I Kọrinti 7:6 - Edo Bible (E Baibol Ẹdo) Version 1996

⁶ Ẹre te I yi ẹre iyi ne uwa, sokpan zẹ vbe emwi ne a fan obọ ẹre ne ọmwa ne ọ gha ru.

I Kọrinti 7:6 ပူးပေါင်းရင်းမြစ်များ

I Kọrinti 7:10

Ọghe iran ni rọnmwẹ ọdọ, emwi ne I tama iran, ẹ i re imẹ ọ re ọ ta ẹe sokpan ẹmwẹ Nọyaẹnmwa nọ, wẹ ne okhuo ne ọ rre owa ọdọ ghẹ kpa sẹ ọdọ ẹre rae.

I Kọrinti 7:12

Ne emwa ni dekẹe, emwi ne I tama iran (ẹmwẹ obọ mwẹ nọ, ẹ i re ọghe Nọyaẹnmwa): ọrọre wẹ, a deghẹ okpia ne ọ yayi mwẹ okhuo ne ọ ma yayi, ighẹ okhuo ni na kue yọ ne iran gba gha rrọọ, wẹ ne ọ ghẹ khuẹe.

I Kọrinti 7:25

Ẹn hẹn, vbe ekpa ẹmwẹ iran ni ma rọnmwẹ ọdọ, Nọyaẹnmwa ma rhie iyi rhọkpa yọ mẹ, sokpan I gha guan ẹmwẹ obọ mwẹ yọ zẹ vbe ọmwa ne a sẹtin rhie ẹmwẹ ọnrẹn, vbe ekpa itohan Nọyaẹnmwa.

I Kọrinti 7:40

Vbene ọ rhirhi gha ye hẹ, ọ hẹko ziengbe ye ihe ne ọ ye, ọ re ọ gha fu ẹre egbe sẹ. Ọghe ekhọe mwẹ ọre I tae ni. Mẹ yayi ighẹ mẹ vbe mwẹ Orhiọn Osanobua.

II Kọrinti 11:17

Sokpan ẹmwẹ ne I ra guan na, ẹ i re egbe ẹmwẹ ne Nọyaẹnmwa gha te wẹ ne I guan, vbe nọ dekaẹn ẹmwẹ orhuọ ne a rhuọ na, te I wa guan vbe akpa.

II Kọrinti 8:8

Ẹ i re te I vinnọ uhi ye otọ, sokpan, I gha ta vbene emwa ọvbehe gbe igiangian ye ẹmwẹ iyobọ ne a ru hẹ, te I ho ne I rẹn vbene aho ẹmwẹ ọmwa uwa re ọghe ẹmwata hẹẹ.