ na ya uhi ruẹ ru emwi.

Psalm 37:22

Iran ne Nọyaẹnmwa fiangbe ọ re ọ yan otọe nii. Sokpan, a gha khulo iran ne ọ fi ẹre unu ladian.

Psalm 37:9

Iran ni mu ẹtin yan e Nọyaẹnmwa, ọ re ọ ra yan otọe ni, sokpan, a gha khulo avbe emwa dan ladian.

Psalm 39:1

Mẹ khare wẹẹ, “I gha ya ẹwaẹn gha ru emwi, mẹ i ra vbe gie aranmwẹ mwẹ ya mwẹ ru orukhọ mẹ i ra vbe guan ẹmwẹ rhọkpa vbe avbe emwa dan ra sikẹ mwẹ.”

Jerimaia 33:17

Mẹ ne Nọyaẹnmwa yanrẹn wẹ te a gha miẹn ivbi uniẹn Devid ne ọ gha rriọba rhinrin vbe Izrẹl.

Levitikọs 26:3

“Deghẹ wa rhie owẹ lele uhi mwẹ wa na vbe gha ya ilele mwẹ ru emwi.

Zẹkaraia 14:2

E Nọyaẹnmwa gha si avbe uhunmwu ẹvbo hia kugbe ne iran do gu e Jerusalẹm gbinna. A gha khọn mu ẹvbo nii, a gha fu emwi ni rre owa vbọ viọ. A gha mu avbe ikhuo ni rrọ yagha. A gha wa ẹvbo nii ye ihe eva, obọkpa vbọ gha yo iwe, sokpan, a i ra viọ iran ni ghi dekẹe hin ore ẹvbo rre.

Matiu 22:37

Jesu wanniẹn wẹẹ, “ ‘Ye ekhọe ruẹ hia, orhiọn ruẹn hia, otọe ẹko ruẹ hia, kevbe ẹtin ruẹn hia ho ẹmwẹ Nọyan ruẹn Osanobua ruẹ.’

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Diuteronomi 10:12

“Banbanna nian, wa ne ivbi Izrẹl wa danmwẹ ehọ emwi ne Osanobua nọ rẹn vbe obọ uwa. Wa gha ye ekhọe uwa kevbe orhiọn uwa hia ho ẹmwẹ ọnrẹn, ne uwa vbe ya ẹe ga ẹe.

Diuteronomi 11:13

“Rhunmwuda onii nian, wa ghi gha ya uhi ne I gbe ne uwa ẹrẹna gha ru emwi, onii nọ wẹ ne uwa gha ya ekhọe uwa hia ho ẹmwẹ Nọyaẹnmwa Osanobua rua kevbe ne uwa vbe ga ẹe vbe orhiọn ruan hia kevbe ẹko rua hia.

Diuteronomi 6:5

Ye ekhọe ruẹ hia ho ẹmwẹ Nọyaẹnmwa Osanobua ruẹ, kevbe orhiọn ruẹn hia kevbe ẹtin ruẹn hia.

Diuteronomi 7:12

“Deghẹ wa gha rhie ehọ ye avbe uhi na, wa na gha ya iran ru emwi vbe ọghe ẹmwata, e Nọyaẹnmwa Osanobua gha mwẹ ahoẹmwọmwa ne ẹ i fafaa ghe uwa zẹ vbene ọ yan ma avbe erha uwa odede.

Ebe ne Jud gbẹẹn 1:24

Rọẹn ni ne ọ gha sẹtin da uwa yi ne uwa ghẹ de, ne ọ gha viọ uwa mudia vbe odaro uyi ẹre, zẹ vbe emwa ne ẹ i mwẹ ozan, kevbe ne ọ sẹ ọyẹnmwẹ.