I Krọnikol 22:3 - Edo Bible (E Baibol Ẹdo) Version 1996

³ Ọ keghi viọ ematọn nibun rre ne a ya ru ise kevbe olode ye ẹkhu erhan onurho ne a la larọ, deba oze ne ọ bun sẹvberriọ wẹ a i miẹn ọmwa ne ọ gha sẹtin mwa rẹn vbene ọ khua sẹhẹ.

I Krọnikol 22:3 ပူးပေါင်းရင်းမြစ်များ

I Ọba 7:47

E Solomọn ma mwa vbene avbe emwi ne a ye oze ru na khua sẹhẹ. Ọ bun sẹrriọ wẹ a i sẹtin kha vbene iran khua sẹ hẹ.

I Krọnikol 22:14

Zẹ vbe ọ ghe Ọgua Osa, mẹ ziga ya si uwan nọkhua ọghe igoru ne ọ te ra sẹ arriaisẹn enẹ koko nẹ, (4,000) deba uwan nọkhua ne ọ te ra sẹ arriaisẹn enẹ ọghe esiliva (4,000) ne a ya bọ ẹe. Ye vbe sẹ ọnii oze kevbe ematọn rrọọ ne a i sẹtin lo fo ne a gha hẹ rre. I vbe mwamwa erhan kevbe okuta ye otọ nẹ, sokpan, u ghi ye gualọ viọ ba ẹre.

I Krọnikol 29:2

I hia re ẹsẹse ne a mu egbe emwi hia ye otọ khẹ nene Ọgua Osa na, avbe igoru, esiliva, oze, ematọn, igẹdu, okuta ighobioye kevbe ikpẹrọnmwọ, okuta na a gha gbẹnnẹ kevbe avbe okuta ne ghẹinghẹin ọrhẹnrhẹn.

I Krọnikol 29:7

Avbe emwi na rre ne a ya winna vbe Ọgua Osa. Etọni igoru igbe irrọvbe uri (190), etọni esiliva ugie irrọvbe uri eva (380), etọni oze isẹn irrọvbe iyenẹ yan uri eha (675), etọni ematọn ekigbe siyeha irrọvbe arria enẹ yan arriaisẹn eha (3,750).

II Krọnikol 4:18

Avbe emwi ne a ru keghi bun sẹrriọ wẹ ọmwa rhọkpa, ma ghi mwa inu oze ne a loro, vbene ọ khua sẹhẹ.

Jerimaia 52:20

Avbe emwi ẹrọnmwọ hia ne Solomọn ne ọba ru ye Ọgua Osa, avbe orre eveva, avbe ikẹkẹ okhuae, avbe ẹgbẹdin ne lẹulẹu deba avbe ẹkhuia ẹmila iweva ni mu ẹẹn mwẹ, iran keghi re ne ọkhua gbe, ẹ i gie mwa.

Diuteronomi 8:9

Ohanmwẹ i ra gbe uwa vbe evba, wa i ra vbe vbabọ emwikemwi. Ematọn rre uwu okuta ni rrọọ, wa gha vbe miẹn oze gha zẹ vbe oke ni rrọọ.