I Krọnikol 17:9 - Edo Bible (E Baibol Ẹdo) Version 1996

^9-10 I zẹ ihe ọkpa ne Izrẹl ne emwa mwẹ nẹ, I vbe gbe iran ẹkun sẹ otọ nẹ vbe evba, ehe ne iran ra gha ye vbene a i ghi na vbe zẹ iran kpokpo ọvbehe. Ke ne iran ya la otọ na gha dee, ọ re emwa ni khọn ke ya gha gu iran gbinna, sokpan, egbọre i ghi ra dọlegbe sunu ọvbehe. I yan rẹn ighẹ I gha khọn avbe eghian ruẹn hia muotọ, I gha vbe viọ emọ nuẹn.

I Krọnikol 17:9 ပူးပေါင်းရင်းမြစ်များ

I Krọnikol 17:8

I mudia kuẹ vbe ehe ne u he la hia, I kevbe gha khọn avbe eghian ruẹn muotọ zẹ vbene u ya nana sikẹ odaro. I gha ya uwẹ hin usi zẹ vbe avbe ọkaolotu ne ọ he kpọlọ sẹẹ vbe agbọn na.

Psalm 44:2

Vbene u tobọọ khulo avbe nigẹbọ ladian hẹ u na gbe avbe emwa ruẹn ẹkun sotọ ye otọe iran. vbene u rri avbe agbọn ẹvbo nekpa oya hẹ. u na gie agbọn ma iran ne emwa ruẹn.

Psalm 89:22

Obọ eghian rẹn i ra gba ẹre ẹdẹ, emwa dan i ra sẹtin mu ẹẹn gbotọ.

Psalm 92:13

Te iran ye vbe erhan ne a kọ ye owa e Nọyaẹnmwa.

Ẹksọdọs 2:23

Ọ ghi kpẹe fua, ọba Igipt keghi wu. Ivbi Izrẹl kegha khiẹkhiẹ egbe vbe uwu ọviẹn ne iran ye, iran na gha tu nọ iyobọ. Eve iran keghi sẹ ehe ne Osanobua ye.

Aizaia 49:17

“Iran ni gha dọlọ uwẹ bọ dee ẹgiẹgiẹ iran ni guọghọ uwẹ rua gha rrie.

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Jerimaia 24:6

I gha gbearoghe iran, I ghi vbe viọ iran werriegbe gha die otọe na. I gha mu iran kpaegbe, I i ra vbe siẹn iran kua. I gha gbọ iran, I i ra vbe silo iran vbọlọ.

Jerimaia 32:41

I gha wa ye ọyẹnmwẹ gha ru emwi esi ne iran. I ghi vbe gbe iran ẹkun sotọ ẹdẹdẹmwẹdẹ vbe otọe na.

Ezikiẹl 28:4

Ẹwaẹn kevbe iguemwi ruẹn ya a khian ne ọ mwẹ emwi ẹfe igoru kevbe esiliva nibun.

Ezikiẹl 34:13

I gha viọ iran ke avbe ẹvbo ẹrrẹe ladian, I ghi si iran koko I ghi dọlegbe viọ iran gha die ẹvbo iran tobọ iran. I gha viọ iran gha rrie avbe oke nekhua kevbe avbe ẹzẹ Izrẹl I ghi vbe ya koko iran vbe otọ erria ne ọ maa sẹẹ.

Ezikiẹl 37:25

Iran gha yin otọe ne I mu ne Jekọb ne ọguọmwadia mwẹ, otọe ne avbe erha iran odede gha ye. Iran gha di evba ya ẹdẹdẹmwẹdẹ erriọ vbe nọ ne ivbi iran kevbe ivbi uniẹn iran hia. Ọba ne ọ ye vbe Devid ne ọguọmwadia mwẹ gha khaemwisẹ yan iran ẹdẹdẹmwẹdẹ.

Emọs 9:15

I gha gbe emwa mwẹ ẹkun sẹ otọ vbe otọe ne I mu ne iran, a i ghi dọlegbe werriẹ iran owa ọvbehe.” E Nọyaẹnmwa ne Osanobua rua taa ẹe nẹ.

Ẹfisọs 5:6

Wa ghẹ gie ọmwa rhọkpa ya ẹmwẹ ọzuọ mu uwa rẹrẹ, usun emwi ne ọ si ẹe ne izohu Osanobua gha na rhurhẹ yan iran ne ẹ i họn ẹmwẹ nẹẹn, ọre ena khin.

Arhie Maan 21:4

Ọ gha khiẹn ameve hia hin aro iran rre. Uwu i ghi ra gha rrọọ ọvbehe, ra akhiẹ ra obalọ. A ho emwi nẹdẹ hia bẹkun nẹ.”