I Krọnikol 5:1 - Edo Bible (E Baibol Ẹdo) Version 1996

¹ Ivbi uniẹn e Riubẹn ighẹ ovbi e Jekọb ne ọdiọn ọ re ena khin. (Rhunmwuda ne ọ na gu ọkpa vbe uwu avbe egbakhian erha ẹe ru emwi ọdọ vbe amwẹ, ọ keghi mu ehe ọghe emwi ni te khẹke ọmọdiọn fua, a na mu ne Josẹf.

I Krọnikol 5:1 ပူးပေါင်းရင်းမြစ်များ

Gẹnẹsis 25:23

E Nọyaẹnmwa keghi tama rẹn wẹẹ, “Iyaẹvbo eva ọre ọ rre uwẹ ẹko U gha biẹ arhien eva ni gu egbe suan Ọkpa gha wegbe sẹ nọkpa Nọdiọn ọre ọ gha re ọguọmwadia enekherhe.”

Gẹnẹsis 25:31

Sokpan Jekọb keghi wanniẹn wẹẹ, “I gha fian nuẹn a deghẹ u mu ukpo ọmọdiọn ruẹn mẹ.”

Gẹnẹsis 29:32

E Lia keghi hanmwa, ọ na biẹ ọmọ okpia ọ keghi kha wẹẹ, “E Nọyaẹnmwa rẹn ọlọghọmwa ne I mwẹ, te ọdọ mwẹ ghẹ ghi ho ẹmwẹ mwẹ nian”; ọ keghi he ẹre Riubẹn.

Gẹnẹsis 35:22

Ẹghẹ ne Jekọb na gha rre ẹvbo nii, e Riubẹn keghi gu e Bilha ne ọkpa vbe uwu egbakhian erhae ru emwi, e Jekọb ghi họn, ohu ke muẹn ẹsẹsẹmwẹse, emọ iweva ọre Jekọb biẹlẹe.

Gẹnẹsis 46:8

Ivbi e Jekọb ni lelẹe kpao gha rrie Igipt ọre ena khin. E Jekọb kẹe kevbe ivbi ẹre. Ovbi e Jekọb nọdiọn ighẹ Riubẹn,

Gẹnẹsis 48:5

E Josẹf, emọ ikpia eva ne iran biẹlẹ nuẹn vbe Igipt na vbe I te rre, ọghomwẹ iran vbe khin. Zẹ vbene Riubẹn kevbe Simiọn re ọghomwẹ, erriọ zẹ ọre Ifreim kevbe Manasẹ gha vbe re ọghomwẹ.

I Krọnikol 2:1

E Jekọb kegha mwẹ emọ iweva: e Riubẹn, e Simiọn, e Livai, e Juda, Isaka, e Zebulọn,

I Krọnikol 26:10

Usun emwa ni ke ẹgbẹe Merari rre ọ re ọ ye ighẹ Hosa, rẹn kegha mwẹ emọ ikpia isẹn ni re Simri (erhae keghi ya ẹe ru ọkaolotu, a gha rhe miẹn wẹ ẹ i re irẹn ọrọre ọdiọn.)

Ẹksọdọs 6:14

E Riubẹn ne ovbi e Jekọb ne ọdiọn biẹlẹ emọ enẹ, Hanọk, Palu, Hẹzrọn kevbe Kami, ena ọre erha odede uniẹn iran.

Levitikọs 18:8

Ghẹ yagha erha a vbene u gha na gu avbe amwẹ ọnrẹn nekpa ru emwi ọdọ vbe amwẹ.

Levitikọs 20:11

Ọmwa ne ọ gu amwẹ erha ẹe ru emwi ọdọ vbe amwẹ, te ọ yagha erha ẹe, a ghi gbele irẹn vbe okhuo nii uan. Obọ iran ọre emwi ne ọ gbele iran ke rre.

