I Krọnikol 4:9 - Edo Bible (E Baibol Ẹdo) Version 1996

⁹ Okpia ọkpa kegha rrọọ ne a tie ẹre Jabẹz, rẹn ọ re ọ vbe gha re ọmwa ne a ye ọghọ na sẹ vbe ẹgbẹe nii rhunmwuda ighẹ ubiẹmwẹ ọnrẹn wa lọghọ iye ẹe, ọ re ọ na he ẹre Jabẹz.

I Krọnikol 4:9 ပူးပေါင်းရင်းမြစ်များ

Gẹnẹsis 3:16

Rẹn keghi vbe tama okhuo nii wẹẹ, “I gha rhie ba ọlọghọmwa ruẹn vbe u a gha hanmwa, ke obalọ ruẹ vbe ẹghẹ ubiẹmwẹ. Sevba, te u gha ye gha rhikhan lele ọdafọn, ọdafọn ọre ọ gha kha yan ruẹn.”

Gẹnẹsis 34:19

Ọvbokhan na ma vbe yae rhọ eghẹrẹ, ọ keghi wa gha ru vbene iran khare rhunmwuda ẹmwẹ ovbi e Jekọb nokhuo la ẹre aro. Okpia na ọre ọ vbe re ne ọ ru ọmwa kpataki sẹ vbe ẹgbẹe ọre.

Gẹnẹsis 35:18

Te ọ ghi ra kpan udu, ugbẹn vbe ọ ghi ra wa kpan udu, ọ keghi he ovbi ẹre ọmọ okpia nii Benoni sokpan erha ẹe keghi he ẹre Bẹnjamin.

I Krọnikol 4:10

Sokpan, e Jabẹz keghi na erhunmwu ghe Osanobua Izrẹl wẹẹ, “Osanobua, fiangbe mwẹ ne u vbe mu otọe ne ọ kpọlọ mẹ. Yaba mwẹ ne u vbe rhie mwẹ lẹre hin obọ emwikemwi ne ọ gha si obalọ yọmwẹ egbe rre.” Osanobua keghi rhie emwi ne ọ na erhunmwu yi ne ẹẹn.

I Krọnikol 4:8

E Koz ọ re ọ biẹ Anub kevbe Zobeba, rẹn ọ vbe re erha odede ọghe ẹwae uviẹn Ahahẹl ne ovbi e Harum ne okpia.

I Krọnikol 7:23

Rẹn na dọlegbe tie ọvbokhan rẹn ovbe, ọ keghi hanmwa, ọ na biẹ ọmọ okpia ọkpa, iran keghi hẹ ọmọ okpia nii Beraia rhunmwuda ọlọghọmwa ne ẹgbẹe iran miẹn.

Itan 23:25

Gie erha a kevbe iye uẹ ya a gha hio, rhie ọyẹnmwẹ na ne iye uẹ.

Aizaia 43:4

I gha sẹ avbe uhunmwu ẹvbo rae ne iran miẹn ruẹn fan, rhunmwuda ighobioye ọ re u khin mwẹ re kevbe wẹ rhunmwuda ighẹ I ho ẹmwẹ ruẹn, I vbe rhie ọghọ nuẹn.

Iwinna 17:11

Emwa ni rre ẹvbo na ọre ẹdẹ gbe vbe ẹko sẹ iran ni rre Tẹsalonaika. Iran keghi wa gbe ẹkun sẹ otọ gha danmwehọ ikporhu nii, iran kegha tie Ebe ẹsẹse gualọ otọ ẹre ne iran miẹn ehe na rẹn a deghẹ ẹmwata ọre ẹmwẹ ne Pọl tae khin.

I Samuẹl 4:21

Ọ keghi he ọmọ ni Ikabọd, ne ọ ya kha wẹẹ, “Uyi Osanobua kpa vbe Izrẹl rre nẹ,” rhunmwuda ne okuo na khọn mu Ẹkpẹti Ile, erha ọdọ ẹre wu, ọdọ ẹre kevbe wu.