I Krọnikol 16:3 - Edo Bible (E Baibol Ẹdo) Version 1996

³ Ọ keghi rhie ne orhiọnkpọkpa vbe Izrẹl ke ikpia kevbe ikhuo, ududu ebrẹd ọkpọkpa, ikele emiowo ne a tọẹn, kevbe avbe ọmọ erhan eso.

I Krọnikol 16:3 ပူးပေါင်းရင်းမြစ်များ

I Ọba 3:15

E Solomọn ghi rhiọrre ọ keghi miẹn wẹ te Osanobua gu irẹn guan vbe imina. Ẹre ọ na gha rrie Jerusalẹm, ọ na ya mudia ye odaro Ẹkpẹti Ile e Nọyaẹnmwa, ọ na zọ ese ne a giẹn uan kevbe ọghe isara ghe Nọyaẹnmwa. Iyeke ọnii, ọ keghi le evbare ne emwa rẹn hia re.

I Krọnikol 16:2

E Devid ghi zọ ese nii fo nẹ, ọ keghi fiangbe emwa nii vbe eni e Nọyaẹnmwa, ọ na ghae evbare gba iran hia obọ.

I Krọnikol 16:4

E Devid keghi zẹlẹ eso vbe uwu avbe e Livai ne iran ru ugamwẹ e Nọyaẹnmwa ne Osanobua Izrẹl vbe odaro Ẹkpẹti Ile nii, vbe ekpa ne iran gha na gha so ihuan rho ẹre.

II Krọnikol 30:24

E Hẹzekaia ne ọba keghi viọ ẹkhuia ẹmila arriaisẹn (1,000) kevbe ohuan arriaisẹn ihinrọn (7,000) ladian ne emwa ni gbele ne iran gha re; avbe ekhaẹmwẹ kevbe viọ ẹkhuia ẹmila arriaisẹn ọvbehe (1,000) kevbe ohuan arriaisẹn igbe (10,000) ne emwa nii. Avbe ohẹn ni bun keghi yo ulamwẹ akpehuan.

Nehimaia 8:10

Banbanna nian, wa gha rrie owa ne uwa rri evbare esi, wa fian vbe evbare uwa ne iran ne ẹ i mwẹ, ne uwa vbe sa ne iran vbe ayọn uwa. Ẹdẹ nọhuanrẹn ọ re ẹrẹ khin ne Nọyaẹnmwa rhunmwuda ọnii, wa ghẹ khiẹ. Oghọghọ ne Nọyaẹnmwa, rhie ne uwa gha ya uwa wegbe.”

Ihuan Ne Ọ Sọọ Ihuan Hia 2:5

Ye avbe ọmọ erhan ni rhiẹnrhiẹn rhie ẹtin yọ mwẹ iwu. Ne u vbe ye avbe otiẹn koko mwẹ te orriarria ghi ye egbe wọ mwẹ.

Aizaia 16:7

Ivbi e Moab gha viẹ rhunmwuda ọlọghọmwa ne iran mwẹ. Iran hia gha viẹ vbe iran a ye ẹre rre ighe evbare esiesi ne iran te re vbe Kẹ Hẹrẹs. Ọna gha wa ya egbe wọ iran fo.

Ezikiẹl 45:17

Iwinna irẹn nọ ne ọ mu aranmwẹ ne a ra gien uan rre, kevbe ọka imuohan kevbe ayọn ne a ya mu ohan ọghe otọe Izrẹl hia vbe ẹghẹ Emwiukpo Uki Ọgbọn kevbe Ẹdẹ Ikẹtin kevbe avbe emwiukpo ni ghi dekẹe. Rẹn ọ re ọ gha mu emwi imuohan ọghe orukhọ rre, kevbe ọghe ọka, emwi imuohan ne a ra wa gien ikun ẹnrẹn, kevbe emwi izọese ọghe isara, ne a ya kpe orukhọ ivbi Izrẹl kua.”

Hozia 3:1

E Nọyaẹnmwa keghi tama mwẹ wẹẹ, “Dọlegbe gha khian, ne u ya ho ẹmwẹ okhuo ne irẹn vbe egbakhian rẹn gba ghẹ khian nii, u ghi ho ẹmwẹ ọnrẹn zẹ vbene imẹ ye vbe ho ẹmwẹ ivbi Izrẹl ne emwa mwẹ, a gha rhe miẹn wẹ iran lẹ lele ẹbọ ọvbehe, iran keghi vbe gha ya ititi ọmọ erhan ne a kae re, zọ ese ghe amazẹ.”

I Pita 4:9

Wa gha khian ẹlẹ tuẹ egbe, vbe ne a i na gui ẹzọ egbe.