I Krọnikol 11:3 - Edo Bible (E Baibol Ẹdo) Version 1996

³ Rhunmwuda ọnii, avbe ekaolotu ivbi Izrẹl hia keghi bu e Devid gha die Hibrọn, ọ na yo ulamwẹ ne iran, iran tue ori ye ọre uhunmwu iran keghi ma ẹre ọba Izrẹl zẹ vbene Nọyaẹnmwa la unu e Samuẹl tae zẹẹ.

I Krọnikol 11:3 ပူးပေါင်းရင်းမြစ်များ

II Samuẹl 2:4

Ẹre ivbie Juda na gha die Hibrọn, iran na ma Devid ọba ọghe Juda. Ugbẹn vbe Devid ghi họn ighẹ ivbi ẹvbo Jabẹs ne Giliad re orinmwi e Sọl nẹ,

II Samuẹl 5:3

Rhunmwuda ọnii, avbe ọkaolotu ivbi Izrẹl hia keghi hu e Devid ne ọba gha die Hibrọn. Ọ keghi ye egbe ye ulamwẹ ba iran, iran keghi ma ẹre ọba ọghe Izrẹl.

II Samuẹl 5:5

Ọ keghi ya ukpo ihinrọn vbe ukhiọnmwẹ rriọba yan Juda vbe Hibrọn, ọ keghi vbe ya ukpo eha-yan ọgban rriọba yan ivbi Izrẹl vbe Jerusalẹm.

II Ọba 11:17

E Jehoiada ne ohẹn keghi ru ẹe ne Joas ne ọba kevbe emwa nii, gba rhie obọ ye ebe ne Nọyaẹnmwa wẹ, emwa e Nọyaẹnmwa iran ra gha khin, ọ kevbe ru ẹe ne ọba vbe emwa nii gba rhie obọ ye ebe.

II Ọba 23:30

Emwa rẹn ni rre ukpo keghi ya ikẹkẹ okuo mu ikun ẹnrẹn werriegbe gha rrie Jerusalẹm, iran na ya re ẹre ye idin avbe ọba vbe evba. Ivbi e Juda keghi zẹ Joahaz ne ovbi e Josaia ne okpia, iran na ma ẹre ọba.

I Krọnikol 11:10

Eni avbe ivbiyokuo e Devid ni hin usi ọ re ena khin, iran na ọ re ọ yaba ivbi Izrẹl nekpa, ru iyobọ ne ẹẹn ne ọ rriọba zẹ vbene Nọyaẹnmwa kha re, iran kevbe ya arriọba ẹre igie muotọ.

II Krọnikol 23:3

Iran hia keghi do si egbe koko vbe Ọgua Osa, iran na ye egbe ye ulamwẹ ne Joas ne ovbi ọba, e Jehoiada keghi khama iran wẹẹ, “Ovbi ọba ne ọ rrie a i wua ọre ọna khin. Te a ghi ra ya ẹe rriọba na zẹ vbene Nọyaẹnmwa yan ma e Devid wẹ ivbi uniẹn ọnrẹn gha ye.

Giọgis 11:11

Ẹre Jẹfta ghi na lele avbe ọkaolotu nii gha rre Giliad, iran ke ya ẹe ru ne ọ khaemwisẹ kevbe olotu iran. E Jẹfta keghi hẹnhẹn unu emwi hia vbe Mizpa, vbe odaro e Nọyaẹnmwa.

I Samuẹl 11:15

Ẹre iran hia na gha rrie Gilgal, evba nii, vbe ehe ne ọ huanrẹn, iran keghi ma e Sọl ọba. Iran keghi si isara, e Sọl kevbe ivbi Izrẹl keghi ghọghọ ye emwi ne ọ sunu na.

I Samuẹl 15:28

E Samuẹl keghi tama rẹn wẹẹ, “E Nọyaẹnmwa yanghan arriọba Izrẹl hin ruẹn obọ rre ẹrẹna, ọ keghi mu ne ọmwa ọvbehe ne ọ maa sẹ ruẹ.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 16:3

Tie Jese ye izọ ese na, I gha tama ruẹn emwi ne u gha ru. Ọmwa ne I ghi tama ruẹn, u ghi ma ẹre ọba.”

I Samuẹl 23:18

Iran eva keghi gba vẹn ihẹn ne egbe. E Devid kegha rrie Hores, e Jonatan na gha rrie owa.

I Samuẹl 28:17

Emwi ne Nọyaẹnmwa wẹ ne I tama ruẹn ẹghẹ nii ọ re ọ ru uẹ re na, e Nọyaẹnmwa miẹn ruẹn arriọba ni nẹ, ọ na mu ne Devid.