I Krọnikol 3:1 - Edo Bible (E Baibol Ẹdo) Version 1996

^1-3 Emọ ne Devid biẹlẹ vbe Hibrọn ena khin zẹ vbe ne ọ ya biẹlẹ iran lele egbe. Amnọn ne iye ẹe ighẹ Ahinoam ke Jezrẹl rre. E Daniẹl ne iye ẹe ighẹ Abigẹl ke Kamẹl rre. Absalọm ne iye ẹe re Maaka ne ovbi Talmai ne ọba e Gẹsiọ. Adonaija ne iye ẹe re Hagit. Siefatia ne iye ẹe re Abital. Itram ne iye ẹe re Egla.

I Krọnikol 3:1 ပူးပေါင်းရင်းမြစ်များ

II Samuẹl 13:1

Absalọm ne ovbi e Devid kegha mwẹ ovbiye okhuo ọkpa ne ọ mose ẹsẹse, a kegha tie ẹre Tama. Ọkpa ne a tie eni ẹnrẹn Amnọn vbe ivbi e Devid keghi gha ho ẹmwẹ ọnrẹn.

II Samuẹl 13:29

Avbe eguọmwadia nii keghi gbe Amnọn zẹ vbene Absalọm tama iran. Ivbi e Devid nekpa keghi hin ẹmila iran, iran na lẹ gha rrie.

II Samuẹl 3:1

Igbinna na keghi wa kpẹe vbe otọ ne iran ni rre ọghe igiowa e Sọl, kevbe ni rre obọ ọghe e Devid gha gu egbe gbinna. E Devid keghi wa gha ye owẹ muotọ yọ, sokpan ọghe ne iran gba suan kegha yẹkẹ yọ.

II Samuẹl 5:13

Ọ ghi si kpao vbe Hibrọn rre nẹ, e Devid keghi ye vbe zẹ egbakhian ni bun, ọ kevbe viọ ikhuo ni bun vbe Jerusalẹm, ọ na ye vbe biẹlẹ emọ ikpia kevbe emọ ikhuo ni bun.

I Krọnikol 2:55

Avbe ẹwae na ne emwi ne a gbẹnnẹ kevbe ne a ghee gbẹnnẹ wa gua ẹre obọ ro, kegha rre ẹvbo ne a tie ẹre Jabẹz. Iran na ọ re emwa Tirat Simiat kevbe Sukat. Iran kegha re Kenit ne iran vbe ivbi Rekab gba gha rọnmwẹ egbe.

I Krọnikol 28:5

Ọ vbe viọ emọ ikpia ni bun mẹ biẹlẹ, vbe uwu iran hia, ọ kevbe zẹ Solomọn ne ọ rriọba Izrẹl ne ọ re otọe arriọba e Nọyaẹnmwa.

Jọsua 15:56

Jezrẹl Joke-deam, e Zenoa,

I Samuẹl 27:3

E Devid kevbe emwa rẹn keghi gbe ẹkun sẹ otọ vbe Gat iran kevbe ẹgbẹe iran. Amwẹ e Devid eva ighẹ Abinoam ne Jezrẹl kevbe Abigẹl ne amwẹ Nabal, ne ọ ke Kamẹl rre.