I Krọnikol 18:3 - Edo Bible (E Baibol Ẹdo) Version 1996

³ Vbe iyeke ọnii, e Devid keghi mu okuo gie Hadadezẹ ne ọba otọ e Siria ni rre Zọba vbe ọkpẹn otọ e Hama rhunmwuda, e Hadadezẹ keghi te gha ho ne ọ la odẹ uhunmwu e Yufretes la otọe ni do gha kha yan rẹn.

I Krọnikol 18:3 ပူးပေါင်းရင်းမြစ်များ

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

II Samuẹl 10:6

Ivbi Amọn wa rẹn wẹ te iran ho e Devid ẹmwẹ, iran na ya viọ ivbiyokuo arriaisẹn ugie (20,000) vbe Siria kevbe Betrehob kevbe Zọba, arriaisẹn iweva (12,000) vbe Tob deba ọba Maaka ke ẹe kevbe ivbiyokuo arriaisẹn (1,000).

II Samuẹl 8:3

Iyeke ọnii, obọ ẹre kevbe gba ọba ọghe Zeba ighẹ Hadadezẹ ne ovbi e Rehọb, vbe Hadadezẹ rrie odẹ Ẹzẹ Yufretes ehe ne ọ ra na ya dọlegbe kha ighẹ rẹn ọ yan otọe nii.

I Krọnikol 18:2

Ọ keghi khọn ivbi e Moab, iran na gha ga gie ẹe.

I Krọnikol 18:4

E Devid keghi khọn mu arriaisẹn (1,000) vbe avbe ikẹkẹ okuo ẹre deba iran ni hin ẹsin arriaisẹn ihinrọn (7,000) kevbe ivbiyokuo ni ye owẹ khian arriaisẹn ugie (20,000). Ọ keghi viọ ẹsin ni gha sẹtin si ikẹkẹ okuo iyisẹn (100) ye otọ, ọ na kun ni ghi dekẹe hia use.

II Krọnikol 8:3

Ọ keghi khọn mu otọe Hamat kevbe Zọba.

Ẹzra 4:20

Avbe ọba ni mwẹ ẹtin ka vbe rriọba vbe evba yi, iran na gha kha yan ehe ne otọe Orrie Yufretes sẹe ke ne ọ rhan mwẹ hia, iran keghi vbe gha koko igho otọ.

Psalm 60:1

Osanobua, wẹ he ima nẹ, obọ ruẹ keghi vbe gba ima. U wa mobọ mu ohu ghe mwa sokpan, eban nian werriegbe bu ima rre.

Psalm 60:2

U mu otọe nii rueghe, u keghi vbe fian uvun gbodo yọ. Banbanna nian kpe ẹwẹn ọnrẹn rriẹ rhunmwuda te ọ ghi ra zagha a.

Ẹksọdọs 23:31

I gha mwa otọ uwa ne ọ ke okun Akaba ya sẹ Okun Meditẹrrenian kevbe ke ato ya sẹ Ẹzẹ Yufretes. I gha rhie uwa obọ yan emwa ẹvbo nii uhunmwu, wa ghi vbe khulo iran hin odaro uwa rre vbe uwa a gha nana sikẹ odaro.

I Samuẹl 14:47

E Sọl ghi rriọba nẹ, ọ keghi khọn avbe eghian rẹn hia vbe ehehia, avbe Moab, Amọn kevbe Idọm, ọba e Zọba kevbe avbe ivbi e Filistin. Ehe ne ọ na gbinna hia, ọ kegha khọnmiotọ.