I Krọnikol 5:2 - Edo Bible (E Baibol Ẹdo) Version 1996

² Sokpan, ọ rhe ye vberriọ, ẹwae Juda ọ re ọ do wegbe sẹ, ọ na biẹ enọ khaemwisẹ ne ẹwae ni hia.)

I Krọnikol 5:2 ပူးပေါင်းရင်းမြစ်များ

Gẹnẹsis 25:31

Sokpan Jekọb keghi wanniẹn wẹẹ, “I gha fian nuẹn a deghẹ u mu ukpo ọmọdiọn ruẹn mẹ.”

Gẹnẹsis 35:23

Ọghe Lia ni rrọọ kegha re Riubẹn (ne ọre ovbi Jekọb nọdiọn), Simiọn, Livai, Juda, Isaka kevbe Zẹbulọn.

Gẹnẹsis 48:5

E Josẹf, emọ ikpia eva ne iran biẹlẹ nuẹn vbe Igipt na vbe I te rre, ọghomwẹ iran vbe khin. Zẹ vbene Riubẹn kevbe Simiọn re ọghomwẹ, erriọ zẹ ọre Ifreim kevbe Manasẹ gha vbe re ọghomwẹ.

Gẹnẹsis 49:26

A fiangbe ọghe ọka kevbe obobo afiangbe ọghe avbe oke nẹdẹdẹ emwi ose ọghe avbe oke etẹbitẹghori te ehia gha mudia vbe uhunmwu e Josẹf ye uharo ọmwa ne a zẹ ọre ughaẹn, vbe ẹbu avbe etiọnrẹn nikpia.

II Samuẹl 8:15

E Devid kegha khaemwisẹ yan Izrẹl hia, ọ keghi gie a miẹn wẹ uyinmwẹ ẹmwata ne ọ gbae ọre a yin ghe emwa hia.

I Krọnikol 28:4

E Nọyaẹnmwa ne ọ re Osanobua Izrẹl keghi zẹ mwẹ kevbe ivbi uniẹn mwẹ ne a gha khaemwisẹ yan Izrẹl ẹdẹdẹmwẹdẹ, ọ keghi zẹ ẹwae Juda ne iran gha rhie ọkaolotu ladian rre, ọ keghi zẹ ẹgbẹe erha mwẹ vbe Juda. Ọ kevbe ye ọre ne ọ zẹ mwẹ vbe uwu ẹgbẹe ni hia ne ọ ya mwẹ rriọba Izrẹl hia.

Psalm 108:8

Mẹ ọre ọ yan Giliad, erriọ Manasẹ vbe ye, Ifreim ọrọre ẹrhu mwẹ, e Juda ọrọre ọkpọ ọba mwẹ,

Psalm 60:7

Ọghomwẹ ọre Giliad khin, kevbe Manasẹ ba ẹre. Ifreim ọrọre ẹrhu mwẹ, e Juda ọrọre ọkpọ ọba mwẹ.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Nọmbas 2:3

“Vbe ọlarre ovẹn vbọ, iran ni rre oka ọghe Juda vbọ ghi bu agọ vbe otu otu, vbe ototọ avbe olotu iran vbenian.” Ẹwae Olotu Inu ẹvbo ni rrọọ E Juda Nasiọn ne ovbi Aminadab Uri eha yan ovbi arriaisẹn enẹ yan ekigbesiyenẹ (74,600) Isaaka Netanẹl ne ovbi Zua Uri eva yan arriaisẹn enẹ yan ekigbe siyeha (54,400) E Zebulọn Eliab ovbi Hẹlọn ne eva yan arriaisẹn eha irrọ vbe iyeha (57,400) Ehia kegha re uri eva yan arriaisẹn iwenẹ irrọ vbe uri (186,400) Ọka ọghe Juda ọre ọ gha ke odaro.

