I Krọnikol 15:3 - Edo Bible (E Baibol Ẹdo) Version 1996

³ E Devid keghi rhunmwuda ọnii tie ivbi Izrẹl hia gha die Jerusalẹm ne a miẹn ehe na mu Ẹkpẹti Ile gha die ehe ne a dọlọ yi ye otọ khẹ ọre.

I Krọnikol 15:3 ပူးပေါင်းရင်းမြစ်များ

II Samuẹl 6:12

E Devid ne ọba keghi do họn wẹẹ, e Nọyaẹnmwa wa fiangbe ẹgbẹe Obẹd Idọm kevbe emwi ne ọ mwẹ hia, rhunmwuda Ẹkpẹti Ile ọ keghi rhunmwuda ọnii ya mu ẹẹn vbe owa Obẹd rre ne ọ do kpee mu ẹẹn gha rrie Jerusalẹm.

II Samuẹl 6:17

Iran keghi mu Ẹkpẹti ni rre, iran keghi mu ẹẹn ye ihe ẹre vbe ehe ne Devid mwamwa khẹ ọre. Ọ keghi zẹ ese, ọ na si isara ghe Nọyaẹnmwa.

I Ọba 8:1

E Solomọn ne ọba keghi gie ne a tie avbe ọkaolotu Izrẹl, ọka ẹgbẹe avbe uniẹn kevbe ẹwae, ne iran bu irẹn gha die Jerusalẹm, ne iran do ya mu Ẹkpẹti Ile e Nọyaẹnmwa ke Zaiọn ne ẹvbo e Devid gha die Ọgua Osa.

I Krọnikol 13:2

Ọ na tama ivbi Izrẹl hia wẹẹ, “A dẹghe wa yobọ yọ kevbe wẹ iho e Nọyaẹnmwa ne Osanobua mwa nọ, wa gie ima gie emwa bu ivbi ẹvbo ima nekpa kevbe avbe ohẹn kevbe Livai ni rre ẹvbo iran, ne a tama iran ne iran gie ima miẹn egbe vbe edinran.

I Krọnikol 13:5

Ẹre Devid na si emwa ni hia ke ehe ne ẹvbo ni sẹe ehe ne ọ rhanmwẹ koko ke uwu Igipt vbe odẹ ekẹn ya sẹ Ada e Hamat vbe odẹ okuọ, ne iran miẹn ehe na ya mu Ẹkpẹti Ile Nọyaẹnmwa ke kirriat Jearim gha die Jerusalẹm.

I Krọnikol 15:1

E Devid keghi bọlọ owa ọghe obọ ẹre ye Ẹvbo e Devid. Ọ na vbe dọlọ ihe eso yi ne Ẹkpẹti Ile ọghe Osanobua. Ọ na mu owa ukpọn yọ.

I Krọnikol 15:12

Ọ keghi tama avbe Livai na wẹẹ, “Wa ọrọre olotu avbe uniẹn avbe Livai, wa họnmwẹ egbe uwa kevbe ọghe Livai ne ihua uwa, ne uwa miẹn ehe na mu Ẹkpẹti Ile ọghe Nọyaẹnmwa Osanobua Izrẹl gha die ehe ne I dọlọyi ye otọ khẹ ọre.

I Krọnikol 16:1

Iran keghi mu Ẹkpẹti Ile nii gha rrie ehe ne Devid ru ye otọ khẹ ọre, iran na mu ẹẹn ye uwu ẹre. Iran na zọ ese, iran na vbe sisara ghe Osanobua.

II Krọnikol 1:2

E Solomọn ne ọba keghi yi iyi ne avbe ekaolotu ni gbearoghe arriaisẹn kevbe arhin iyisẹn, avbe ewọe arriọba hia, avbe ọkaẹgbẹe hia kevbe emwa ni dekẹe hia,

II Krọnikol 1:4

(Sokpan Ẹkpẹti Ile ne ọ rrọọ kegha rre Jerusalẹm a keghi mu ẹẹn ye owa ukpọn ne Devid ne ọba bọe vbe ọ mu ẹẹn ke kirriat Jearim rre.)

II Krọnikol 5:2

Ẹre Solomọn ne ọba na tie avbe ọkaolotu ọghe dọmwadẹ ẹgbẹe kevbe ẹwae ni rre Izrẹl ne iran do miẹn egbe vbe Jerusalẹm, ne iran do mu Ẹkpẹti Ile e Nọyaẹnmwa ke Zaiọn ne Ẹvbo e Devid gha rrie Ọgua Osa.

Ẹksọdọs 40:20

Ọ keghi viọ avbe uhanhan Uhi Igbe nii ọ na viọ iran ye uwu ẹkpẹti nii.

Levitikọs 9:5

Iran keghi viọ avbe emwi hia ne Mosis tama iran gha die odaro Owa Ukpọn Ile, emwa nii hia keghi si koko ye evba ne iran ga e Nọyaẹnmwa.