I Krọnikol 12:2 - Edo Bible (E Baibol Ẹdo) Version 1996

² ne ivbi ẹwae Bẹnjamin ne Sọl ke rre, keghi ya deba ẹre. Iran sẹtin ye obọ erha ọmwa ra obọ iye ọmwa fi ifẹnmwẹ ra umọvọn.

I Krọnikol 12:2 ပူးပေါင်းရင်းမြစ်များ

I Krọnikol 12:3

Emwa ni gha viọ iran mwẹ khian kegha re Ahieza kevbe Joas ne ivbi e Siemaa ne ọ ke Gibea rre. Nene avbe ivbiyokuo ọrọre: E Jeziẹl kevbe Pẹlẹt ne ivbi Azmavẹt Beraka kevbe Jehu ni ke Anatọt rre Ismaia ne ọ ke Gibiọn rre, ọmwa ne ọ re ovbiyokuo ne ọ hin usi kevbe ọkpa vbe uwu avbe ọkaolotu “Iran ne Ọgban” E Jerimaia, Jahaziẹl, Johannan kevbe Jozabad ni ke Gẹdẹra rre Eluzai, Jerimot, Bealia, Siemarai kevbe Siefatia ni ke Harif rre Ẹlkana, Isiaia, Azariẹl, Joeze kevbe e Jasiọbim ne ivbi uniẹn e Kora E Joela kevbe Zebadaia ne ivbi e Jeroham ni ke Gẹdọ rre.

I Krọnikol 8:40

Ivbi Ulam kegha re ivbiyokuo ni hin usi kevbe ifiẹkpede, emọ iwu kevbe eyẹ, emọ ikpia ne ọ biẹlẹ hia keghi gha re ekigbesiyeha yan iyisẹn (150). Iran hia ne a sunu yi na ẹwae Bẹnjamin ọ re iran gha khin.

Psalm 78:9

Ivbi Ifreim, ni viọ uhanbọ kevbe ifẹnmwẹ keghi lẹ kua vbe ẹdẹ ne a khọn okuo.

Giọgis 3:15

Ẹghẹ nii ọ re ivbi Izrẹl na datu tie e Nọyaẹnmwa, ọ keghi vbe gie okpia ọkpa ne ọ do miẹn iran fan. Ọmwa nii ọrọre Ehud, ẹkpẹnagobọ ne ovbi Gera vbe ẹwae Bẹnjamin. Ivbi Izrẹl keghi viọ emwi ihaoko ne Ehud viọ gie Ẹgiọn ne ọba Moab.

I Samuẹl 17:49

E Devid keghi fi obọ ye ẹkpo ẹre ọ na rhie ikpokuta ladian, ọ na ya umọvọn fi ẹe gie Golaiat. Ọ na wa vba ẹre uharo, ọ na hae la ẹre uwu uhunmwu, e Golaiat keghi de mu aro rhu otọ.