I Krọnikol 2:4 - Edo Bible (E Baibol Ẹdo) Version 1996

⁴ Ovbi amwẹ ọnrẹn ne a tie ẹre Tama keghi biẹlẹ emọ ikpia eva ne Juda, ena kegha re Pẹrẹs kevbe Zẹra.

I Krọnikol 2:4 ပူးပေါင်းရင်းမြစ်များ

Gẹnẹsis 38:11

Ẹre Juda ghi na khama Tama ne amwẹ ovbi ẹre wẹẹ, “Werriegbe gha rrie owa erha zẹ vbe okhuo ne ọ dẹgbẹ, e Siẹla ne ovbi mwẹ te wanrre.” Emwi ne ọ yae kha vberriọ ọrọre wẹ afianma fian ẹn wẹ a gha vbe gbe Siẹla rua zẹ vbene a gbele etiọnrẹn nikpia, ẹre Tama na werriegbe gha rrie owa erhae.

I Krọnikol 2:5

E Pẹrẹs kevbe gha mwẹ emọ ikpia eva, ena ọre Hẹzrọn kevbe Hamul.

I Krọnikol 4:1

Eso vbe uwu ivbi uniẹn e Juda ọ re ena khin, e Pẹrẹs, e Hẹzrọn, e Kami, Họ kevbe Siobal.

I Krọnikol 9:4

Ẹgbẹe uri eha vbe igbe ihinrin (690) vbe ẹwae e Juda keghi gha rre Jerusalẹm ivbi uniẹn Pẹrẹs ne ovbi e Juda, ọmwa ne ọ gha re ọkaolotu iran kegha re Utai ne ovbi Amihud kevbe eyẹ Ọmri. Usun avbe erha iran odede eso kegha re Imri kevbe Bani. Ivbi uniẹn e siela ne ovbi e Juda, ọmwa ne ọ gha re ọkaolotu iran kegha re Asaia, rẹn keghi re ọkaẹgbẹe ọghe ẹgbẹe irẹn. Ivbi uniẹn Zẹra ne ovbi e Juda, ọmwa ne ọ gha re olotu iran kegha re Jeuẹl.

Nehimaia 11:24

E Pẹtahia ne ovbi e Mesiezabel ne ovbi ẹwae Zẹra kevbe ovbi uniẹn e Juda, ọ re ọ gha kha e ne unu Izrẹl vbe ẹguae Pẹsia.

Nehimaia 11:4

Ivbi uniẹn ẹwae Juda: Ataia ne ovbi Uzaia, ne ọ vbe re eyẹ e Zẹkaraia. Usun avbe erha ẹe odede nekpa ọ re iran vbe ye ighẹ Amaraia, e Siefatia kevbe Mahalalẹ ni re ivbi uniẹn e Pẹrẹs ne ovbi e Juda.

Nọmbas 26:13

Zẹra kevbe Siọl:

Matiu 1:3

Juda ọrọre erha Pẹrẹs kevbe Zẹra (a keghi tie eni iye iran Tema) Pẹrẹs ọrọre erha Hẹzrọn. Hẹzrọn keghi re erha Ram.

Iyẹn ne ọ Maan Ọghe Luk 3:33

Ne ovbi Aminadab, ne ovbi Admin, ne ovbi Ani ne ovbi e Nẹzrọn, ne ovbi e Pẹrẹs, ne ovbi e Juda.

Ebe Rut 4:12

Te emọ ne Nọyaẹnmwa gha la obọ uvbi nii viọ guẹ gha ye ẹgbẹe ruẹ do gha yevbe ẹgbẹe ọghe Pẹrẹs ne ovbi e Juda kevbe Tama.”

Ebe Rut 4:18

Uniẹn ọghe Pẹrẹs do sẹ Devid ọ re ọna khin: Pẹrẹs, Hẹzrọn, Ram, Aminadab, Nasiọn, Salmọn, Boaz, Obẹd, Jese, Devid.