I Krọnikol 5:8 - Edo Bible (E Baibol Ẹdo) Version 1996

⁸ Bẹla ne ovbi Azaz kevbe eyẹ e Siẹma ne uniẹn e Joẹl. Ewae na, ẹvbo Aroa ọ re iran yinrin kevbe otọe ne ọ ke evba laghe odẹ okuọ ọghe Nebo kevbe Baal Meon.

I Krọnikol 5:8 ပူးပေါင်းရင်းမြစ်များ

I Krọnikol 5:4

Ivbi uniẹn e Joẹl ke orre ọkpa ya sẹ ọvbehe ọ re ena khin, e Siemaia, e Gọg, e Siimei, e Maika, e Reaia, e Baal kevbe Beera. E Tiglat Pailesa keghi mu Beera, ne ọ gha re ọkaolotu oghunmwu, ọ na mu ẹẹn gha rrie iwe.

Aizaia 15:2

Emwa ni rre ẹvbo ne a tie ẹre Dibọn hin uhunmwu oke ya gha viẹ vbe aro ẹbọ. Ivbi e Moab gha viẹ, iran gha vbe khiẹ avbe ẹvbo ne a tie ẹre Nebo kevbe Mẹdeba. Iran khiokhio eto kevbe ẹtu iran muotọ ba ẹmwẹ akhiẹ na.

Aizaia 17:2

Emwa gha lẹkua hin avbe okpẹvbo e Siria rre ẹdẹdẹmwẹdẹ. Iran gha khian ehe ne ohuan kevbe ẹmila na rria, ọmwa ne ọ gha vbe khulo iran hin evba rre i rrọọ.

Ezikiẹl 25:9

I gha ru ẹe ne emwa mu okuo gha rrie avbe ẹvbo ni gbinna ne Moab vbe ehe ne otọ ẹvbo iran lae, ya sẹ egbe avbe ẹvbo ni mose sẹ avbe Bẹt-Jesimot e Bal-Miọn kevbe kirriatam.

Nọmbas 32:34

Ẹwae ọghe Gad keghi dọlegbe bọlọ avbe ẹvbo ne a gbe odin khinkhian ighẹ Dibọn.

Nọmbas 32:38

Nebo, Bal Miọn (te a fi eni na werriẹ) kevbe Sibma. Iran munọ eni ughughan ne ẹvbo ne iran dọlegbe bọlọ.

Diuteronomi 32:49

“Gha rrie Oke ọghe Abarim ne ọ rre otọ Moab vbe ehe ne ọ mu aro da Jẹriko. Mu Oke Nebo hin ne u ghe otọe Kenan ne I ra mu ne ivbi Izrẹl ban.

Diuteronomi 34:1

E Mosis keghi ke otọe ne ọ rriẹe ọghe Moab gha rrie oke Nebo vbe uhunmwu Oke Pisga vbe odẹ ọghe Jẹriko, evba e Nọyaẹnmwa na rhie otọe Kenan hia ma rẹn: otọe Giliad rhinrin ya sẹ Dan vbe odẹ okun.

Jọsua 12:2

Saihọn ọba avbe ivbi Amọri ne ọ gha rre Heshọn, otọ arriọba ẹre keghi ke Aroẹ vbe ọkpẹn Iya ọghe Anọn, kevbe ke adesẹneva iya ni kpao, rhinrin ya sẹ Ẹzẹ Jabọk, ehe ne otọ Ammọn sẹe (ena kegha re vbe a wa otọe Gilian ye ihe eva).

Jọsua 13:17

E Hesbọn vbe rrọọ kevbe avbe ẹvbo hia ni rre otọe ne ọ rriẹe nii, avbe Dibọn, Bamot, Baal, Bẹt Baalmiọn.