I Kọrinti 7:7 - Edo Bible (E Baibol Ẹdo) Version 1996

⁷ Vbe ẹmwata, ọ gha te yẹ mwẹ akpawẹ emwa hia wa ye vbene imẹ ye, sokpan dọmwadẹ ọghọe ọre ọ mwẹ emwi ne Osanobua ya wẹẹ, ọghe ọna ughaẹn, ọghe nọkpa ughaẹn.

I Kọrinti 7:7 ပူးပေါင်းရင်းမြစ်များ

Gẹnẹsis 30:34

E Leban keghi wanniẹn wẹẹ, “Ọ maa. Ma gha ruẹe vbene u kha re.”

Iwinna 26:29

E Pọl keghi wanniẹn wẹ, “Ọre vbe ovbi ẹghẹ kherhe nọ ra ẹghẹ ne ọ taẹn nọ, erhunmwu ne I na ghe Osanobua ọrọre wẹ ne uwẹ kevbe emwa hia ni danmwehọ mwẹ ẹrẹna dọ khian vbene I mẹ yi, sokpan ẹ i re ọghe ọgiọrọ na I kha vbọ!”

Ebe ne Pọl gbẹẹn gie emwa Rom 12:6

Rhunmwuda ọnii, wa gie ima gha lo dọmwadẹ emwi ughughan ne Osa ya we mwa ye omwa ẹsọhẹ ne Osanobua rhie ne ima. Deghẹ ne a gha kpe orhu Osanobua ọrọre emwi ne a ya we mwa, wa gie ima gha ruẹe vbene iyayi mwa sẹe.

I Kọrinti 12:11

Ọ rhie ẹtin ne a ya ye urhu ne a ma rẹn guan ne emwa eso, ọ kevbe rhie ẹtin ne a ya zẹ edu urhu ne a ma rẹn na ne emwa eso. Sokpan Orhiọn ọkpa nii ọ re ọ ru avbe emwi na hia, ọ ghi ya emwi ughughan we dọmwadẹ ọghọe zẹ vbe ne ọ yẹ ọre.

I Kọrinti 12:4

Emwi Orhiọn ne a ya wẹ ọmwa ughughan ọre ọ rrọọ, sokpan Orhiọn Osanobua ọkpa nii ọre ọ ya ẹe we ọmwa.

I Kọrinti 7:8

Sokpan zẹ vbe ọghe iran ne ọ ma he rhie okhuo ra ne ọ ma he rọnmwẹ ọdọ, kevbe avbe ẹgbẹ, emwi ne I khare ọrọre wẹ, ọ gha wa maa sẹ ne uwẹ ọkpa heko gha rrọọ khian vberriọ zẹ vbene imẹ ye na.

I Kọrinti 9:15

Sokpan, mẹ ma he lo ukpo na rhọkpa, I ma vbe gbẹn ebe na nian ne I miẹn ehe na gha lo ukpo ni ne egbe mwẹ. I wa wu ọre ọ maa sẹ. Ọmwa ne ọ gha sẹtin ya orhuọ ẹmwata mwẹ khian ifianyanegbe, ẹ i rrọọ.

I Kọrinti 9:5

Ẹ i re ukpo mwẹ nọ ra ne imẹ vbe gha ru vbene avbe ukọ nekpa ru, kevbe avbe etẹn Nọyaẹnmwa kevbe Pita, ne I gha rhie ọvbokhan mwẹ ne ọ re ọmwa ne ọ yayi lele egbe khian vbe i a ladian?