I Krọnikol 22:9 - Edo Bible (E Baibol Ẹdo) Version 1996

⁹ Vbene ọ rhirhi a gha ye hẹ, ọ ye yan ma mwẹ. Ọ wẹẹ, ‘U gha biẹ ọmọ okpia ọkpa ne ọ gha khaemwisẹ vbe ọfumwegbe, rhunmwuda, I gha rhie ọfumwegbe ne ẹẹn vbe obọ avbe eghian rẹn hia. Eni ẹnrẹn ọ re ọ gha re Solomọn, rhunmwuda I gha rhie ọfumwegbe kevbe ọrọkhọrhọ ne ivbi Izrẹl vbe ẹghẹ ọre.

I Krọnikol 22:9 ပူးပေါင်းရင်းမြစ်များ

I Ọba 1:13

Wa bu e Devid ne ọba gha khian nian ne u ya tama rẹn wẹẹ, ‘Umogun, ẹre te u yan ma mwẹ wẹẹ e Solomọn ne ovbi mwẹ ọ re ọ gha rriọba lele uẹ? Vbe ọ ghi zẹ nian ne Adonaija na rriọba?’ ”

I Ọba 2:15

Rẹn keghi wanniẹn wẹẹ, “U rẹnrẹn wẹ mẹ ọ re ọba te sẹ ọre egbe, emwa hia ni rre Izrẹl te rhie aro yọ wẹ mẹ ọ re ọ ra rriọba. Sokpan, ọ ma ghi de vberriọ, ọtẹn mwẹ ọ re ọ ghi rriọba rhunmwuda, iho e Nọyaẹnmwa nọ vberriọ.

I Ọba 3:7

E Nọyaẹnmwa, Osanobua, u ya mwẹ rriọba lele erha mwẹ nẹ, a gha rhe miẹn wẹ, ọvbokhan ọ re I khin, I ma vbe rẹn vbene a ya gbe aro ghe ẹvbo hẹ.

I Ọba 4:20

Ivbi e Juda kevbe Izrẹl kegha bun zẹ vbe ikpekhae ni rre ọkpẹn okun, iran kegha re, iran na gha da, ẹko kegha sẹ ehia ọyẹnmwẹ.

I Ọba 4:24

E Solomọn kegha khaemwisẹ yan otọe ni rre orrie Ẹzẹ Yufretes hia kevbe Tifsa vbe Yufretes ya sẹ ẹvbo e Gaza vbe orrie ne gbaan. Avbe ọba hia ni rre odẹ orrie ọghe Yufretes kegha ga gie ẹe, rẹn vbe ẹvbo ni lẹga ẹre hia keghi gba gha rrọ vbe ọfumwegbe.

I Ọba 4:25

Ẹghẹ hia ne ọ ya ẹe vbe agbọn, emwi rhọkpa ma ru emwa e Juda kevbe Izrẹl dọmwadẹ igiowa kegha mwẹ ugbo azara ọghe ọe kevbe ọghe erhan ohọ.

I Ọba 5:4

Sokpan, banbanna nian, e Nọyaẹnmwa Osanobua mwa rhie ọfumwegbe mẹ nẹ vbe ehe ni lẹga mwẹ hia. I i mwẹ eghian, I i vbe fian afianma odekun igbinna.

I Ọba 8:56

“Rho e Nọyaẹnmwa, ọmwa ne ọ rhie ọfumwegbe ne emwa rẹn, zẹ vbene ọ khare zẹ wẹ rẹn gha ru ẹe. Emwi ọrhẹnrhẹn ne ọ la unu e Mosis ne ọguọmwadia ẹre ve, ọ gele wa ru ehia fẹẹrẹ.

I Krọnikol 17:11

Wẹ ghẹ ghi wu nẹ, a na vbe re ruẹ ba avbe erha a odede, I gha ya ọkpa vbe uwu ivbuẹ rriọba. I ghi ya arriọba ẹre owẹ muotọ ne ọ wegbe.

I Krọnikol 22:18

Ọ wẹẹ, “E Nọyaẹnmwa ne Osanobua u wa, gha rrọọ yaba uwa, ọ keghi rhie ọfumwegbe ne uwa vbe igienenẹ. Ọ rhie ẹtin mẹ ne I ya khọn emwa ni te ka rre otọ ẹvbo na, banbanna nian ọguọmwadia uwa kevbe ọghe Nọyaẹnmwa ọ re iran ghi khin.

II Krọnikol 6:15

U mu eyan ne u yan ma e Devid ne erha mwẹ sẹ, ẹdẹnẹrẹ na nian, ẹmwẹ hia ne a tae vbọ, a mu ẹẹn sẹ nẹ.

Job 34:29

Osanobua gha kha ighẹ rẹn i zẹdẹ guan yọ, ọmwa ne ọ ra nọ rẹn ẹ i rrọọ. Ọ gha rhie aro ẹre lẹre, ọghe emwa nagbọn fo.

Psalm 72:1

Osanobua, ma ọba ẹre ne ọ gha ya ẹmwata ruẹ bu ohiẹn ghae ne ẹẹn vbe uwu atẹmwata ruẹ.

Psalm 72:7

Te uyinmwẹ ẹmwata gha muan yọ vbe ẹghẹ ọre, te ẹfe gha kpee vbe otọ la ẹghẹ ne uki gha ba la.

Aizaia 26:12

Nọyaẹnmwa, u gha gie agbọn ma mwa, emwi ne ima ru ne ọ dunna ne ima hia, emwi ne ọ ke uwu emwi ne uwẹ ru mẹ rre nọ.

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Aizaia 57:19

I ya ọfumwegbe ne iran hia, ke iran ni sikẹ emwa na kevbe iran ni rre urria. I gha mu avbe emwa mwẹ egbe rran.

Aizaia 66:12

E Nọyaẹnmwa khare wẹẹ, “I gha gie uwa etẹbitẹ sẹ uwa obọ. Emwi umamwẹ agbọn ọghe avbe uhunmwu ẹvbo, gha lẹ bu ruẹ rre zẹ vbe ẹzẹ ne ẹ i ka. Wa gha yevbe ọmọ ne iyẹe koko, ne ọ mu mwẹ obọ, ne ọ na vbe ya obọ ahoẹmwọmwa mu ẹẹn.

Hagai 2:9

Ọgua Osa ne ọgbọn na gha mose sẹẹ Ọgua Osa nẹdẹ, evba ọ re imẹ gha na rhie ne emwa mwẹ wẹ ne agbọn ma iran kevbe ne iran gha rre ọfumwegbe.” Erriọ Nọyaẹnmwa ne Oghodua khare.

Giọgis 6:24

E Gidiọn keghi bọ aka ọkpa ne Nọyaẹnmwa vbe evba, ọ na gha tie ẹre, “E Nọyaẹnmwa ọrọre Ọfumwegbe.” (Te ọ ye rre Ọfra ne ọ re otọ ẹwae Abiẹzẹ.)