I Krọnikol 9:4 - Edo Bible (E Baibol Ẹdo) Version 1996

^4-6 Ẹgbẹe uri eha vbe igbe ihinrin (690) vbe ẹwae e Juda keghi gha rre Jerusalẹm ivbi uniẹn Pẹrẹs ne ovbi e Juda, ọmwa ne ọ gha re ọkaolotu iran kegha re Utai ne ovbi Amihud kevbe eyẹ Ọmri. Usun avbe erha iran odede eso kegha re Imri kevbe Bani. Ivbi uniẹn e siela ne ovbi e Juda, ọmwa ne ọ gha re ọkaolotu iran kegha re Asaia, rẹn keghi re ọkaẹgbẹe ọghe ẹgbẹe irẹn. Ivbi uniẹn Zẹra ne ovbi e Juda, ọmwa ne ọ gha re olotu iran kegha re Jeuẹl.

I Krọnikol 9:4 ပူးပေါင်းရင်းမြစ်များ

Gẹnẹsis 46:12

Ivbi e Juda kegha re, Siẹla, Pẹrẹs kevbe Zẹra (sokpan Kenan ọ re Eri kevbe Onan na wulo). Ivbi e Pẹrẹs kegha re Hẹzrọn kevbe Hamul.

I Krọnikol 2:5

E Pẹrẹs kevbe gha mwẹ emọ ikpia eva, ena ọre Hẹzrọn kevbe Hamul.

I Krọnikol 4:1

Eso vbe uwu ivbi uniẹn e Juda ọ re ena khin, e Pẹrẹs, e Hẹzrọn, e Kami, Họ kevbe Siobal.

Nehimaia 11:4

Ivbi uniẹn ẹwae Juda: Ataia ne ovbi Uzaia, ne ọ vbe re eyẹ e Zẹkaraia. Usun avbe erha ẹe odede nekpa ọ re iran vbe ye ighẹ Amaraia, e Siefatia kevbe Mahalalẹ ni re ivbi uniẹn e Pẹrẹs ne ovbi e Juda.

Nehimaia 11:6

Iran ni yin e Jerusalẹm vbe ivbi uniẹn e Pẹrẹs kegha re erẹnrẹn yan iyeha yan arria eva (468).

Nehimaia 8:7

Iyekọni, iran keghi kpaegbe, iran na mudia ye ihẹ iran, avbe Livai keghi rhan otọ nene Uhi ma iran: e Jesua, e Bani, e Siẹrebia, e Jamin, Akub, e Siabetai, e Hodaia, e Maaseia, e Kelita, Azaraia, e Jozabad, e Hanan, kevbe Pelaia.