I Kọrinti 8:4 - Edo Bible (E Baibol Ẹdo) Version 1996

⁴ Vbe ekpa ọghe wẹ deghẹ ọ kere ne a gha rri emwi ne a ya ru ẹbọ, ma rẹnrẹn wẹ, emwi ne ẹbọ mudia ye ihe ẹre keghi re emwi ne ẹ i zẹdẹ rrọọ hiehiere. Ma rẹnrẹn wẹ, Osanobua ọkpa kẹkan ọre ọ rrọọ.

I Kọrinti 8:4 ပူးပေါင်းရင်းမြစ်များ

Psalm 86:10

Wẹ kpolo, u keghi vbe ru emwi ọyunnuan, wẹ okpa kẹkan ọrọre Osanobua.

Aizaia 37:16

“E Nọyaẹnmwa ne Oghodua, Osanobua Izrẹl, wẹ ne ọ tota ye odukhunmwu ehe ne avbe emwi ne a yi ni zẹ ifuẹn nii ye, wẹ okpa kẹkan ọrọre Osanobua, wẹ ọ re ọ vbe khaemwisẹ yan avbe otọe arriọba ni rre agbọn na hia, wẹ ọ re ọ yi otọe kevbe iso.

Aizaia 37:20

Banbanna nian, e Nọyaẹnmwa Osanobua mwa, miẹn mwa fan vbe obọ ivbi Asiria, ne uhunmwu ẹvbo ni rre otọ agbọn hia miẹn ehe na rẹn ighẹ wẹ okpa ọrọre Osanobua.”

Aizaia 41:24

Ke uwa kevbe emwi ne uwa ru hia, kẹkan ehia khin. Emwa izohu ọ re iran ni gho uwa khin!

Aizaia 44:24

“Mẹ ọrọre Nọyaẹnmwa ne ọ ọmiọnmwafan ruẹn, mẹ ọ re ọ yii uwẹ. Mẹ ọrọre Nọyaẹnmwa ne ọ yii emwi hia. Mẹ ọkpa ọ re ọ tan iso zẹ vbe ukpọn ẹghẹ ne I na yii agbọn, ọmwa ne ọ ru iyobọ mẹ i rrọọ.

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Aizaia 45:14

E Nọyaẹnmwa kha ma Izrẹl wẹẹ, “Ẹfe Igipt kevbe Sudan gha khian ọwuẹ emwa ni taẹn ni rre Siẹba gha khian eviẹn ruẹn; iran gha lele uẹ vbe a ye eghan gbalọ iran, iran gha ghughẹrre nuẹn iran ghi miẹnkue wẹẹ, ‘Osanobua deba ruẹ rẹn ọkpa kẹkan ọrọre Osanobua.

Aizaia 45:5

“Mẹ ọrọre Nọyaẹnmwa, osa ọvbehe irrọọ. I gha rhie ẹtin ne ọ khẹ kuẹ nuẹn, a gha rhe miẹn wẹ, u ma rẹn mwẹ.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Jerimaia 10:14

Emwa nagbọn gha miẹn ọna, iran ghi khian ni ọ zurọ ni i mwẹ ẹwaẹn, iran ni mannọ amazẹ ma rẹn emwi ne iran ru, rhunmwuda, ẹbọ nii, iran i mwẹ arrọọ, ohoghe vbe nọ.

Iyẹn ne ọ Maan Ọghe Mak 12:29

Jesu wanniẹn wẹẹ, “Ne ọ kpọlọ sẹ ọrọre ‘Danmwehọ Izrẹl Nọyaẹnmwa Osanobua mwa ọkpa ọrọre Nọyaẹnmwa.

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.

Iwinna 15:20

Emwi ne a gha ru ọrọre wẹ ne a gbẹn ebe gie iran we ne iran ghẹ rri evbare ne ọ ma huan, rhunmwuda ighẹ a yae ru ẹbọ, ne iran gha bi egbe ne alama oghẹ, ne iran ghẹ rrie aranmwẹ ne a ye obobọ kuẹn gbe ua ra esagiẹn.

