I Krọnikol 2:3 - Edo Bible (E Baibol Ẹdo) Version 1996

³ E Juda kegha mwẹ emọ Isẹn, amwẹ ọnrẹn ighẹ Batsua ne ovbi e Kenan, keghi biẹlẹ emọ eha ne ẹẹn, ena ọre Ẹr, Onan kevbe Siẹla. Ẹr ne ovbi ẹre ne okpia ne ọdiọn keghi rhia sẹrriọ wẹ e Nọyaẹnmwa na gbe ẹe rua.

I Krọnikol 2:3 ပူးပေါင်းရင်းမြစ်များ

Gẹnẹsis 46:12

Ivbi e Juda kegha re, Siẹla, Pẹrẹs kevbe Zẹra (sokpan Kenan ọ re Eri kevbe Onan na wulo). Ivbi e Pẹrẹs kegha re Hẹzrọn kevbe Hamul.

I Krọnikol 2:2

Dan, e Josẹf, e Bẹnjamin, e Naftali, e Gad kevbe Asia.

I Krọnikol 4:1

Eso vbe uwu ivbi uniẹn e Juda ọ re ena khin, e Pẹrẹs, e Hẹzrọn, e Kami, Họ kevbe Siobal.

I Krọnikol 4:21

Ọkpa vbe ivbi e Juda ne ikpia ọ re Siẹla gha a khin. Usun ivbi uniẹn ọnrẹn ọ re Ẹr ne ọ bu ẹvbo ne a tie ẹre Leka kevbe Laada, ne ọ bu ẹvbo ne a tie ẹre Maresia, kevbe ẹwae iran ni do ukpọn eto ovbiohuẹ ni rre ẹvbo ne a tie ẹre Bẹt Asbea.

Nọmbas 26:19

Ẹwae ọghe Juda (eva vbe uwu ivbi e Juda Er kevbe Onan wulo nẹ vbe otọ Kenan): uniẹn ọghe Siẹla, Pẹrẹs, Zẹra, Hẹzrọn kevbe Hamul.