I Krọnikol 22:2 - Edo Bible (E Baibol Ẹdo) Version 1996

² E Devid ne Ọba keghi gie wẹ ne avbe orhunmwuyẹn hia ni rre otọe Izrẹl si koko, ọ na viọ iwinna ne iran. Eso vbe uwu iran kegha giagia okuta ne a gha ya bọ Ọgua Osa.

I Krọnikol 22:2 ပူးပေါင်းရင်းမြစ်များ

II Samuẹl 5:11

E Hiram ne Ọba e Taia keghi gie avbe ukọ ẹvbo mu ẹki bu e Devid, ọ na viọ erhan igẹdu gie ẹe, kevbe avbe owinna, kevbe igbokuta, ne iran ya bọ ẹguae ẹre ne ẹẹn.

I Ọba 6:7

Okuta ne a ya bọ owa nii, ehe ne a na giagia okuta ọ re a na ka ehia, sẹrriọ wẹ a ma ghi họn owogho rhọkpa ọghe umọmọ ra ughanmwa ra ematọn ne a ya ka emwi rhọkpa vbe ehe ne a na bọ Ọgua Osa nii.

II Ọba 12:12

avbe iran ni bọ owa kevbe ni gbe okuta, iran ghi vbe dẹlẹ igẹdu kevbe avbe okuta ne a ya dọlọ owa yi, a ghi vbe ya ha igho ne a loro vbene ọ khẹke hia.

II Ọba 22:6

owinna, iran ni bọ owa kevbe iran ni sin owa, ne a vbe ya dẹ erhan kevbe okuta ne a ya dọlọ owa nii yi.

I Krọnikol 14:1

E Hiram ne ọba e Taia keghi gie ukọ ẹki ne a do bu e Devid. Ọ keghi viọ erhan sida kevbe avbe igbokuta kevbe avbe owinna ne ẹẹn ne ọ ya bọ ẹguae.

I Krọnikol 29:1

E Devid ne ọba keghi tama emwa ni si koko ye evba wẹẹ, “E Solomọn ne ovbi mwẹ ọrọre ọmwa ne Osanobua zẹe, sokpan, ọvbokhan he ye nọ, ọ ma vbe rẹn emwi rhọkpa. Iwinna ne a ra winna, ọrhẹnrhẹn nọ, rhunmwuda, ọna i re ẹguae ọghe ọmwa kẹkan sokpan Ọgua Osa ọghe Nọyaẹnmwa ne Osanobua.

II Krọnikol 2:16

Ma gha giagia igẹdu sida ni rre uhunmwu oke Lebanọn zẹ vbe ne u ho, a ghi sele ehia kugbe, ma ghi gua ẹe la okun gha die Jopa. Wẹ sẹtin ke evba viọ iran gha rrie Jerusalẹm.”

II Krọnikol 2:17

E Solomọn ne ọba keghi ka avbe orhunmwuyẹn ni rre otọ Izrẹl hia, ne ọ wa vbe khọ egbe ikẹvbo ne Devid ne erha ẹe ka vbe ru. Erhunmwuyẹn ni yin ẹvbo nii kegha re arriaeha yan arriaisẹn iwera yan ikiọkhọe (153,600).

Ẹzra 3:7

Emwa nii keghi zẹ igho ne a ha ne iran ni ya okuta bọ owa kevbe avbe owinna, iran keghi vbe ni evbare kevbe ayọn kevbe ofigbọn oliv, ne a viọ gha rrie Taia kevbe vbe Saidọn, ne a ya dẹlẹ erhan vbe ẹgbo e Lebanọn, kevbe ne a vbe guae la okun gha rrie Jopa. E Sairọs ne ọgbaisi ọghe Pẹsia kue yọ nẹ, a kegha ru avbe emwi na hia.

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.