Iwinna 19:26

Wa họẹn, aro uwa tobọ uwa vbe sẹ emwi ne oko na ne iran tie ẹre Pọl ru. Ọ wẹ ẹbọ ne a ya obọ ma i re ẹbọ hiehiere, obọ ẹre da otọ ne ọ ya fi emwa ekhọe werriẹ vbe Ẹfisọs mwa na, kevbe na wa kha wẹ la otọe Esia hia.

I Kọrinti 8:1

Vbe ekpa emwi ne a ya ru ẹbọ: Ẹmwata nọ wẹ, “ma hia ọre ọ rẹn emwi,” zẹ vbe ne itan kha re. Sokpan egbe irẹnmwi vberriọ, uhiomwẹ ọre ọ si ye ọmwa egbe, sokpan ahọ ẹmwẹ ọmwa ọre ọ de ọmwa igiẹ.

I Kọrinti 8:10

Rhunmwuda, a deghẹ ọmwa ne ekhọe ẹre ma wegbe vbe ekpa ẹmwẹ na, miẹn uwẹ, ne ọ mwẹ “irẹnmwi” vbe u rri evbare vbe aro ẹbọ, ẹ i re te ọnii gha rhie ẹtin ne irẹn ya gha rri evbare ẹbọ?

I Kọrinti 8:11

Rhunmwuda ọnii nian, ọmwa ne ọ ma wegbe na ne Kristi wu na, ghi khian ne ọ fuẹn uan rhunmwuda “irẹnmwi” ruẹn!

Galatia 4:8

Vbe ẹghẹ ne ọ gberra, wa ma rẹn Osanobua, wa keghi rhunmwuda ọnii gha re eviẹn avbe emwi ne ẹ i re Osanobua.

Ẹfisọs 4:6

Osanobua kevbe Erha mwa hia ọkpa, ọre ọ rrọọ, rẹn ọ vbe yan ehia, ne ọ ya ehia winna, kevbe ne ọ rre uwu ehia.

Diuteronomi 3:24

‘E Nọyaẹnmwa ne Udazi, I rẹnrẹn wẹ omuhẹn emwi ọ yan unu uan nekhua ne u ra ru ọkpa ọ re u rhie maa mwẹ. Ẹbọ ọkpa i rre ẹrinmwi kevbe agbọn ne ọ gha sẹtin ru avbe emwi nekhua ne uwẹ ru!

Diuteronomi 32:39

“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.

Diuteronomi 4:35

E Nọyaẹnmwa rhie ọna ma uwa nẹ ne ọ ya rhie maa uwa wẹ rẹn ọkpa kẹkan ọrọre Osanobua, kevbe wẹ ọvbehe i rrọọ.

Diuteronomi 4:39

Rhunmwuda onii nian, wa yerre, wa ghẹ mianmian, e Nọyaẹnmwa ọrọre Osanobua vbe ẹrinmwi kevbe agbọn, Osanobua ọvbehe i rrọ.

Diuteronomi 6:4

“Izrẹl, ye ọna rre! E Nọyaẹnmwa, awẹ e Nọyaẹnmwa ọkpa kẹkan ọrọre Osanobua mwa.

I Timoti 1:17

Ọba etẹbitẹ, ne ẹ i wu ẹde, kevbe ne a i bẹghe, ne irẹn ọkpa re Osanobua, ọre ọghọ kevbe uyi gha rrọọ na, ẹdẹ kevbe ẹdẹdẹmwẹdẹ. Isẹ.

I Timoti 2:5

Rhunmwuda Osanobua ọkpa ọre ọ rrọọ, ọmwa ọkpa ọre ọ vbe rrọọ, ne ọ dọlọ Osanobua kevbe emwa ne agbọn kugbe, ọnii ọre ọmwa na ighẹ Kristi Jesu.

Ebe ne Jud gbẹẹn 1:25

Ne Osanobua ọkpa kevbe Ọmiọnmwafan, la ekpa Jesu Kristi Nọyaẹnmwa, ọre uyi, ọdakha, ẹtin kevbe asẹ gha rrọọ na, ke orre ni gberra hia gha dee do sẹ wanwanna, ẹdẹ kevbe ẹdẹdẹmwẹdẹ. Isẹ.