I Krọnikol 11:9 - Edo Bible (E Baibol Ẹdo) Version 1996

⁹ E Devid kegha wegbe yọ ẹdẹgbegbe, rhunmwuda, e Nọyaẹnmwa Noghodua deba ẹre.

I Krọnikol 11:9 ပူးပေါင်းရင်းမြစ်များ

II Samuẹl 3:1

Igbinna na keghi wa kpẹe vbe otọ ne iran ni rre ọghe igiowa e Sọl, kevbe ni rre obọ ọghe e Devid gha gu egbe gbinna. E Devid keghi wa gha ye owẹ muotọ yọ, sokpan ọghe ne iran gba suan kegha yẹkẹ yọ.

II Samuẹl 5:10

Ọ kegha dọlegbe wegbe yọ khian ẹghẹ hia rhunmwuda e Nọyaẹnmwa Osanobua ne Oghodua keghi yaba ẹre.

I Krọnikol 11:8

a na do gha tie ẹre, “Ẹvbo e Devid.” Ọ keghi dọlegbe bọ ẹvbo nii, ọ na suẹn ọnrẹn vbe ehe ne a na ya ekẹn ran uye vbe obọ agọ ọghe oke nii, e Joab keghi ya khọn ehe ni ghi dekẹe vbe ẹvbo nii fo.

I Krọnikol 9:20

E Finihaz ne ovbi Eleaza, te Nọyaẹnmwa gha deba ẹre! — rẹn ọ gha mwamwa iwinna ne iran ẹghẹ nii.

Ẹsta 9:4

Agbọn hia keghi wa rẹn vbe otọe arriọba ni hia fẹẹrẹ wẹ ọmwa ne ọ mwẹ ẹtin ọre Modekai ghi khin vbe ẹguae, kevbe wẹ te ẹtin ẹnrẹn dọlegbe kpọlọ yọ.

Job 17:9

Iran ni khare wẹ adazẹ iran khin, wa dọlegbe rhie ye ekhọe wẹ iran rri asẹ.

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 46:7

E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?