I Ọba 10:3 - Edo Bible (E Baibol Ẹdo) Version 1996

³ Rẹn keghi rhie ewanniẹn ye ọre ehia; a ma miẹn emwi ọkpa ne ọ lọghọ gbe ne ọ ma gie ẹe rhie ewanniẹn yi ne ẹẹn.

I Ọba 10:3 ပူးပေါင်းရင်းမြစ်များ

II Samuẹl 14:17

I keghi tama egbe mwẹ wẹ, eyan ne uwẹ yan rẹn gha degue mwẹ, enọwanrẹn, rhunmwuda te ọba ye vbe odibo Osanobua, ọ vbe rẹn emwi ne ọ maa, hin ne ẹ i maa rre. Te Nọyaẹnmwa ne Osanobua ruẹ gha yaba ruẹ!”

II Samuẹl 14:20

Sokpan te ọ ru ẹe ne ọ ya dọlọ ẹmwẹ na hia yi. Te u ye vbe odibo Osanobua Umogun, u kevbe rẹn otọ emwi hia, ni sunu.”

I Ọba 10:1

Ọba okhuo e Siẹba keghi họn otiti e Solomọn, ọ na gha rrie Jerusalẹm ne ọ mu ibo gie ẹe san.

I Ọba 10:2

Ọ keghi rre ke irẹn kevbe eguọmwadia ni bun, deba avbe ekẹtẹkẹtẹ ne a kun emwi ni winhin yan, kevbe igoru ọrhẹnrhẹn. Iran ghi vba egbe, okhuo nii keghi nọ rẹn ọta ni bun ni lọghọ ne ọ ghi ye rre hia.

I Ọba 10:4

Ẹmwẹ ẹwaẹn ẹnrẹn nọkhua keghi wa la okhuo nii aro, deba ẹguae ne ọ bọe,

I Ọba 3:12

I gha rhie emwi ne u nọ rẹn ne uẹn. I gha rhie ẹwaẹn kevbe irẹnmwi ne uẹn sẹ emwa hia ni ke aro nuẹn kevbe ni gha vbe rre vbe iyeke ruẹ.

II Krọnikol 9:2

Rẹn keghi wa rhie ewanniẹn ye ehia. Emwi rhọkpa ne ọ lọghọ gbe ne a rhie ewanniẹn yi ma vbe zẹdẹ gha rrọ ne ẹẹn.

Itan 13:20

Gha gu umẹwaẹn mu obọ, wẹ gha vbe do khian umẹwaẹn. Adeghẹ u gu avbe akpa gha ru ọse, ọnii ọ re ọwuẹ fo.

Aizaia 42:16

“I gha viọ avbe emwa mwẹ ni rhu aro la odẹ ne iran ma he la ẹdẹ. I ghi ya ebiebi iran khian uwanmwẹ I ghi ya ẹvbo ne kpannọkpannọ khian ne kpẹghẹ ne iran. E yan ne I yanrẹn ọ re ena khin. Emwi okpa ne ọ gha wẹ ne I ghẹ mu ẹẹn sẹ i rrọ.

Matiu 13:11

Jesu wanniẹn tama iran wẹẹ, “Wa na ọre a ta ẹmwẹ oro Arriọba Osanobua ma ighẹ ẹ i re iran ni.

Iyẹn ne ọ Maan Ọghe Jọn 7:17

Ọmwaikọmwa ne ọ ho ne irẹn ru vbene Osanobua ho gha rẹn deghẹ emwi ne I ma emwa ẹre obọ Osanobua ọre ọ ke rre ra ẹmwẹ obọ mwẹ ọre I zẹ ta.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

Kọlose 2:3

Rẹn ọrọre isahẹn ne ọ sẹtin kie aza emwi ighobioye ne a viọ lẹre hia, ọghe irẹnmwi kevbe ẹwaẹn Osanobua.