I Ọba 11:3 - Edo Bible (E Baibol Ẹdo) Version 1996

³ E Solomọn keghi viọ ikhuo ni re ivbiọba iyisẹn yan arria eha (700) rọnmwẹ. Ọ keghi vbe zẹlẹ ọse iyisẹn yan uri (300). Iran keghi ya ẹe fi iyeke gbe Osanobua,

I Ọba 11:3 ပူးပေါင်းရင်းမြစ်များ

Asan-Ibo 7:28

I ye vbe gualọ avbe ewanniẹn ọvbehe, sokpan, I ma ghi miẹn. I miẹn okpia okpa vbe uwu ikpia arriaisẹn ne I gha ya ọghọ na, sokpan, I ma zẹdẹ miẹn vbe ikhuo hiehiere.

II Krọnikol 11:21

Inu ikhuo ne Rehoboam gha mwẹ hia kegha re evairrọvbugie ọ keghi vbe zẹlẹ ọse iyeha, ọ keghi biẹlẹ emọ ikpia evairrọvbe ọgban kevbe emọ ikhuo iyeha. Ikhuo ne ọ viọ ye owa kevbe avbe ọse ne ọ zẹlẹ ye ore, Maaka ọre ọ gha re amwebọ ne ọ rrọọ.

Giọgis 9:5

Ọ kegha rrie owa erha ẹe vbe Ọfra ọ keghi wa gbele ivbi erha ẹe ighẹ Gidiọn ne ekigbesiyenẹ ni vbe uhunmwu okuta ọkpa kẹkan. Sokpan e Jotam ne ọre ọmọ okpia ọkotọ ọghe Jerubal keghi lẹ re, a ma gbe ẹe rua.

Diuteronomi 17:17

Ọba ghẹ viọ ikhuo ni bun, ọna gha ya ẹe fi iyeke gbe Nọyaẹnmwa, ọ ghẹ ya esiliva kevbe igoru họn ẹfe ne egbe ẹre.

Ihuan Ne Ọ Sọọ Ihuan Hia 6:8

Wa gie ọba gha mwẹ oloi iyeha, kevbe egbakhian iyenẹ, deba avbe uvbi ne a i sẹtin ka.

Ihuan Ne Ọ Sọọ Ihuan Hia 6:9

Sokpan okpa kẹkan ọ re ọ yẹ mwẹ vbọ, te ọ wa ye mose mose vbe idu. Ukpọmọkpa ọ re ọ khin iye ẹe re, ọmọ ne iye ẹe ho ẹmwẹ ọnrẹn sẹ, ikhuo ghi gha ghe ẹre, iran ghi gha tian ẹnrẹn. Avbe Iloi kevbe avbe egbakhian ghi gha go wan rẹn.

Giọgis 3:6

Iran keghi gba gha viọ ivbi egbe rọnmwẹ, iran kevbe gha gho ẹbọ iran.

Ẹsta 1:18

Avbe amwẹ ekhaẹmwẹ ọba ni rre Pẹsia kevbe Midia gha miẹn emwi yae gha kpe ọdafẹn iran ofi banbanna. A i ghi miẹn okhuo ne ọ ghi ra gha ya ọghọ ne ọdọ ẹre ọvbehe, avbe ọdọ ghi do gha mu ohu amwẹ iran.

Asan-Ibo 2:8

I keghi vbe sii esiliva kevbe igoru gboo kevbe avbe otọe ni ga gunmwẹ gha dee. Ikpia kevbe ikhuo kegha so ihuan yọmwẹ ehọ, I keghi vbe gha mwẹ ikhuo sẹẹ vbene ọmwaikọmwa gha sẹtin mwẹ sẹ.