I Krọnikol 2:7 - Edo Bible (E Baibol Ẹdo) Version 1996

⁷ Ekani ne ovbi e Kami, ne ọkpa vbe uwu ivbi uniẹn Zẹra, keghi si ọkhọ dan ye ivbi Izrẹl uhunmwu vbe ekpa ne ọ na rhie vbe emwi ne a viọ rre vbe okuo, na a wẹ ne a ya ẹe fi ohan ne Osanobua.

I Krọnikol 2:7 ပူးပေါင်းရင်းမြစ်များ

I Krọnikol 2:6

E Zẹra ne ọtiọnrẹn kegha mwẹ emọ ikpia ehan, ena ọre Zimri, Etan, Heman, Kalkọl kevbe Dada.

I Krọnikol 2:8

Ọmokpia ọkpa ọre Etan biẹe, ọnii kegha re Azaraia.

I Krọnikol 4:1

Eso vbe uwu ivbi uniẹn e Juda ọ re ena khin, e Pẹrẹs, e Hẹzrọn, e Kami, Họ kevbe Siobal.

Diuteronomi 13:17

Emwi ne a ghi wẹ ne a fuan nẹ wa ghẹ rhie ẹre hin rre ne uwa lo ẹre ne egbe uwa, ẹghẹ nii e Nọyaẹnmwa gha fiwerriẹ vbe uwu ohu nọ wegbe ne ọ te mu, ọ ghi tohan uwa. Ọ gha tohan uwa, ya uwa khian emwa ni bun zẹ vbe ne ọ yan ma avbe erha uwa odede.

Diuteronomi 7:26

Wa ghẹ viọ vbe uwu amazẹ na la owa uwa hiehiere, ne unu ne a fi iran re ghẹ do sẹ uwa egbe. Ọ kere ne uwa gie avbe amazẹ nii gha sọnnọ uwa, ne uwa vbe gha zan iran rhunmwuda usun emwi ne fie ẹre unu ọre iran khin.

Jọsua 22:20

Yerre wẹ Ekani ne ovbi e Zẹra he ne ọ rhie uhi ne a yi ye ẹmwẹ emwi ne a wẹ ne a fuan, a na rri ivbi Izrẹl hia oya yọ. Ẹ i re Ekani ọkpa ọ re ọ wu ba ẹmwẹ orukhọ ẹre.”

Jọsua 6:18

Sokpan zẹ vbene ọ de kan uwa na, wa ghi gban egbe ne avbe emwi ne a fuẹn uan, wa gha rhie vbe emwi ne a ta nẹ wẹ ne a fuẹn uan, te uwa ra mu ọlọghọmwa kevbe ọfuan la agọ ivbi Izrẹl.

Jọsua 7:25

Ẹre Jọsua na kha wẹẹ, “Vbọzẹ ne u na hẹ orueghe na gie ima! E Nọyaẹnmwa gha mu orueghe yan ruẹn nian!” Emwa nii hia keghi filo okuta gbe Ekani uan, iran keghi giẹn ẹgbẹe ọre kevbe emwi hia ne ọ mwẹ, iran kevbe filo okuta gbe iran.