Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I Ọba 2:3 - Edo Bible (E Baibol Ẹdo) Version 1996

3 ne u gha ru avbe emwi ne Nọyaẹnmwa ne Osanobua ruẹ tama ruẹn ne u ru. U ghi gha ya uhi ẹre kevbe ilele ẹre ru emwi zẹ vbe ne a gbẹnnẹ ọẹn ye uhi e Mosis ne emwi hia ne u ru miẹn ehe na gha dinna odẹ nuẹn vbe ehe ne u rhirhi mu uhunmwu da.

အခန်းကိုကြည့်ပါ။ ကော်ပီ




I Ọba 2:3
33 ပူးပေါင်းရင်းမြစ်များ  

Ọ keghi bu agọ ivbiyokuo lele Idọm hia, emwa ni rrọọ kegha ga gie ẹe. E Nọyaẹnmwa keghi gie Devid gha khọnmiotọ vbe he hia.


Ọ keghi bu agọ ivbiyokuo ye iran ẹvbo, iran keghi khian eguọmwadia ẹre, iran na gha ga gie ẹe. E Nọyaẹnmwa kegha rhie akhọnmiotọ ne Devid vbe ehe hia.


E Solomọn keghi ho ẹmwẹ e Nọyaẹnmwa ọ keghi vbe gha ru vbene Devid ne erha ẹe tama rẹn, sokpan ọ yevbe gbele aranmwẹ, ọ kevbe ye iran zọ ese vbe Ogiukpo ughughan.


Ẹre Nọyaẹnmwa na yaba ẹre, emwi hia ne ọ ru kegha dinna odẹ. Ọ keghi sọtẹ ọba nọkhua ọghe Asiria, ọ na wẹ rẹn I ga gie ẹe.


Rhie ekhọe ne ọ mu egbe vbe ẹghẹ hia ne ọ ya ru vbene iyi ruẹ khare ne Solomọn ne ovbi mwẹ, ne ọ bọ Ọgua Osa na ne I rhọ emwi ẹnrẹn ye otọ na.”


Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.


Ilele ne u mu ye otọ, ọ kere, ọ vbe gba.


Afiangbe ọrọre ọghe iran ni lele iyi ẹre ni họn ẹmwẹ ne ẹẹn kekhọekekhọe.


Te uhi e Nọyaẹnmwa wa gba te ọ rhie ẹtin ọgbọn ye ọmwa iwu. Iyi e Nọyaẹnmwa gia mu ẹtin yan, te ọ rhie ẹwaẹn ne iran ne ẹi te mwẹ.


Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.


Wa ghi wa gha rre onurho Owa Ukpọn ile nii asọn kevbe avan la ikpẹdẹ ihinrọn, wa ghi gha ru vbene Nọyaẹnmwa khare, deghẹ wa ma ru vberriọ, wa gha wulo.” Emwi ne Nọyaẹnmwa tama mwẹ ọre ọna khin.


Wa ye emwi ne Mosis ne ọguọmwadia mwẹ ma uwa ẹre rre. Avbe uhi kevbe ilele ne I viọ ne ẹẹn vbe Oke Sainai, ne ivbi Izrẹl hia gha ya ẹe ru emwi.


Ma keghi mu otọe iran, ma na ghae ẹre ne ẹwae Riubẹn kevbe Gad kevbe obọkpa vbe ẹwae Manasẹ.


Wa ya ẹkoata gha ya ẹmwẹ ile na ru emwi, ne emwi hia ne uwa ru miẹn ehe na gha dinna odẹ ne uwa.


Ẹre Mosis na tama emwa nii wẹẹ, “Wa gha mu uhi hia ne I rhie ne uwa sẹ, wa gha rre agbọn, wa ghi vbe yin otọe nii ne Nọyaẹnmwa ne Osanobua avbe erha uwa odede ra mu ne uwa.


Ọ keghi viọ avbe uhi na ma ima vbe iran lahin Igipt rre nẹ vbe iran rre odẹ ahọ Ẹzẹ Jọdan vbe iya ne ọ mu aro da ẹvbo Betpeọ, otọe Saihọn ne ọba ivbi Amọri ọ re ọna ye, Hesbọn ọ re ọ ke gha khaemwisẹ rre. E Mosis kevbe ivbi Izrẹl keghi khọn miẹn ẹre otọ vbe iran ke Igipt ladian nẹ.


“I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.


Agbọn ẹvbo ọvbehe i rrọ, vbe ọ khọnrẹn wẹ ne iran kpọlọ sẹ, ne ọ mwẹ uhi ne ọ gbae ne ọ yevbe egbe ne I ma uwa ẹre ẹrẹna.


E Mosis keghi tie ivbi Izrẹl hia si koko, ọ tama iran wẹẹ, “Wa ne ivbi Izrẹl, wa danmwẹ ehọ uhi hia ne I ra viọ ne uwa ẹrẹna. Wa ruẹ iran ne uwa vbe miẹn wẹ wa ya iran gha ru emwi.


Wa gia miẹn wẹ wa ru zẹ vbe uhi kevbe iyi ne Mosis ne ọguọmwadia e Nọyaẹnmwa viọ ne uwa, wa gha ho ẹmwẹ e Nọyaẹnmwa Osanobua rua, wa gha ru iho ẹre, wa gha ya uhi ẹre ru emwi, wa giee gba ẹko uwa, wa ye ekhọe uwa hia kevbe orhiọn uwa hia ga ẹe.”


Rhunmwuda ọnii, wa gia miẹn wẹ wa họn ẹmwẹ, wa keghi vbe ya emwi hia ne a gbẹnnẹ ye ebe uhi e Mosis ru emwi. Wa ghẹ zẹ kọ vbọ hiehiere.


ọ na gha ru rho obọ vbe emwi ne ọ ru hia rhunmwuda, e Nọyaẹnmwa rrọọ yaba ẹre.


Ivbi iyokuo e Filistin ghi gha mu okuo rre, sokpan, ẹghẹ nii hia ọ re a ya miẹn wẹ obọ e Devid ọ re ọ da otọ sẹ ivbi iyokuo e Sọl nekpa hia. Rẹn keghi do dọlegbe gha hin usi yọ.


E Devid keghi wa gha ru rho obọ vbe uhunmwu hia ne Sọl gie ẹre re, e Sọl keghi rhunmwuda onii ya ẹe ru ọkaolotu vbe ivbiyokuo ẹre. Ọna keghi wa yẹ emwa e Sọl kevbe avbe ọkaolotu ẹre hia.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