I Krọnikol 6:3 - Edo Bible (E Baibol Ẹdo) Version 1996

³ Amram kegha mwẹ emọ ikpia eva, ena ọ re Errọn kevbe Mosis, kevbe ọmọ okhuo ọkpa ne a tie ẹre Miriam. Errọn kegha mwẹ emọ ikpia enẹ, ena ọre Nadab, Abihu, Eliaza kevbe Itama.

I Krọnikol 6:3 ပူးပေါင်းရင်းမြစ်များ

I Krọnikol 15:10

Aminadab keghi viọ arhin iweva yan iyisẹn (112) mwẹ obọ ke uniẹn Uziẹl gha dee.

I Krọnikol 23:12

E Kohat kegha mwẹ emọ ikpia enẹ, ena ọ re Amram, Izia, e Hibrọn kevbe Uziẹl.

I Krọnikol 23:13

Ovbi ẹre ne ọdiọn ighẹ Amram ọrọre erha Errọn kevbe Mosis. (A keghi viọ Errọn kevbe uniẹn ọnrẹn ye obọkpa ne iran gha gbearoghe avbe emwi ni huanrẹn ẹdẹdẹmwẹdẹ, ne iran gha giẹn eturari, vbe ugamwẹ e Nọyaẹnmwa, ne iran gha ga ẹe, kevbe ne iran vbe gha ya eni e Nọyaẹnmwa fiangbe emwa ni.

I Krọnikol 24:22

E Jahat, ovbi uniẹn Izia vbe obọ ọghe Sielomit;

I Krọnikol 6:2

E Kohat kegha mwẹ emọ ikpia enẹ, ena kegha re Amram, Izia, e Hibrọn kevbe Uziẹl.

I Krọnikol 6:4

Ivbi uniẹn Eliaza ke egbe orre ọkpa ya sẹ ọvbehe ọ re ena khin: e Finihaz, Abisiua,

Ẹksọdọs 15:20

E Miriam ne akhasẹ ne okhuo, ọtẹn Errọn ne okhuo keghi rhie ukusẹ, avbe ikhuo na vẹ lele ẹe gha kpe isẹ khian, iran kevbe gha kuu.

Ẹksọdọs 2:4

Ọtiọnrẹn ne okhuo keghi ya mudia ye urria ne ọ miẹn ehe na miẹn emwi ne ọ gha sunu vbe egbe ẹre.

Ẹksọdọs 2:7

Ọtiọnrẹn ne okhuo keghi nọ rẹn wẹẹ, “Ne I ya tie okhuo ọkokọmọ vbe uwu emwa Hibru guẹ ra ne ọ koko ọmọ na nuẹn?”

Ẹksọdọs 24:1

E Nọyaẹnmwa keghi tama e Mosis nẹ wẹẹ, “Bu mwẹ gha die uhunmwu oke, ke uwẹ kevbe Errọn, e Nadab, Abihu kevbe ediọn ekigbe siyenẹ vbe ivbi Izrẹl, ne uwa ya uhunmwu rhanmwẹ otọ vbe urria, ne uwa ga mwẹ.

Ẹksọdọs 28:1

“Tama iran ne iran viọ ọtuẹn ighẹ Errọn kevbe avbe ivbi ẹre e Nadab, Abihu, Eliaza kevbe Itama ke uwu ẹbu emwa Izrẹl ladian gha dee ne iran do gha ga mwẹ zẹ vbe avbe ohẹn.

Ẹksọdọs 6:20

Amram keghi rhie Jokebẹd ne ovbiye erhae rọnmwẹ. Rẹn ọre ọ biẹlẹ Mosis kevbe Errọn nẹẹn. Ukpo eha irrọvbe ikiọkhọe (137) ọre Amram yae vbe agbọn.

Ẹksọdọs 6:23

Errọn keghi rhie Ẹlisiẹba ne ovbi Aminadab ne ọtẹn Nasiọn rọnmwẹ; ọ keghi biẹlẹ Nadab, Abihu, Eliaza kevbe Tama nẹẹn.

Levitikọs 10:1

Ivbi Errọn ighẹ Nadab kevbe Abihu keghi viọ ọkpan erhẹn iran, iran gua ugiọnmwẹ erhẹn yọ, iran keghi zẹ eturari yọ, iran na mu gie Nọyaẹnmwa.

Levitikọs 10:12

E Mosis keghi khama Errọn ke ẹe kevbe ivbi ẹre eva ni dekẹe, Eliaza kevbe Itama wẹẹ, “Wa rhie ne ọ dekẹ rre vbe uwu izọhẹ ọka ọghe evbare ne a rhie gie Nọyaẹnmwa ne uwa ru ebrẹd ne ọma hue, ne uwa rri ọe vbe ọkpẹn aka rhunmwuda izọhẹ na, ne ọ huansẹ wa nọ.

Levitikọs 10:16

E Mosis keghi nọ ẹmwẹ ẹwe ne a ya zọ ese ye orukhọ, ọ keghi miẹn wẹ a giẹn ọnrẹn uan nẹ. Ọna keghi gie ohu Eliaza kevbe Itama ni ghi kẹe vbe ivbi Errọn mu ẹẹn, ọ keghi nọ wẹẹ,

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.