I Kọrinti 9:3 - Edo Bible (E Baibol Ẹdo) Version 1996

³ Emwa gha kpakan mwẹ ẹmwẹ, vbene I ya zẹ ne unu mwẹ ọre ọ na khin.

I Kọrinti 9:3 ပူးပေါင်းရင်းမြစ်များ

Iyẹn ne ọ Maan Ọghe Luk 12:11

“A gha mu ẹn gha rrie Ọgua ediọn, odaro ne ọ khaemwisẹ ra odaro enogie ne a ya gu ẹe gui, ghẹ si osi ba ẹmwẹ vbene u gha gui hẹẹ ra ẹmwẹ ne u gha ta.

Iwinna 22:1

“Ikpia, etẹn ne ikpia kevbe avbe erha mwa, wa danmwehọ mwẹ ne I zẹ ene unu mwẹ ma uwa!”

Iwinna 25:16

Sokpan mẹ keghi tama irẹn wẹ a i ruẹe vbe Rom wẹ ne a bu ohiẹn gbe ọmwa ne a gu gui ẹzọ ba emwi dan ne ọ ru, vbe ẹ i re te irẹn kevbe iran ni gu ẹe gui gba sa ye egbe unu nẹ, kevbe ne a vbe rhie otọ nẹẹn ne ọ ya ta ene unu ẹnrẹn vbe ifi ẹzọ ne a ba ẹre re.

I Kọrinti 14:37

Deghẹ ọmwaikọmwa ro ighẹ odibo Osanobua rẹn khin ra ighẹ a ya emwi ẹmwẹ orhiọn we irẹn, we ne a gi ẹe rẹn wẹ emwi ne I gbẹnnẹ na, iyi ọghe Nọyaẹnmwa tobọ ẹre nọ.

I Kọrinti 9:2

Gie a kha ighẹ emwa ọvbehe ma ka mwẹ ye ukọ, sokpan wa ka mwẹ yọ vbe ẹmwata. Rhunmwuda uyinmwẹ ẹdẹ agbọn uwa, vbe uwu Nọyaẹnmwa, wa tobọ uwa ọrọre ama ne a ya rhie ma ighẹ ukọ ọre I khin.

I Kọrinti 9:4

Ẹ i re ukpo mwẹ ne a ra ne a gha rhie evbare mẹ kevbe ne a gha sa amẹ mẹ wọn, rhunmwuda iwinna ne iwi-nnaẹn?

II Kọrinti 13:10

Ọnii ọ si ẹe ne I na gbẹn ebe na vbe I i rre ehe ne uwa ye, otọe ẹre nọ wẹ, I gha ghi rre, ne I ghẹ ye obọ ne ọ tọn mu uwa vbe i a gha lo asẹ ne Nọyaẹnmwa rhie mẹ, asẹ ne a rhie mẹ ne I ya ye uwa digiẹ ighẹ ẹ i re ne I ya duẹ uwa sẹ otọ.

II Kọrinti 13:3

Emwi ne uwa ho ne aro uwa sẹ ne uwa miẹn ehe na rẹn ighẹ Kristi gele gun mwẹ guan. Wa gha miẹn ọẹn. Ọ gha mu uwa rueghe, ẹ i vburriẹ, sokpan, ọ gha rhie ẹtin ẹnrẹn maa vbe adesẹ uwa.

II Kọrinti 13:5

Wa tobọ uwa gualotọ egbe uwa, ne uwa ghe ẹre deghẹ wa gele rrọọ vbe uwu iyayi. Iyayi ighẹ wa rẹnrẹn ighẹ Jesu Kristi re uwu uwa? Sokpan a ma gha kha ighẹ uwa wa ba odẹ ku nẹ.

Filipai 1:17

Iran nekpa i ya ẹkoata kpe orhu e Kristi, sokpan ekhọe emwidamwẹ ọghe ne ọ rẹn ọghọe ọkpa, iran ho ne iran dọlegbe si ẹti yọ mwẹ urhu vbe ne I na rre uwu eghan na.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

II Timoti 4:16

Ẹghẹ ne I na ya gui ẹzọ mwẹ vbe okaro, orhunmwu ọkpa ne ọ lele mwẹ yo ẹ i rrọọ, ehia keghi lẹ sẹ mwẹ rae. Osanobua ne ọ lahọ ne oghẹ kae ye iran owẹ.