Nọmbas 7:12

Vbene iran ya gha viọ emwi ihaoko iran rre ọsegbe ọsegbe ọre ọna khin. Ikpẹdẹ Ẹwae Olotu Ne okaro E Juda E Nasiọn ne ovbi Aminadab Ne ogieva Isaaka E Netanẹl ne ovbi Zua Ne ogieha E Zẹbulọn Eliab ne ovbi Hẹlọn Ne ogienẹ E Riubẹn Elizọ ne ovbi Siediọ Ne ogisẹn E Simiọn E Sielumiẹl ne ovbi Zurisiadai Ne ogiehan E Gad Eliisaf ne ovbi Deuẹl Ne ogihinrọn Ifreim Ẹlisiama ne ovbi Amihud Ne ogierẹnrẹn E Manasẹ E Gamaliẹl ne ovbi Pẹdazọ Ne ogihinrin E Bẹnjamin Abidan ne ovbi Gidiọn Ne ogigbe E Dan Ahieza ne ovbi Amisiadai Ne ogiowọrọ Asia E Pagiẹl ne ovbi Okran Ne ogiweva E Naftali Ahira ne ovbi Enan Emwi ihaoko ne iran viọ rre kegha rre abọkpa: ọkpan esiliva ne ọ re uwan nekherhe ekigbesiyeha kevbe ọkpan ne wẹwẹrhẹ ọghe esiliva ne ọ re uwan nekherhe ọgban, zẹ vbe ọmwa ne agbọn hia ya mwa emwi; eva na, a ghi ya irhuarhua ne a ya ofigbọn oliv gbe vuọn rẹn ne a ya zọ ese ọghe ọka. Ọkpan nekherhe ọghe igoru ne ọ re uwan nekherhe enẹ, a keghi ya eturari vuọn rẹn, ovbi ekhuia ẹmila ọkpa, ogho ọkpa, kevbe ovbi ohuan ọkpa ne ọ he rre ukpo ọkpa ne a ya zọ ese na giẹn uan, ẹwe ọkpa ne a ya zọ ese orukhọ kevbe ẹkhuia ẹmila eva, ogho isẹn, ẹwe isen, ke ivbi ohuan ni he rre ukpo ọkpa isẹn ne a ya sisara.

Matiu 2:6

“ ‘Bẹtlẹhẹm ne ọ rre Judia, wẹ i re ne ọ kanmwa sẹ, vbe ẹbu ẹvbo iriegie Judia Rhunmwuda, odọ ọwuẹ ọre ọkaolotu gha ke ladian rre ne ọ do ru arọndẹ ne Izrẹl, emwa mwẹ.’ ”

Ebe ne Pọl gbẹẹn gie emwa Rom 8:29

Rhunmwuda avbe iran ne Osanobua hannọ zẹ nẹ, ọre irẹn vbe viọ ye efọnkpa ne iran do ye vbe Ovbi ẹre, ne Ọmọ miẹn ehe na do gha re okaro vbe uwu ẹbu etẹn ni bun.

Diuteronomi 21:17

“Ukhukhu eva ọghe emwi ẹnrẹn ọ re ọ gha viọ ne ọmọ ọdiọn nii, a gha rhe miẹn wẹ ẹ i re ovbi amwebọ ẹre nọ. Ọ kere ne ọmwa rẹn ovbi ẹre ne ọdiọn ye ọmọ ọdiọn, ne ọ vbe gha emwi ne ọ khẹ ke ẹe ne ẹẹn zẹ vbene uhi khare.

Diuteronomi 33:17

Ẹtin ekhuia ẹmila ọ re Josẹf ghaa mwẹ, ke igho ọghe ede. Avbe igho ẹre kegha re inu arriaisẹn ne ọ khin ọghe Manasẹ kevbe arriaisẹn igbe ọghe Ifreim, igho ni ọ re ọ ya solo avbe uhunmwu ẹvbo, ọ ghi sua iran gha rrie odẹ ufomwẹ agbọn.”

Hibru 7:14

Agbọn hia rẹnrẹn ighẹ uniẹn Juda rẹn la rre. Mosis ma ye unu kan uniẹn na vbe ẹghẹ ne ọ na gha ta ẹmwẹ avbe ohẹn.

Jọsua 14:6

Ivbi ẹwae Juda keghi bu e Jọsua gha dee vbe Gilgal, e Kelẹb ne ovbi Jefunẹ ne ovbi e Keniz keghi tama rẹn wẹẹ, “U ye rre ẹmwẹ ne Nọyaẹnmwa tama Mosis ne ọmwa Osanobua vbe ekpa imẹ vbe ruẹ vbe Kedẹs Bania.

Arhie Maan 5:5

Ẹghẹ nii ọre ọkpa vbe uwu avbe ediọn nii na khama mwẹ wẹ, “Ghẹ ghi viẹ! Ghe oduma ne ọ ke uniẹn Juda rre, ọmọ nọkhua ne ovbi uniẹn Devid, khọn miotọ nẹ, ọ gha rhan emwi ne a ya gha ẹe ihinrọn nii, ọ ghi vbe rhan ebe nii, ne a kiri.”

Giọgis 1:2

E Nọyaẹnmwa keghi wanniẹn wẹẹ, “Ivbi e Juda ọ re ọ gha ka gha khian. Mẹ gha rhie otọe nii ne iran, ne iran gha khaemwisẹ yan iran.”

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 16:10

Erriọ ọre Jese ya viọ ihinrọn vbe uwu avbe ivbi ẹre bu e Samuẹl rre. E Samuẹl tama rẹn wẹẹ, “Ne Nọyaẹnmwa zẹe i rre uwu iran na rhọkpa.”

I Samuẹl 16:12

Ẹre Jese na gie na a ya tie ẹre rre. Rẹn kegha re igbama ne ọ mose ẹsẹse kevbe ne egbe vbe rran, kevbe ne aro ẹre fi usanna. E Nọyaẹnmwa keghi tama e Samuẹl wẹẹ, “Ọna nọ, ma ẹre ọba!”