Nọmbas 1:5

A keghi hannọ avbe ekaẹvbo na ni vbe re olotu vbe ẹvbo iran, ne iran winna iwinna na. Ẹwae Ọka ẹvbo E Riubẹn Elizọ ne ovbi Siediọ E Simiọn E Sielumiẹl ne ovbi Zurisiadai E Juda Nasiọn ne ovbi Aminadab Isaaka Netanẹl ne ovbi Zua E Zebulọn Eliab ne ovbi Hẹlọn Ifreim Ẹlisiama ne ovbi Emihud E Manasẹ E Gamaliẹl ne ovbi Pẹdazọ E Bẹnjamin Abidan ne ovbi Gidiọn E Dan Ahieza ne ovbi Amisiadai Asia E Pagiẹl ne ovbi Okran E Gad Eliasaf ne ovbi Deuẹl E Naftali Ahira ne ovbi Enan

Nọmbas 16:1

E Kora ne ovbi Iza ne ẹwae Kohat ne e Livai, ohan ma zẹdẹ mu ẹẹn, ọ sọtẹ e Mosis, iran eha ni re ivbi ẹwae Riubẹn, Datan kevbe Abiram. ivbi e Eliab kevbe On ne ovbie Pẹlẹt keghi deba ẹre, arhin ekigbe siyeha yan uri (250) vbe uwu ọkaolotu ọghe ivbi Izrẹl keghi vbe yaba iran.

Nọmbas 26:5

Ẹwae ọghe Riubẹn (Riubẹn ọrọre ovbi e Jekọb nọdiọn); ẹwae ọghe Hanọk keghi Palu,

I Kọrinti 5:1

I họn ẹmwẹ uyinmwẹ alama oghẹ vbe obọ uwa, egbe ne ohan i gie avbe enigẹbọ danmwẹ ghe, rhunmwuda, a tama mwẹ wẹ arhin ọkpa rhie amwẹ erha ẹe rọnmwẹ.

Diuteronomi 21:17

“Ukhukhu eva ọghe emwi ẹnrẹn ọ re ọ gha viọ ne ọmọ ọdiọn nii, a gha rhe miẹn wẹ ẹ i re ovbi amwebọ ẹre nọ. Ọ kere ne ọmwa rẹn ovbi ẹre ne ọdiọn ye ọmọ ọdiọn, ne ọ vbe gha emwi ne ọ khẹ ke ẹe ne ẹẹn zẹ vbene uhi khare.

Diuteronomi 27:20

“ ‘Ihẹn Osanobua rre uhunmwu ọmwa ne ọ yagha erha ẹe vbe ekpa ne ọ na gu ne ọ rhirhi gha khin vbe uwu avbe amwẹ erha ẹe ru emwi ọdọ vbe amwẹ.’ “Emwa ni hia ghi kha wẹẹ, ‘Isẹ!’

Diuteronomi 33:17

Ẹtin ekhuia ẹmila ọ re Josẹf ghaa mwẹ, ke igho ọghe ede. Avbe igho ẹre kegha re inu arriaisẹn ne ọ khin ọghe Manasẹ kevbe arriaisẹn igbe ọghe Ifreim, igho ni ọ re ọ ya solo avbe uhunmwu ẹvbo, ọ ghi sua iran gha rrie odẹ ufomwẹ agbọn.”

Kọlose 1:15

Kristi ọrọre emwi ne ọ khọe ne a bẹghe ọghe Osanobua ne a i bẹghe, rẹn ọrọre Ọmọdiọn ọghọe ne ọ kpọlọ sẹ emwi ne a yi hia fẹẹrẹ.

Jọsua 14:6

Ivbi ẹwae Juda keghi bu e Jọsua gha dee vbe Gilgal, e Kelẹb ne ovbi Jefunẹ ne ovbi e Keniz keghi tama rẹn wẹẹ, “U ye rre ẹmwẹ ne Nọyaẹnmwa tama Mosis ne ọmwa Osanobua vbe ekpa imẹ vbe ruẹ vbe Kedẹs Bania.