I Kọrinti 8:9 - Edo Bible (E Baibol Ẹdo) Version 1996

⁹ Sokpan, u ghi mwẹ ẹwaẹn ne u ghẹ ya ye rhunmwuda ighẹ u sẹtin ru emwi ne ọ khọn ruẹn ye ọmwa ne iyayi ẹre ma wo vbe egbe de ye orukhọ.

I Kọrinti 8:9 ပူးပေါင်းရင်းမြစ်များ

Aizaia 35:3

Rhie iwegbe ne avbe obọ ne egbe wọre kevbe avbe igue ni guọ rhunmwuda a ma wegbe.

Aizaia 57:14

E Nọyaẹnmwa khare wẹẹ, “Wa gie avbe emwa mwẹ werriegbe bu mwẹ gha dee. Wa viọ idobo hia hin iran odẹ rre. Wa zẹ odẹ ni ne uwa zẹ ọe yotọ!

Ezikiẹl 14:3

“Ovbi ọmwa, avbe emwa na, ẹmwẹ ẹbọ okpa ọ re ọ wa rre iran ekhọe rhunmwuda ọnii, te iran ghi gie ẹbọ gha si iran fi orukhọ. Te iran ro ighẹ mẹ gha rhie ewanniẹn ne iran ra?

Ezikiẹl 44:12

“Sokpan, rhunmwuda ne a na miẹn wẹ iran ọre ọ gha ru ẹbọ ne ivbi Izrẹl, iran na la odẹ vberriọ silo iran obọ fi orukhọ, mẹ ne Nọyaẹnmwa ne Udazi tae mu olọ yan rẹn nẹ wẹ, te I ra rri iran oya.

Levitikọs 19:14

Ghẹ tie ihẹn ne ayin ehọ ra ne u mu emwi gbe odẹ ne arhuaro miẹn ehe na rua owẹ. Gha mu ohan mwẹ. Mẹ ọrọre Nọyaẹnmwa ne Osanobua ruẹ.

Matiu 18:10

“Wa ghẹ zan ọkpa vbe uwu iran ne giẹrẹ na. Ne I tama uwa, ẹghẹ hia ọre odibosa iran ya mudia ye odaro Erha mwẹ ne ọ rre ẹrinmwi. [

Ebe ne Pọl gbẹẹn gie emwa Rom 15:1

Ọ kere ne ima ne iyayi ẹre wegbe gha kpa iran ni ma wegbe ihẹ. Ọ ma kei ne ima gha ru ne ọ yẹ egbe mwa.

I Kọrinti 10:24

Ọ ma kei ne ọmwa wa gha rẹn ọghe enegbe ẹre ọkpa, ọ kere ne ọ vbe gha rẹn ọghe emwa ọvbehe.

I Kọrinti 10:28

Sokpan, a deghẹ a ghi tama ruẹn nẹ wẹ, “Ẹbọ ọre a ya emwi na ru,” ghẹ rri ọe rhunmwuda ọmwa ne ọ tama ruẹn ni kevbe rhunmwuda osẹe ekhọe.

I Kọrinti 10:29

Ẹ i re osẹe ekhọe ọ wuẹ ọre I kha, sokpan ọghe ọmwa nii. Ọmwa ọkpa sẹtin kha wẹ, “Vbe ọ zẹ ne ekhọe ọmwa ọvbehe gha na mu idobo yọmwẹ egbe vbe emwi ne I ru yi?

I Kọrinti 10:32

Gha yin vbene a gha na miẹn wẹ u ma hẹ vba avbe Ju ra iran ne ẹ i re Ju ra esọsi Osanobua.

I Kọrinti 8:10

Rhunmwuda, a deghẹ ọmwa ne ekhọe ẹre ma wegbe vbe ekpa ẹmwẹ na, miẹn uwẹ, ne ọ mwẹ “irẹnmwi” vbe u rri evbare vbe aro ẹbọ, ẹ i re te ọnii gha rhie ẹtin ne irẹn ya gha rri evbare ẹbọ?

I Kọrinti 8:12

U gha ru vberriọ, te u rukhọ ghe Kristi, vbe ekpa ne u na ru avbe etuẹn khọ, u na rhia iran ekhọe ne ọ ma wo vbe egbe rua.

I Kọrinti 9:22

I gha miẹn iran ne iyayi ẹre ma wo vbe egbe, mẹ ghi vbe gha re ne ọ ma wo vbe egbe zẹ vbene iran ye, ne I miẹn ehe na silo iran ba egbe. Rhunmwuda ọnii, te I ghi ye egbe khian emwi hia ne emwa hia, ne I sẹtin la odẹikodẹ miẹn emwa eso fan.

II Kọrinti 11:21

Ekhue wa mu mwẹ vbe I ta ẹe. Ma ma din sẹ ne ọ gha ru vberriọ! Sokpan deghẹ ọmwaikọmwa wẹ rẹn mwẹ emwi ne ọ gha ya rhuọ, te I guan vbe ọmwẹmwẹ na, mẹ wa vbe mwẹ nii gha ya rhuọ vberriọ zẹẹ.

II Kọrinti 11:29

A gha miẹn ne ọ ma wo vbe egbe, me ghi vbe khian ne ọ ma wo vbe egbe, ọmwa gha de ye orukhọ, akhiẹ ghi gba imẹ ẹko.

II Kọrinti 6:3

Ma ma ho ne ọmwaikọmwa do gha zan iwinna mwa, rhunmwuda ọnii, ma i vbe mu idobo ye ọmwarhọkpa egbe.

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

Kọlose 2:8

Wa ghẹ gie ọmwaikọmwa ya ẹwaẹn akuọkan ne agbọn ya rẹrẹ ọmwa mu uwa oghunmwu, iruẹmwi la obọ dinna obọ, ọghe emwa, ọre ọ ke rre, kevbe obọ avbe eniwanrẹn asọn ni da kha vbe avbe ideghedeghe agbọn vbe ẹrinmwi, ighẹ ẹ i re obọ Kristi.

I Pita 2:16

Wa gha ru emwi ọmwa ne ọ yan egbe ẹre, sokpan wa ghẹ ba muẹn, mẹ ọ yan egbe mwẹ gue aro gha zẹ iba, sokpan wa gha ru emwi zẹ vbe eviẹn Osanobua.

II Pita 2:19

Iran ghi gha tama iran wẹ iran gha khian enọyan egbe iran, vberriọ iran tobọ iran, eviẹn emwi ne egbe guẹe ne ọ fuẹn emwa uan, ọre iran khin, rhunmwuda, ọviẹn emwi ni ne obọ ẹre ghi gba ọmwa nẹ, ọre ọmwa khin.

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.